Luke 1:49 - BII BILA

⁴⁹ Kani Vana-Kpaayaa-Kpow tosal-la dɛnnda kaamaala bɛndulan. Diola ndɔlan aa O-Diandaa.

Luke 1:49 Iomraidhean Croise

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Condii lisai 111:9

O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.

Condii lisai 24:8

Nɛ̀ɛ́ co yɛ Masa tɔ́ɔ́ bɛndu kon? Ndu co Mɛlɛka ni, ó nɔ yoomuan a bɛmɛi-yo, Mɛlɛka co kuubanɔ cɔwvo-o pɛɛn.

Condii lisai 99:3

Màá vannda biilu nɔm, nɔm Hala bɛndoo a Hala lakaamaa! A toɲa, nɔm pilɛ kpé co Hala kpeekpeiyo ni.

Condii lisai 99:9

La lisà Mɛlɛka Hala naa, la baŋ vulan ndu o labɛngunin o pembii ndɔɛi diandɛi hɔl-ndɔ, kani vana diandaa Mɛlɛka Hala naa co ni.

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

Esai 1:24

Lelan, diom Mɛlɛka-Nɔ-Kpaayaa-Kpow-vo, o co Hala Kpaaya Israɛlla-o dimi-o co hoo ni: «Dɛnɛ palaa co le niaa! Kani i co mɔnɛi solin a yaamɔaa niaa! I minginin màá yaamɔaa niaa coo!

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Esai 63:1

Nɛ̀ɛ́-nɛ̀ co yɛ hoo cɔnɔnndo o lɛŋnde Edɔm-nden nin mò va hunɔɔ? O co hoo cɔnɔnndo o kobio Bɔsra nin, mì sɔŋnda siaŋalan la va o volɔɔla ndɔlan-ndo? Vana kalaa co hunɔɔ a volɔɔla sɔvɛlan lekɔɔ, o co hunɔɔ a hɔlaa heelaa, a kpaaya ndɔɔ o piaa ndu o n'dial ca. Ya Maalii co sɔɛi a sandei ni, ya nɔ kpaayaa le (niaa) ciindiaa-o ni.

Yeremi 10:6

Vana-vana co maa nɔm te Mɛlɛka, a co o bɔɔ, diola nɔmnda kpaaya lan la co la bɔɔ.

Yeremi 20:11

Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Marke 5:13

Mó cɛl nda diom. Mí ɲinaa vɔɔŋaa kan a fula, má kɔ luɛi pewva nin. Mí pevaa kundaa kan a can nɛɛ feke-fekea, má kɔ deli o mɛmma ihɛllan nin. A va le pewva vàála tiɔn, mí nda kpow a miisuu.

Luke 1:48

kani o mulul-la hɔlla, ya buɛi ndɔ co hoo o sɔvɛ loo. Nduyɛ kandɔɔ sunsun, vanndacieea kpow a vanin ya veeloo aa vanalanɔ dɛnɛ kɛndɔɔ.

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

Efɛsea 3:20

Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

1Samiɛl 2:2

Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.