Luke 10:15 - BII BILA

¹⁵ Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m.

Luke 10:15 Iomraidhean Croise

O Kandɔɔ 11:4

Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»

Esai 5:14

Le hee, ciee-piɔ́m cɔɔlunin bololan pɛngɛla, o kumbinin sondoo mò kɔɛnnun a pɛngɛlanndo tɛngɛ̀-tɛngɛ̀. O kon, vanaa bɛndua o kobio Siɔn nin, a sɛ́lɛ́ bɛndu vɔkɔ-vɔkɔ co lenin-ndo toalnin latulu ciee-piɔ́m telen nda vanin vɔngaa a kɔlkɛndɔɔ-o.

Yeremi 51:53

Hali Babilɔnnda hel bɛɛ coocoo o halataala, mà kɔ siinguu lon nɛɛ ndaa viannannda, mà kindan kpakilan kɔɔli, vanaa tɛɛmbuuaa komalnin nda lon di. Ya viamnin nda ni.» Sɔɛi fula Mɛlɛka o sondo-e co ken ni.

Esekiɛl 26:20

i tuisinin nɔm niaa vanaa co tolɔɔ o soon yingilaa nin-nda latulu, mì la kɔɛ vanaa hiow sindɛ-a ikɛi. I yaanin nɔm mà kɔ cal o lɛŋnden bɛngu di-di niaa vanaa co tolɔɔ o soon yingilaa nin-nda latulu, maa ɲɛm tambu sindɛ-on, yɔŋii vannda cal vɛlɛ nɔm nin. Nduyɛ, i mandanin biiloo le lɛŋnde vanaa kiyɛiya co nin-nden.

Esekiɛl 31:18

O yɔmnde Edɛn tɛɛn faw, a nɛ̀ɛ́-nɛ̀ n velan yɛ o biiloo a o bɔɔbɔɔyɛi nin? Nɔm yɛ, a co nɔm tuisi o puuloo bɛngu di-di niaa yɔmii ken Edɛn latulu. A yambunin nɔm vanaa dii tooma le-a tɛɛn niaa vanaa vi o mɔɛi cɔwve bɛngu-a! Lende dɛnɛ masaa Esipte a dɛnɛ vanaa ndɔa sɛ́lɛ́a vanin ni. Ya Maalii, ya co Mɛlɛka-o soo nuaa ni.»

Esekiɛl 32:18

«Po vanacieo sei, somisomin sɛ́lɛ́ bɛndoo Esipte coo. Tuisi nda a cuavaa vanaa-mangalaa-isɔɔa kpaaya bɛndua latulu o puuloo bɛngu lɛŋ di-di, nɛɛ vanaa co tolɔɔ o soon yingilaa nin-nda co-a.

Esekiɛl 32:20

Esiptea delinin vanaa mɔɛi cɔwve diw-va tɛɛn. Mɔɛi cɔwve yɔngun, lelan la sɛɛsuu Esiptea a vanaa ndaa cɔvaa sɛ́lɛ́a kpow.

Esekiɛl 32:27

A kumbu nda nɛɛ pilɛ nda kuubaa cɔvaa masidɛa le, kuubaa va kan kɔl yulan-yulanndo tuisio vanndacieaa yoomaa coo-a, a va kan tolɔɔ ciee-piɔ́m a volɔɔla ndala cɔwlan-nda, a ndáà vow kan mɔɔn ndan cɔwvon o bolle bɛngu-a, a ndáà handu kan kɔɔla cɔwla ndalan coo-a pɛɛn.

Abdia 1:4

Hel bɛɛ coocoo maa kovɛ, ma kɔ tangul vɛɛnnde nɔmnden o loeon tɛɛn, i co nɔm tuisi ma del lɛŋ.» Sɔɛi fula ya Mɛlɛka o sondo-e co ken ni.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Matie 11:23

Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m. Kani te dɛnnda kaamaala tosan o nɔm ndo lan láà tosan pɛ lɔ́ɔ́ kon Sodɔm, maa kobi kon ndóò va vɔ hau.

Matie 4:13

Mó faŋan Nasarɛt, mó kɔ cal Kapɛrnaum, kobi co kon o mɛmma ihɛllan kɔngɔ o tàndá Sabulɔn-ndo a o tàndá Nɛftali-o nin-ndo.

Luke 13:28

O kon la caŋnin mì la sɔm ciŋndon, telen niaa canin Abraham, Isaak, Yakɔb a vanaa-tɛɛngaa-diom Hala-a kpow o Masale Hala len nin, mà viow niaa o dio-o pɛɛn.

Luke 16:23

Mó sɔla sangaa taw ciee-piɔ́m. Mɛɛ o heelu hɔlla pɔɔli, mó ca Lasar icali Abraham ikɛi.

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.