Luke 1:6 - BII BILA

⁶ Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Luke 1:6 Iomraidhean Croise

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

O Kandɔɔ 7:1

Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni.

1Masaa 15:5

Kani faŋanndo o dɛnɛ Uri Hitiinɔ-o kɔɔli, dɛnnda sandaalan kínɛí David va tosaa Mɛlɛka o hɔl ni. O vi lende, o mel silala Mɛlɛka yɔngu ndu lan te.

1Masaa 9:4

Nduyɛ, taa kela pɛ ya o hɔl mɛɛ David fuɲa nɔm kela yɛ, mì kɔl nɔmndo dendu, mà sandu, taa kela pɛ o silala ya co nɔm yɔngoo lan kpow coo, ma bii tɔŋnda nilan a sɔɔn nun kpede,

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

2Dɛnnda lemasalan 17:4

Kɛ mó kindikindin le Hala fuɲa ndɔ mamaa sinaa a le silala ndɔlan biyɔɔ. O del dɛnnda vanaa tɔ̀a va tosaa Israɛl-tan kɔɔli le.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

SƐBƐ YƆB-O 1:8

Mí Mɛlɛka ɲuna ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo.»

SƐBƐ YƆB-O 9:2

«A toɲa, i sinà maa lende ken ndi co ni. Vanacieo tiwba mò sɔla dí a Hala le.

Condii lisai 119:6

O kon, i canin tɔŋnda nɔmndan kpow, mì bii lan, siɛmbula biinin ya le.

Luke 1:7

Kɛ nduyɛ, ndáà nɔ n'cuaw le, kani Elisabɛt ve vana vialaa le, ndáà yuuva nin vɛlɛ taw.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Luke 2:25

Nduyɛ fallo pum va Yerusalɛm, diolan Simeɔn, vana sandaa a vana óò lo o lediom coo a Hala-o o va ni, o va vana óò ciindiaanin Israɛlla-o cumndo. Hala Kɔl-Diandaa va ndu coo.

Dɛnnda kiilaa 2:25

Nduyɛ, David ndóò cii nin dimi a ndu o kɔɔ aa: ‹I co Mɛlɛka cɔnnɔnndo o hɔl tuŋ, kani o co ya o ba kɛndɔɔ coo, i delnin te.

Dɛnnda kiilaa 23:1

Mí Pol tofa vanaa kialaa n'yamaa lelɛŋnda, mó dimi aa: «Puapilɛa nia, háá paalen nden hau, a kɔlkɛsiaa nuu kpow ya co Hala baalaa tosallo nuaa ni.»

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Dɛnnda kiilaa 8:21

A sɔlanin ɲɛ-ɲɛ, te kon te tɔnɔ oo tɔnɔ o sɔɛi he nin te, kani kɔl nɔmndo sendu Hala o hɔl te.

Rɔmnda 8:4

O tosa ken, haliko mi sɔɔn tɔŋndo n peelun naa nin. O kon, o co lɛ o yeemɛi ivanacieeya nin te naa n co kelaa le, kɛ o yeemɛi Kɔl-Diandaa nin.

1Korɛntea 11:2

I co niaa candɔɔ le yiyan niaa co ya coo o dɛnndan kpow nin-ndo a le silala nila niaa co biyɔɔ mɛɛ ya dimul niaa yɛ lan.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Tɔŋ miingua 5:33

La kɔ o nɛi Mɛlɛka Hala niaa cɔm niaa-o coo sakpo. Kon tosanin ni mì la sɔla dɛnɛ kɛndɔɔ, mì la viow yoomu o lɛŋnde niaa co kɔlan hiɔlɔɔ len nin.»

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

Kolɔsea 1:22

Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

1Nsaŋ 2:29

Te la sínà pɛ maa Krista sandu, mɛɛ la sínà vɛlɛ maa vana-vana tosa pɛ dɛnɛ sandaa, mɛɛ cua Hala-o o co ni.

1Nsaŋ 2:3

Te n bii pɛ tɔŋnda Hala lan, n nɔla mì n laalan maa n sínà Hala.

1Nsaŋ 3:7

Cuavaa nia hɛnan ya-a, vana-vana hìŋ niaa hɔlla le. Vana va pɛ dɛnɛ sandaa tosaa, mɛɛ ndu sandu mɛɛ Maalii pila sandu yɛ.