Luke 11:36 - BII BILA

³⁶ Te ɲɛ vavonndo va yɛ pɛ o dialun nɔmndon nin kpede, mì ɲɛ-ɲɛ ve o maɲum nin te, mɛɛ diallon kpow n co n tengaa mɛɛ lamboo ke vana ɲɛ-tengaa nuaa yɛ.

Luke 11:36 Iomraidhean Croise

Talelan 1:5

Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Talelan 20:27

Fitina Mɛlɛka tosa le yoomu vanacieo-vo co kɔl ndɔɔ ni, ndu teengiaa yiyannda co ndu nin-ndan ni.

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

Esai 42:16

I yaanin vanaa sumɛiya o nɛi nda sina loo coo. I yaanin nda o pemama nda sina le-an coo. I mangalanin ɲumndan ɲɛ-tengaa nda o hɔl. I siinguunin kpolonndan dɛngbɛla tɛlɛlan. I tosanin dɛnnda lan kpow, o kɛ́-kɛ̀ i mɛinin le tosaa le.

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Matie 5:15

Vana mɛndul fitinaa le ndu kumbɔɔ le, kɛ le ndu kɛsio o ɲɛ kɛsiaa lafitinaa coo, haliko mo teengiaa cɛiyo lenin le vanaa co lenin-nda kpow.

Luke 11:35

Lelan caa taw, yɔŋii ɲɛ-tengaa co nɔm nin-ndo siŋnun ɲumndan.

Luke 11:37

Mɛɛ Yeesu cii sɔɛi, mí Faliisinɔɔ pum veelu ndu le dioo nda ndu o ndu lo. Mí Yeesu kɔa, mó kɔ cal le dioo.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Hebreea 5:14

Kɛ nduyɛ, le kaasonnda ɲɛdiaa kàlà-kálàá co ni. Nda sínà hiyan co dɛnɛ kɛndɔɔ a o vɔɔndo tɛɛn-ndo, kani a dɛli nin.

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.