Luke 1:8 - BII BILA

⁸ Paale pilɛ, Sakari va baala solia lasálà ndɔɔ Hala o hɔl, kani telen polale ndɔlen léè bɛnda le baala kon tosaa-o va kon ni.

Luke 1:8 Iomraidhean Croise

1Dɛnnda lemasalan 24:19

Nuaa ndáà kɛsi nda a kundalan le baala ndaa tosaa telen nda va luɛyɔɔ o Cɛi-Mɛlɛka-o nin-ndo ni, maa mɛɛ Mɛlɛka, Hala Israɛlla ndóò yɔngu Aarɔn, fuɲa nda mamaa tɔŋnda lan, mó sɛval nda lan yɛ.

1Dɛnnda lemasalan 24:2

Mí Nadab nda Abihu sɔla piɔ́mndo fuɲa nda tase, a vilu n'cuaw le. Eleasar nda Itamar va baala vanaa-solia-lasálàá tosaa ni.

2Dɛnnda lemasalan 11:14

Kani mí leviia ndáà faŋan o fondala ndala va o kobila ndalan balɔɔ lan nin, má kɔannun Yuda a Yerusalɛm, bau Yeroboam nda poaa ndɔa ve nda cɛlɔɔ mì ndáà tosa baalaa maa vanaa-solia-lasálàá Mɛlɛka le.

2Dɛnnda lemasalan 31:19

Vanaa ndáà sɛva diolan-nda va o kobi oo kobi nin le vanaa-solia-lasálàá, poaa Aarɔn-nda ɲɛdiaa ndaa piɔwvo, a va icali o cieon pɔmbɔn balu kobila solia lasálàlan-ndon nin-nda pɛɛn. Lende koni o va vɛlɛ le leviia diola ndalan la va lasɛvaa o sɛbɔɔ nin-nda ni.

2Dɛnnda lemasalan 31:2

Mí Esekia mingi vanaa-solia-lasálàá a leviia kɛsi a kundulan mɛɛ nda va a piɔvaa yɛ, mó cɔm vana-vana baala ndɔ: vanaa-solia-lasálàá a leviia le sálàla loamaalan a la kɔlɲululan solio, le baala lekaando tosaa a le condon solio o diola luɛyaala va o dɔ́ɔ́ngɔ́ Mɛlɛka-o lan sondoo.

2Dɛnnda lemasalan 8:14

Mí Salomɔn yɔngu kundala vannda ha baalala ndalan, mɛɛ David fuɲa ndɔ ndóò dimi yɛ: vanaa-solia-lasálàá, leviaa va le Mɛlɛka biiloo lepalaa-lepala-a, te kon te le nda malaa o baalalan nin-nda, a kunda kpalilaa cumulaa ladioa, a ndáà kɛsi cumullo o diola pilɛn-pilɛnndan-nda. Lende David vana baala Hala-o ndóò dimi ni.

Ɛsdras 6:18

O kon má piɔw vanaa-solia-lasálàá a leviia mɛɛ nda va a kundalan yɛ le vali Hala-o tosaa Yerusalɛm maa mɛɛ o co o sɛvaa o sɛbɛ tɔŋ Moise-o nin yɛ.

Fulaa 28:1

«O Israɛlla tɛɛn, ma cua Aarɔn bɛ nɔm nda poaa ndɔa, Nadab, Abihu, Eleasar a Itamar pɛɛn, mì nda sɔɔnguu nɔm ikɛi. Nda hɛlin o Israɛlla tɛɛn le siŋnɔnndo vanaa-solia-lasálàá le ya Mɛlɛka ni.

Fulaa 28:41

Ma vow Aarɔn bɛ nɔm a poaa ndɔa volɔɔla lan, ma pɔla nda a cuɛima diandan, ma kɛsi nda teengen, haliko ma kandu baalaa le siŋnɔnndo vanaa-solia-lasálàà nia, ya Mɛlɛka pɛɛn.

Fulaa 29:1

«Nuaa n bɛnda ni ma pɔla Aarɔn nda poaa ndɔa, haliko ma siŋnun vanaa-solia-lasálàá le ya. A bii pɛ naw tova téndóó, a saa kóndóa nɔ lenamta le-a nda ŋiɔn,

Fulaa 29:44

I dindinin cɛi-kola-toandaa-labɔɔŋianndo a fonda-loamaa-lasálàá le vali nuu. I dindinin vɛlɛ Aarɔn nda poaa ndɔa mà siŋnun vanaa-solia-lasálàá le ya Mɛlɛka.

Fulaa 29:9

O kon, a kanda Aarɔn nda poaa ndɔa kan yáwve o caŋ, a vow nda mɔsilta solia lasálàlan o lebol. Lende n bɛnda ni ma suu Aarɔn nda poaa ndɔa cuɛima diandan, mì vali solia lasálàá va niko vali ndaa le fɛɛn a fɛɛn.

Fulaa 30:30

Ma pɔla vɛlɛ Aarɔn nda poaa ndɔa haliko ma siŋnun vanaa-solia-lasálàá le vali nuu.

Kundalan 18:7

Nɔm Aarɔn pila a cuavaa nɔmaa imamaa yɛ, la bɛnda mì la tosa vali solia lasálàá a ɲɛ-ɲɛ co a fonda-loamaa-lasálàá o kɔɔ a á ɲɛ-ɲɛ co o kola-landaa kɔɔli o kɔɔ, vali yɔngun niaa-o co kon ni. Vali solia lasálàá ya yɔngu niaa ni. Vana celen sɔɔnguu pɛ ikɛi o sɔla piɔ́mndo.»

Luke 1:5

Telen Herɔde va masaa Yuda-o, vana-solia-lasálàá pum va lon, diolan Sakari, fulaa o polale Abia len nin. O polale Aarɔn-nden nin laa ndɔ bɛɛ ndóò fula ni, lanɔ kon diolan Elisabɛt.

Luke 1:7

Kɛ nduyɛ, ndáà nɔ n'cuaw le, kani Elisabɛt ve vana vialaa le, ndáà yuuva nin vɛlɛ taw.