Luke 10:31 - BII BILA

³¹ Vana-solia-lasálàá pum lo kɔlan o nɛi kon, mó ca langbanɔ nda lɔ́ɔ́ kon-ndo, mó kei o nɛiyo baa pilɔɔ, mó hiawnun.

Luke 10:31 Iomraidhean Croise

Condii lisai 69:20

Nɔm, a sina mɛɛ vannda co ya yeowlan yɛ, a sina mɛɛ nda co ya siɛmbulan tuisio a ya bɛɛlan tɛɛmbuuo yɛ. Yaamɔaa nia kpow a co nɔm o hɔl.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Osee 6:9

Mɛɛ vanaa del vannda coo-a yììnùn kundaa le vannda cumullo nuaa yɛ, lende vanaa-solia-lasálàá Kalaad a co vannda diwvo o nɛi Sikɛm-ndo ni. A co dɛnnda kɔlvesɛilan tosaa a labɛɛla.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Talelan 21:13

Vana kindal pɛ vana bala fondo co koŋullo-o nilan, vana kon bɛɛ sɔlanin muli tuma o veelunin le malaa sɔlaa-o le.

Condii lisai 142:4

Te sangaa komal-la pɛ, nɔm Mɛlɛka sina nɛila ya kela coo lan. Vannda cii ya yaŋɔɔ o nɛila ya co kelaa lan coo.

Ruti 2:3

Mí Ruti can dɔ́ɔ́, mó kɔa yasalan nuwviaa vanaa koavaa kɔɔli o ciɛi pum nin, mí ɲɔɔ bendalan, mó kɔa o ciɛi Boas-e nin. Nduyɛ vanayɛi fɔ̀nɔ̀ Elimelɛk-e Boas kon va ni.

2Samiɛl 1:6

Mí langbanɔɔ muli aa: «I va o pembei Kilboa coo, kpafii mí ca Saul tundɔnndo o bál ndɔɔ coo, mí vanaa ɲaanun ɲɛla ɲaanannda soa nan-ndan-nda a vanaa ɲaanun o soa coo-a hun tiila ndu.

Esai 58:7

La piɔvan ɲɛdiaa niaa vana yiaan ma co nɛiyo-o, mì la luei vanaa bala fondoa nɔ nɛɛ calaa le-a o la niaa lo cɛinin. Te la ce pɛ vanndo a fɛ́lio, la ke ndu ɲɛ cuɛinanndo, la faŋal vanayan niaan hɔlla le.

Luke 10:30

Mí Yeesu muli aa: «Langbanɔɔ pum cɛn Yerusalɛm ni, mó va kɔlan Yeriko. Mó kei luɛyɔɔ vanaa del vannda coo-a tɛɛn, má del ndu coo, má poondiaa ndu ɲɔɔn kpow o ba. O kon kɔɔli, má lɔaa ndu, má mɛɛlu ndu tendú-piɔ́m.

Luke 10:32

Leviinɔɔ pum tiiya vɛlɛ o fonda kon, mó ca ndu, mí ndu bɛɛ kei o nɛiyo baa pilɔɔ, mó hiawnun.