Luke 1:7 - BII BILA

⁷ Kɛ nduyɛ, ndáà nɔ n'cuaw le, kani Elisabɛt ve vana vialaa le, ndáà yuuva nin vɛlɛ taw.

Luke 1:7 Iomraidhean Croise

O Kandɔɔ 17:17

Mɛɛ Abraham tuei sɔɛi ken, mó baŋ vɛlɛ vulan, mó tundu hɔlla lɛŋ, mó mam ciki-ciki. Mó dimi o kɔl ndɔɔ nin aa: «Vanapɔnɔ yuuvɛi cii nin vɔsilan kɛmɛ-o nɔla pá mo velu hɔ́ɔ́? Yee Sara cii nin hoo vɔsilan belaŋɔmahiɔɔlu-o nɔla vɛlɛ mò cua folio, mo velu hɔ́ɔ́?»

O Kandɔɔ 18:11

Abraham nda Sara laa ndɔ, ndáà yuuvan nin taw. Sara ndóò hiow nin telen vialaa lɔ́ɔ́ levil.

O Kandɔɔ 25:21

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

O Kandɔɔ 30:1

Mɛɛ Rasɛl ce maa o co Yakɔb cua vilul te, mó kandu Lea bɛ ndɔ paŋalaa. Le hee, mó dimul pɔnɔ ndɔ aa: «Yɔngu ya cuawva, yɔŋii ya vu.»

1Masaa 1:1

Masaa David ndóò yuuva nin taw. Hali ndáà kuumbuu nin bɛɛ ndu volɔɔlan coo, hangulu ndóò hel-lɛ ndu le.

2Masaa 4:14

O kon mí Elise ɲuna Kehasi aa: «Yɛɛ kpeekpei vana tosa yɛ le cuaa ho?» Mí Kehasi muli aa: «Àá taanin! O nɔ hɔ́ɔ́ le, pɔnɔ ndɔ yɛ ndu yuuva nin.»

Luke 1:5

Telen Herɔde va masaa Yuda-o, vana-solia-lasálàá pum va lon, diolan Sakari, fulaa o polale Abia len nin. O polale Aarɔn-nden nin laa ndɔ bɛɛ ndóò fula ni, lanɔ kon diolan Elisabɛt.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Luke 1:8

Paale pilɛ, Sakari va baala solia lasálà ndɔɔ Hala o hɔl, kani telen polale ndɔlen léè bɛnda le baala kon tosaa-o va kon ni.

Rɔmnda 4:19

Ndóò nɔ nin le vɔsilan kɛmɛ, mó muungu maa vana vílɛ́i. Sara laa ndɔ bɛɛ, sɔngɔ ciee-piɔ́m koni o va nin ni. Kɛ a kon kpow, Abraham vi n'dial o laalanndo nin te.

Hebreea 11:11

Le laalan Abraham ndóò laalan Hala-o o sɔla kpaayaa le hɔ́ɔ́ violɔɔ ni. O va nin bɛɛ o yuuvɛiyo taw-taw. Sara laa ndɔ ve vɛlɛ vana vialaa le, kɛ ndóò laalan maa vana lo o lediom coo-o Hala co ni.

1Samiɛl 1:2

Mí Ɛlkana ndóò yil laandua nda ŋiɔn: Anɛɛ nda Penina. Penina ndóò nɔ cuawva, kɛ Anɛɛ ndóò vilu cua le.