Luke 1:78 - BII BILA

⁷⁸ A toɲa, Hala naa nɔ bɔɔ dɛnɛ kɛndɔɔ, o solinin ɲɛ-tengaa fulaa coocoo, mò dindi naa maa ɲɛ-tengaa paale siaa,

Luke 1:78 Iomraidhean Croise

Condii lisai 25:6

Éé Mɛlɛka! Yiyan le ɲíí nɔmnde a le lo n lo o lediom coo-o, kani ɲíí ken a sakpoyɛi ken co nɔm o ba kabi lɔ́ɔ́-lɔ́ɔ̀.

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Esai 42:16

I yaanin vanaa sumɛiya o nɛi nda sina loo coo. I yaanin nda o pemama nda sina le-an coo. I mangalanin ɲumndan ɲɛ-tengaa nda o hɔl. I siinguunin kpolonndan dɛngbɛla tɛlɛlan. I tosanin dɛnnda lan kpow, o kɛ́-kɛ̀ i mɛinin le tosaa le.

Esai 63:15

Lo o halataala lon, mà tofa. Lo o calta nɔmnda diandaala vavonndan nin, mà nuaa vɔ. Kuɛɛ nɛ paŋala nɔmndo a dialun kalan nɔmndon co yɛ? Misimisi co lɛ nɔm biyɔɔ mì kɔl nɔmndo hiilun a ɲííye le naa le.

Esai 63:7

I yiyalannin (vannda) kɛndɛi Mɛlɛka-e a sangala ndu Mɛlɛka bɛnda mò sɔla-o, mɛɛ kɛndɛi o tosal naa-e kpow co yɛ. I diminin vanakɛndɛyɛi ndɔɛi le cuavaa Israɛlla, dɛnɛ kɛndɛ o tosal nda, mɛɛ ɲíí ndɔɛi a dɛnnda ndɔla ikɛndɛla sɛ́lɛ́lan la co yɛ-o.

Sakari 3:8

‹Lelan nɔm Yosue co bolle vanaa-solia-lasálàá-o a caaŋaa nɔmaa niaa co baala pilɔɔ tosaa ya o hɔl-la, la yaŋ nilan! Bau vanaa co tɔɔmasele levundoo-a niaa co ni. Kani la tofa vɔ, i co vana baala nuu cuu, vana ni baala nɔ diolan aa Vulɔɔ-o.

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.

Kundalan 24:17

I ce ɲɛ co hunɔɔ yɔŋnɔn-ndo, kɛ o co vɔ́ le hau le. I co ndu mɛɛndanndo, kɛ o co vɔ kpɛɛlun te. Loei tengɛi fula o cuavaa Yakɔb-a nin, Tinda lemasaa fula o cuavaa Israɛl-la tɛɛn. Tinda kon soŋ yungoo Moab kpaŋun miunndon. O lɔɔ cuavaa-imamaa Sɛt-a kpow kpokpolan.

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Filipea 1:8

Nduyɛ Hala co ya lesei maa i kaola niaa taw o Yeesu Krista nin.

Filipea 2:1

Te Krista luei vana yoomuan ni, te o va pɛ maa vana sɔla yoomuan o kaolaa nin, mì Kɔl-Diandaa cuu diom pilɔɔ, te o va pɛ mì ɲííye a kɛndɛi co,

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

2Piɛr 1:19

Hiovɔɔ o kon coo, sɔɔn vanaa-tɛɛngaa-diom Hala-a n co naa o ba, n niaa nɔ dí le hɔlten handɔɔ coo mɛɛ vana handu fitina co biyɔɔ o ɲumndan nin-ndo hɔlten coo háá mi ɲɛ-tengaa paale siaa tenga, mì loei idii-e tenga o kɔlta niaalan nin yɛ.

1Nsaŋ 3:17

Te vanndo nɔ pɛ ɲɛm ceenndon o ba, mo ce puapilɛ ndɔɔ o bahavɛiyo nin, mò kindal ndu kɔl ndɔɔ, vɛ̀ɛ̀ o dimi yɛ o kon maa o kaola Hala?

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»