Luke 10:14 - BII BILA

¹⁴ Lelan, paale yamɛi vanin kiolɔn-ndo len, dɛnɛ niaa hiawnin ikalu a dɛnɛ Tir a Sidɔn-ndo.

Luke 10:14 Iomraidhean Croise

Yɔɛl 3:4

Paalen le mangalanin ɲumndan, mì paangei siŋnun koovan telen pá mì paale Mɛlɛka len le tiiya, paale kpúlúnkùmalen a paale kpundɛ bɛndule len.

Amɔs 1:9

Nuaa Mɛlɛka soo ni aa: «Le yɔŋnda vɔɔnnda yàála vannda Tir tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a bii vannda taw-taw, má kɔ vɔngul nda Edɔmnda o ba. À yiyan le kpema ivanaya co nda tɛɛn nda puapilɛa ndaa kan-ndo le.

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Nsaŋ 3:19

Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

Rɔmnda 2:27

Hali mì vanndo dii tooma o falon nin te, kɛ te o co pɛ kelaa o sɔɔn tɔŋndo dimi-on coo, mɛɛ ndu yaalanin nɔm. Kani nɔm síná hoo tɔŋndo, má dii toomaa-o co sɔɔn tɔŋndo dimi-on biyɔɔ le.