Luke 10:22 - BII BILA

²² Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Luke 10:22 Iomraidhean Croise

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 10:15

maa mɛɛ Pua sina ya, mí ya i sina Pua yɛ, mí yɔngu yoomu nuu le saa nia.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Nsaŋ 17:10

Ɲɛ-ɲɛ co pɛ le ya, le nɔm o co ni, ɲɛ-ɲɛ co pɛ le nɔm, le ya o co ni. O nda nin ya co biiloo sɔlaa ni.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Nsaŋ 17:26

I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 3:35

Fuɲaa kaola Poo, mó sɔaa ndu dɛnndan kpede o ba.

1Korɛntea 15:24

O kon, mɛɛlulan la tiiya. Telen kon o minginin Hala Fuɲaa masalen o ba ni, mò tɛɛmbuu masalen a kpaayala lemalan kpow.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Efɛsea 1:21

Mó kɛsi ndu bollen masɛi kpow coo, kpaayalan kpow, vanaa mayoomua kpow a simlacia kpow coo, a le diola kɛ́-kɛ̀ co piɔlnɔnndo, o co ko le telenndo ho daama le, kɛ le telen co hunɔɔ-o bɛɛ.

Hebreea 2:8

má kɛsi ndu ɲɔɔn kpow o labɛngunin.» Te Hala kɛsi pɛ ɲɔɔn kpow vanacieo o labɛngunin, mɛɛ kon co dimio ni maa ɲɛ-ɲɛ lo le ndu kɛɔ tuisinndo o labɛngunin te. Kɛ nduyɛ, n co cɔu maa o co ɲɔɔn kpow le n tuisin sunsun vanacieo o labɛngunin te.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

2Nsaŋ 1:9

Vana-vana kɔɛnnun pɛ polon, mò lo o pɛɛkuu Krista-o nin te, mɛɛ ndu co latulu nda Hala le. Vana lo pɛ o pɛɛkuu kon coo, ndu nɔ Fuɲaa a Poo.