Luke 1:66 - BII BILA

⁶⁶ Vanaa va sɔɔn mun tueyɔɔ-a a va mun biinɔnndo o lakɔl, má va ɲunanndo aa: «Vana súú yɛɛ poombɔɔ ho va yɛnin?» Kani ba Mɛlɛka-o va ndu coo.

Luke 1:66 Iomraidhean Croise

O Kandɔɔ 37:11

Bɛndaa ndɔa va ndu paŋalaa taw, kɛ mí fuɲa ndɔ mandan sɔɛi ken o kɔl.

O Kandɔɔ 39:2

Mɛlɛka va Yosɛf ikɛi, ɲɛ-ɲɛ o va tosaa va ndu bɛndaa o ba. O va Esipte lon o vana ndɔ bɛndu pendu ndu-o lo.

1Masaa 18:46

Mí Mɛlɛka luei Elii yoomuan, mó yiinun yáwlen o caŋ, mó va Akab ɲaanɔnndo laci háá Yisreɛl ciee-lekɔɔ.

Condii lisai 119:11

I mandannin sɔɛi nɔmnde ya o kɔl kpan yɔŋii ya cua hakio a nɔm.

Condii lisai 80:17

Vannda lom rɛsɛn tumndo ho, má kialu ndu. Kɛ a vueenunnin-nda a hɔlaa nɔmnda mà cuu ɲum pɔ́lì.

Condii lisai 89:21

I komal David, vana baala nuu, mí pɔla ndu a cuɛima nima diandan.

Luke 1:80

Poombɔɔ va hindɔɔ, o va vɛlɛ hiovɔɔ laci a kɔlkaloo sɔlaa. Mo lo o lɛŋnde veselɛilen nin háá telen o kandu Israɛlla sɔɛi o hɔl-lo.

Luke 2:19

Kɛ Mari ndu va dɛnnda lan kpow mandanndo o kɔl, o va kɔllo keelaa lecoo ɲɛkɛndɛi.

Luke 2:40

Poombɔɔ va hiovɔɔ laci a hindɔɔ, o va vɛlɛ yoomuan sɔlaa. Mó sɔla kɔlkaloo taw, Hala va vɛlɛ ndu kɛndɛi tosallo.

Luke 2:51

Mí Yeesu muungu nda ndaa Nasarɛt, mó bii sɔɛi ndɛi. Kala ndɔ va sɔɔn mun kpow mandanndo o kɔl.

Luke 9:44

«La yaŋ nilan ɲɛkɛndɛi o ɲɛ ya co niaa dimullo-o: A co hunɔɔ Po vanacieo malɔɔ vannda o ba.»

Dɛnnda kiilaa 11:21

Kpaaya Maalii-o va nda coo, mí vanaa bɔɔ-bɔɔ laalan, má cɛl Yeesu o kɔlta ndalan nin.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

1Samiɛl 16:18

Mí buɛiyo pilɛ cua sɔɛi, mó dimi aa: «I sina langbanɔɔ pum, po Yisai Bɛtlɛhɛmnɔ-o, vana ɲɛ-caa kɛndɛ-kɛndɛ o co ni, vana dialun kalaa a kuubanɔ cɔwvo o co vɛlɛ ni. O caa sɔɛi, o naŋ hɔlla, hiovɔɔ o kon coo, Mɛlɛka co ndu ikɛi.»

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.