Luke 1:74 - BII BILA

⁷⁴ le naa baŋaa yaamɔaa naa o ba, haliko mi n tosal ndu baalaa, o ve a isiòòn te,

Luke 1:74 Iomraidhean Croise

2Masaa 17:39

Ya Mɛlɛka Hala niaa daama niaa bɛnda le biiloo ni. O kon i baŋanin niaa yaamɔaa niaa kpow o ba.»

Condii lisai 119:134

Soli ya vanaa co ya delɔɔ coo-a o ba, haliko mi bii silala nɔmndan.

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!

Luke 1:71

o baŋanin naa yaamɔaa naa o ba, mò baŋa vɛlɛ naa vanaa nɔ nɛyɔnndo a naa-a o ba.

Luke 1:73

Nduyɛ, kpema ndóò yiilu Abraham fuɲa naa mamaa-o yɔŋnun kon ni aa:

Luke 1:75

haliko mi n va vanaa diandaa a vanaa sandaa ndu o hɔl o palɛi naa n co yoomu-e nin kpow.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

2Timote 1:7

Kani Hala ke naa kɔl taalɛɛ le, kɛ kɔl pei naa kpaayaa, kaolaa a kɔllo biyɔɔ-o.

Hebreea 2:15

O ceen ndaa nin kpow, maa n'cɛ vanndacieea va ni, kani siòònde va nda a piɔ́mndo. Kɛ Yeesu vuo, mó baŋa nda.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.