Luke 11:22 - BII BILA

²² Kɛ te vana hiow ndu dialun kalan-ndo hinul ndu pɛ, mò nɔla ndu, o poondiaa ndu ɲɛm cɔvun o tiindan mun-ndon o ba. O kon kɔɔli, o piɔw mun vanaa celen tɛɛn.

Luke 11:22 Iomraidhean Croise

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Fulaa 15:9

Yaamɔaa naa ndáà cii nin dimi aa: ‹N kɔnnun nda kɔɔli, mì n kɔ biinun nda. N kɔ puunun nda ɲɔɔn o laba a paa-kala, mì n dennun mun háá mì n pimnun kukúú. N solin mɔɔn cɔwvon mì n kɔ diwnun nda.›

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Esai 53:12

Lelan ya yɔngunin ndu kunda ndɔɔ nda sɛ́lɛ́ bɛndoo latulu ni, a piɔvannin ɲɛm nda poondiaa o cɔwvo-on nda vanaa kpaayaa latulu, kani ndu pila yɔngun le piɔ́mndo sɔlaa ni, mó cɔmnun vanaa tɛɛmbua tɔŋnda coo, nduyɛ mó siilun haki vannda taw-taw, mó soaa le vanaa tɛɛmbuu tɔŋndan-nda.

Luke 11:21

Vana dialun kalaa nɔ pɛ ɲɛm cɔwvon mò va bɛ́ɛ̀ ndɔɔ kandaa, ɲɛ-ɲɛ yɔŋnun mun te.

Luke 11:23

Vana-vana naa n co diom pilɛ le, mɛɛ yaamɔɔ nuu o co ni. Vana co mɔɔsiaa maa ya le, mɛɛ puusiaa ndu co ni.»

Efɛsea 6:11

La cua ɲɛm cɔvun Hala-on kpow, haliko mi la tiwba kɔlkalu vɔɔn masa ɲinaa vɔɔnda simullo.

Efɛsea 6:13

Lelan, sunsun la cua ɲɛm cɔvun Hala-on kpow. O kon telen paale vɔɔnnden le tiiyanin-ndo, la tiwba yaamɔaa niaa simullo. Nduyɛ, lɔ́ɔ́ niaa cɔlɔbanin háá o mɛɛlulan-ndo, la muungunin mì la sim vɛlɛ yili o fonda niaa.

Kolɔsea 2:15

Mó yunga kpaayalan a masɛi, mó soli nda vannda o hɔl kpendekele le nɔla o nɔla nda o yɔm singafilaa coo-o cɔmndo.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.