Luke 10:21 - BII BILA

²¹ O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.

Luke 10:21 Iomraidhean Croise

Condii lisai 24:1

Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

Condii lisai 8:2

Éé Mɛlɛka! Maalii naa! Diola nɔmndan la co labɔɔ o lɛŋnden kpow coo! Bɔɔbɔɔyɛi nɔmnde hiow halataalaa helɔɔ.

Esai 29:14

Lelan, i soaŋnin vɛlɛ nda a kaamaalan, a dɛnnda kɔndɔfiltan. Kɔlkalu vanaa kɔlkalua ndaa tambunin mì dɛnɛ sinaa vanaa dɛnɛ sinaa ndaa ɲum.

Esai 35:8

A busanin nɛiyo, nɛi bɛndoo o lɛŋnde len nin, a kenin nɛi kon diolan aa: «Nɛi diandaa.» Vana nɔɔlɛi keinin o nɛi kon coo le. Le yungu Mɛlɛka-o daama o vanin ni, vanaa vanin keiyo o nɛi kon coo-a, hali diɔmnda a luusiannin te.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

Matie 21:16

Má dimul ndu aa: «Vɛ̀ɛ̀ a co pá ɲɛ nda co dimio-o tueyɔɔ?» Mí Yeesu dimul nda aa: «Oi. Vɛ̀ɛ̀ kabi bɛɛ la dimi vɔ o co o sɛvaa-o le aa: ‹A toosiaa lisa nɔmndo cuaambɔa pɔmbɔa a á sondola cɛlɛkpɛa co vɔɛiyo-a o lasondo?›»

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Marke 10:15

I co niaa toɲaa dimul, vana-vana cɛl masale Hala len maa cuaambɔ pɔmbɔɔ le, ndu luei lenin te few.»

Luke 15:5

Te o saalun ndu pɛ, o handun ndu o congú a ɲaaloo,

Luke 15:9

O saalun ndi pɛ, o veelu caaŋaa ndɔa a vanaa nda cɛɛlan-nda, o dimul nda aa: ‹La mala ya ɲaaloo, kani i saalun volii nii ndíì lo-e.›

Nsaŋ 11:41

O kon má faŋa powvo. Mí Yeesu heelu hɔlla coocoo, mó dimi aa: «Pua, i mel nɔm balika le tùú n mulul-la-o.

2Korɛntea 4:3

Te Yoongu kɛndɛ naa co vɔ pɛ o viannanndo, mɛɛ le vanaa co kɔlan o lou nin-nda o co lende ni,

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

Efɛsea 1:5

ndóò cii nin cɛlɔɔ mi ndóò siinguu naa cuavaa ndɔa o Yeesu Krista nin. Mɛɛ hɛnan ndɔɔ co yɛ o tosa kon ni.