Luke 1:48 - BII BILA

⁴⁸ kani o mulul-la hɔlla, ya buɛi ndɔ co hoo o sɔvɛ loo. Nduyɛ kandɔɔ sunsun, vanndacieea kpow a vanin ya veeloo aa vanalanɔ dɛnɛ kɛndɔɔ.

Luke 1:48 Iomraidhean Croise

O Kandɔɔ 30:13

Mí Lea dimi aa: «I pɛl bɔɔ tɔnɔ! Kani vanlaandua co nin va ya veeloo aa vanalanɔ pɛl tɔnɔ-o.» Mó ke ndu diolan aa Asɛr (kon co dimio ni aa «Vana pɛl tɔnɔ-o»).

2Samiɛl 7:8

Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

Condii lisai 102:17

Telen Mɛlɛka minginin Siɔn tangul-lo, o fulanin ceen mò cɔmnun o biilu ndɔɔ nin.

Condii lisai 136:23

Mó yiyan naa coo telen vannda va naa saangiaa-o, kani kaola ndɔɔ nɔ lamɛɛlu le.

Condii lisai 138:6

Mɛlɛka co coocoo dí, o co vanaa tuisin tootoo-a cɔu, o co nɛɛ levil, o co vanaa yongaa sinaa.»

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Malasi 3:12

Vanaa-mangalaa-isɔɔa kpow veelunin niaa aa vanaa dɛnɛ yelelal-a. Kani lɛŋnde niaalen nden le vanin lɛŋnde ɲɛm kɛndɛlen. Ya Mɛlɛka-Nɔ-Kpaayaa-Kpow-vo dimi lende ni.›»

Luke 1:28

Mí mɛlɛkanɔɔ luɛi o ndu lo, mó dimul ndu aa: «Dɔwnun ɲaale, nɔm sɔla hoo dɛnɛ kɛndɔɔ fulaa Hala o ba-o, Mɛlɛka co nɔm ikɛi.»

Luke 1:42

mó heelu diomndo, mó dimi aa: «Hala dɔw nɔm duaa hiovɔɔ vanlaandua kpow coo, o dɔw vɛlɛ cɛlɛkpɛ n nɔ o dembe-o duaa!

Luke 1:45

Vanalanɔ dɛnɛ kɛndɔɔ n co ni, a laalan maa sɔɛi dimulun nɔm fulaa Mɛlɛka o sondo-e co hunɔɔ peelɔn!»

Luke 1:49

Kani Vana-Kpaayaa-Kpow tosal-la dɛnnda kaamaala bɛndulan. Diola ndɔlan aa O-Diandaa.

Luke 11:27

Mɛɛ Yeesu cii sɔɔn mun dimi, mí vanalanɔɔ pum heelu diomndo o sɛ́lɔ́ɔ́ tɛɛn, mó dimi aa: «Dɛnɛ kɛndɔɔ co le vanalanɔ velu nɔm, mó vɔɛsi nɔm-ndo!»

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.