Luke 10:42 - BII BILA

⁴² kɛ nduyɛ, dɛnɔɔ ndu pilɛ kpé naŋ ni. Dɛnɛ hiow kon naŋɔɔ-o Mari hɛli nuaa ni, nduyɛ, vana-vana heelunin ndu dɛnɛ kon o ba le.»

Luke 10:42 Iomraidhean Croise

Condii lisai 119:111

Tɔŋnda nɔmndan la co kɛ́ ni fɛɛn-fɛɛndo ni, o lan nin ya naŋ kɔl ni.

Condii lisai 119:173

Màá mala ya a kpaaya nɔmndo, kani silala nɔmndan ya hɛli ni!

Condii lisai 119:30

I hɛli nɛi toɲaa, mí kɛsi kɔllo o tɔŋnda nɔmndan coo.

Condii lisai 142:5

Tofa vɔ ya o ba kɛndɔɔ coo, mà ce. Vana-vana co ya mulul te, i nɔ nɛɛ viannan te, vana-vana co buulan le yoomu nuu le.

Condii lisai 17:15

Kɛ ya ya, i canin hɔlaa nɔmnda o sandei nin, tuma ya tiandunin-ndo, i tofanin nɔm háá mì pim.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

Condii lisai 73:25

Nɛ̀ɛ̀ celen ya nɔ yɛ o halataala le o nɔm kɔɔli? O nɔm kɔɔli, i yeema ɲɛ-ɲɛ celen o lɛŋnden coo le.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Marke 8:36

Vanacieo sɔla bɛɛ ceendo kpede, kɛ te yoomu ndɔɔ hɛlun ndu pɛ, ɔ́ɔ̀ tɔnɔ o sɔla-o?

Luke 10:39

Marte kon ndóò nɔ pɔmbɔɔ, diolan Mari. Mí Mari cal Yeesu o labɛngunin le sɔɔn ndɔn yaŋnɔnndo.

Luke 11:1

Paale pilɛ, Yeesu va Hala piɛiyo nɛɛ pum. Mɛɛ o cii, mí kaandeŋaa ndɔa o pilɛ dimul ndu aa: «Maalii, pɛɛku naa piɛilen mɛɛ Nsaŋ pɛɛku kaandeŋaa ndɔa yɛ.»

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Luke 12:33

La pisi ɲɛm co niaa o laba-on, mí la yɔngu vanaa bala fondoa volin mun. La toosiaa bɔlɔla tembu le lan le niaa pila, bolofaa o halataala pɛɛn. O tembunin too, nɛɛ vui sɔɔnguunin ikɛi le-a, kaangoa tɛɛmbuunin vɛlɛ ndu le.

Luke 16:2

Mí vana bolofaa kon veelu ndu, mó ɲuna ndu aa: ‹Vɛ̀ɛ̀ ya co yɛ tueyɔɔ a nɔm o kɔɔ? Downun ya kona, kani a manda lɛnin bolofaa nuu le.›

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Luke 18:22

Mɛɛ Yeesu tuei sɔɔn mun, mó dimul ndu aa: «Ɲɛ pilɛ lo vɔ nɔm le tosaa: pisi ɲɛ-sɔlaa nɔmndo kpow, mà piɔw vanaa bala fondoa volin mun, a co hunɔɔ bolofaa sɔla o halataala. O kon kɔɔli, a del-la kɔɔli.»

Luke 8:18

Lelan, la caa taw, le mɛɛ niaa yaŋnun vannda yɛ. Kani a yɔngunin vana nɔ-o, kɛ vana nɔ loo, hali ɲɛ-pɔmbɔ o co yiyanndo maa o nɔ-o, ndu hialunnin ndu.»

Nsaŋ 11:1

Mí langbanɔ nɔ diolan aa Lasar-o del a nàá. Betani, o ciee Mari nda Marte pɔmbɔ ndɔ-o o va ni.

Nsaŋ 11:19

Yuifia taw a va hunɔɔ o Marte a o Mari lo, le nda yilɔɔ biisi yema nda-o.

Nsaŋ 12:3

Mí Mari cua siani cuɛima báà kálà-kálàn mapum ma va nin-ndo, mó taaliaa man Yeesu o n'pelu. O kon kɔɔli, mó yiikpiaa ndu pelon a yiiŋii ndɔɛi. Mí cɛiyo pia cá a cun kɛndɛ cuɛima man.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

1Korɛntea 13:3

I piɔw bɛɛ ɲɛm nun kpow le vannda baloo dɔvɔɔ, i yɔngu bɛɛ dialun nun le lomɔɔ, te kaola co ya o kɔl te, kon co ɲɛ-ɲɛ le ya le.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Tɔŋ miingua 30:19

I cua hau halataalaa a lɛŋnden seilen le sɔɛi he. I kɛsi yoomoo a piɔ́mndo niaa laci, i kɛsi vɛlɛ duaa a dangaa niaa laci. Lelan, la cua yoomoo haliko mi la va yoomu, niaa a cuavaa niaa.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

Yosue 24:22

Mí Yosue ɲuna nda aa: «Vɛ̀ɛ̀ niaa pila le co seiya maa la hɛli Mɛlɛka le ndu baalaa tosallo le?» Má mulul ndu aa: «Oi, naa pila n co seiya ni.»