Luke 11:15 - BII BILA

¹⁵ Kɛ mí vanaa pum nda dimi aa: «Bɛlsebul, o co bolle ɲinaa vɔɔnda-o co ndu kpaayaa keo le ɲinaa vɔɔnda tovɔɔ vannda kɔɔli nuaa ni.»

Luke 11:15 Iomraidhean Croise

Matie 10:25

Kɛ kaandennɔɔ tiiya pɛ maa vana ndɔ pɛɛkaa, mì cɛɔ tiiya maa vana ndɔ bɛndoo, kon tiw. Nɛɛ nda veelu vɔ vana co cɛiyo bollen-ndo nuaa aa Beɛlsebul, vanaa co cɛinin-nda yɛ niko?

Matie 12:22

O kon kɔɔli, má cuu ndu bobonɔ sumɛi ɲina vɔɔndo va kɔɔli-o. Mó singi ndu, mí bobonɔ kon kandu dɔ́ɔ́ sɔɛi a cɔu.

Matie 4:24

Mí tɔ́ɔ́ ndɔɔ tiw o lɛŋnde Siri len nin kpow. Má va ndu vanaa lanàà súú-súù ka, vanaa bolii hiŋnannda, vanaa ɲinaa vɔɔnda va kɔɔli-a a vanaa kikiɲaa cuuo. A va ndu vɛlɛ vanaa falun vílɛ́iya cuuo, mí Yeesu va nda singio.

Matie 9:34

Kɛ mí Faliisia va dimio aa: «A kpaaya bolle ɲinaa vɔɔnda o co ɲinaa vɔɔnda tovɔɔ ni.»

Nsaŋ 10:20

Mí vanaa bɔɔ-bɔɔ o nda tɛɛn a va dimio aa: «Ɲina vɔɔndo co ndu nin ni. O seema. Le yɛɛ niaa co yɛ ndu yaŋnɔnndo?»

Nsaŋ 7:20

Mí sɛ́lɔ́ɔ́ mulul ndu aa: «Ɲina vɔɔndo co nɔm nin ni, ndu co nɛilan nuwviaa le nɔm diyɔɔ ni.»

Nsaŋ 8:48

Mí Yuifia mulul ndu aa: «N nɔ manɔa di le dimio maa Samarinɔɔ le n co, mì ɲina vɔɔndo va nɔm nin te?»

Nsaŋ 8:52

Mí Yuifia dimul ndu aa: «N sina nihau maa ɲina vɔɔndo co nɔm nin ni. Abraham vi, vanaa-tɛɛngaa-diom Hala-a bɛɛ co hau ciee-piɔ́m, nɔm hin naa dimullo maa vana bii pɛ sɔɔn nɔmndon, o vinin te.