Luke 10:2 - BII BILA

² Mó dimul nda aa: «Kovɔɔ co o bɔɔ, kɛ vanaa koavaa co sɛ́lɛ́ le. Lelan la tɛɛlun vana iciɔɔ mò cuu vanaa baalaa le kovɔɔ.

Luke 10:2 Iomraidhean Croise

1Masaa 18:22

Mí Elii soaa vɛlɛ, mó dimul vannda aa: «Ya ya, ya pilɛ kpé lo o vanaa-tɛɛngaa-diom Mɛlɛka-a tɛɛn ni. Vanaa-tɛɛngaa-diom Baal-la yɛ nda co n'van kɛmɛ lehiɔɔlu a beleŋuɛɛnu.

Condii lisai 68:11

Òó Hala, lenin vanaa nɔmnda co icali ni, nɛɛ n kɛsi vanaa co o sangaa nin-nda o vanakɛndɛyɛi nɔmnde nin-nda pɛɛn.

Yeremi 3:15

Mì yɔngu niaa vanaa mandaa n'cɔlua ya laalan-nda. A simnin niaa laci a kɔlkaloo a á sinapɛngoo.

Sakari 11:17

Dɛnɛ palaa co le diɔm sondo vesɛi mandaa n'saa, o mal saa ndɔa-o! Màá mɔɛi cɔwve sɛɛsiaa ndu congoo, mì i pɛl ndu hɔlte ba kɛndɛlen! Màá congú ndɔɔ vu lekɛ́ndɛi! Màá hɔlte ndɔle ba kɛndɛlen le muungu tɔ́liɔ̀!»

Sakari 11:5

Vanaa co nda piondɔɔ le diyɔɔ-a co cɔnnɔn maa a tɛɛmbuu isɔɔ le. Vana co nda pisio-o co dimio aa: Biiloo co le Mɛlɛka! Kani i siŋnun vana bolofaa. Vanaa co saa kan mandaa-a nɔ iɲíí a nda le.

Kundalan 11:17

I toalnin ndon mì soo o nɔm ndo, mì cua kɔl ya yɔngu nɔm nin-ndo o tiŋ, mì yɔngu nda ndu, haliko ma mala nɔm sɔɔn vannda ha toosiaa. O kon, vallo ve lɛnin le nɔm pilɛ kínɛí le.

Kundalan 11:29

Mí Moise mulul ndu aa: «Paŋalaa n co le ya ni? Màá Mɛlɛka tuisi kɔl ndɔɔ vanaa ndɔa kpow coo, haliko ma siŋnun vanaa-tɛɛngaa-diom Hala-a!»

Matie 20:1

«Masale halataala len le velan a dɛnɛ vana bɛndu cɛiyo pum, o fula idiiyo púŋ le vanvalla yɔɔ o nakɔ n'rɛsɛn ndɔɔ nin-ndo.

Marke 13:34

Ɲɔɔ tosannin maa langbanɔ cɛn kɔlan kelaa, mó mɛi cɛi ndɔɔ buɛyaa ndɔa o ba, mó ke vana-vana baala ndɔɔ, mó dimul kpalilnɔɔ le dioo cumullo-o.

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Marke 16:20

Má kɔannun a sɔɛi Hala-e dimio nɛɛ-nɛɛ ka. Yeesu va latulu a nda o baala kon nin, mó va nda kpaayaa keo le dɛnnda kaamaalan tosaa. Cɔmndo va kon ni maa toɲaa kaandennda va dimio ni.]

Luke 9:1

Mí Yeesu veelu kaandeŋaa tɔ́ a à ŋiɔnda, mó yɔngu nda kpaayaa a dio le ɲinaa vɔɔnda tovɔɔ a le nààlan singio.

Dɛnnda kiilaa 11:19

Mí vanaa laalaŋaa sɛŋin le yɛle tolaalen, o diyɔɔ nda dii Etiɛn-ndo kɔɔli-a kɔa háá Fenisi, Siipre, a Antiɔs, Yuifia kínɛí nda va sɔɛi Hala-e tiiyallo ni.

Dɛnnda kiilaa 13:2

Paale pilɛ, a va Mɛlɛka biiloo ma va o sumndo nin, mí Hala Kɔl-Diandaa dimul nda aa: «La kɛsul-la Barnabas nda Sol landɔ le baalaa tosaa, o ya hɛli nda-o. »

Dɛnnda kiilaa 13:4

Mí Hala Kɔl-Diandaa viam Barnabas nda Sol, má kɔa Selesii, má can ndon, má luɛi o dɛ̀ndɔ̀ɔ́ nin, má kɔa Siipre.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 8:4

Vanaa sɛŋin kan-nda va keiyo sɔɛi Hala-e dimio nɛɛ-nɛɛ ka.

1Korɛntea 12:28

Lelan, o vanaa laalannda tɛɛn, mí Hala kɛsi fɔlɔn kiilaa, diinndɔɔ vanaa-tɛɛngaa-diom Hala-a, yàándɔɔ vanaa pɛɛkaa. O kon kɔɔli, vanaa tosa dɛnnda kaamaalan-nda, o nda kɔɔli, vanaa nɔ kela singiaa lan-nda, vanaa mala vannda-a, simlacia a vanaa sɔaa o sɔɔn mangalan celen nin-nda.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Filipea 2:21

kani vana-vana co tɔnɔ ndɔ ndu pila-o nuwviaa, a co buulan le dɛnɛ Yeesu Krista-o le.

Filipea 2:25

Kɛ nduyɛ, i ce maa o co fisa mì vem Epafrodite puapilɛ nuu, o naa n co baalaa latulu, mì n va cɔlɔba pilɔɔ-o, o niaa vem le ya hunɔɔ malaa lɔ́ɔ́ ya va o bahavɛiyo nin-ndo,

Filipea 2:30

kani le baala Krista-o o va le piɔ́mndo sɔlaa ni. Yoomu ndɔɔ va le ndu hiɔlɔnndo o ya malaa, mala niaa pilaa tiwnin ba loo.

Kolɔsea 1:29

Lelan ya co baalaa ni, mì co kindinndo a kpaaya fula Krista niŋ, mò va ya vallo niŋ-ndo.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

1Tesalonikea 5:12

Puapilɛa naa, n co niaa tɛɛlɔn, la ke vanaa co niaa baalaa tɛɛn-nda bɛɛlen, vanaa Hala vem le niaa simndan laci ma vá niaa pɛɛkoo-a pɛɛn.

2Tesalonikea 3:1

Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

2Timote 4:5

Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.

Filemɔn 1:1

Ya Pol, ya co hoo o kaasoo le Krista-o, a Timote puapilɛ naa, n co sɛbɔɔ ho sɛva ni. Le nɔm Filemɔn caan naa hɛnan naa taw-vo, ò naa n co baala pilɔɔ tosaa naa ndaa-o,

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa: