Luke 1:41 - BII BILA

⁴¹ Lɔ́ɔ́ Elisabɛt tuei yilɔɔ Mari-o-o, mí cɛlɛkpɔɔ biiŋun ndu o dembe. O kon mó pia a Hala Kɔl-Diandaa,

Luke 1:41 Iomraidhean Croise

O Kandɔɔ 25:22

Mɛɛ pɛndua va kuindianndo ndu o dembe, mó koŋul aa: «Kpòkóó! Te nuaa i co ni, le yɛɛ niko mí cua folio?» Mó kɔ ɲuna Mɛlɛka.

Condii lisai 22:10

Mɛlɛka, nɔm soli ya kala nuu o dembe ni, má kɛsi ya nila ɲulu kala nuu o ibuŋ.

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

Luke 1:40

Mó kɔ luɛi o Sakari lo cɛinin, mó yil Elisabɛt.

Luke 1:42

mó heelu diomndo, mó dimi aa: «Hala dɔw nɔm duaa hiovɔɔ vanlaandua kpow coo, o dɔw vɛlɛ cɛlɛkpɛ n nɔ o dembe-o duaa!

Luke 1:44

Kani yáà tueyɔɔ dɔ́ɔ́ yilɔɔ nɔmndo diom, mí cɛlɛkpɔɔ biiŋun ya o dembe a ɲaaloo.

Luke 1:67

Mí Hala Kɔl-Diandaa pia Sakari fuɲa ndɔ nin, mó va sɔɔn siɔdii lacion dimio aa:

Luke 4:1

Yeesu va o piaa a Kɔl-Diandaa, telen o va muungoo fulaa Yurdɛn-ndo, mí Kɔl Hala-o yaa ndu o lɛŋnde veselɛilen nin.

Dɛnnda kiilaa 2:4

Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Dɛnnda kiilaa 4:8

Mɛɛ Hala Kɔl-Diandaa pɛ Piɛr nin, mó dimul nda aa: «Niaa simlacia co vannda simndan laci-a a niaa kaasoŋaa kɔlkalua sei!

Dɛnnda kiilaa 6:3

Lelan, puapilɛa naa, la hɛli vanpiaandua nda ŋɔmmɛw niaa tɛɛn, a nɔ diola kɛndɛlan, mà pia a Hala Kɔl-Diandaa-a, a nɔ kɔlkaloo-a, mì n yɔngun nda baala kon.

Dɛnnda kiilaa 7:55

Kɛ Etiɛn va o piaa a Hala Kɔl-Diandaa, mó tofa halataalaa, mó ca biilu Hala-o, Yeesu va isisi Hala o ba kɛndɔɔ coo.

Dɛnnda kiilaa 9:17

O kon, mí Ananias kɔa, mó kɔ luɛi cɛinin, mó handu Sol balan coo, mó dimul ndu aa: «Puapilɛ nuu Sol, Maalii Yeesu vem ya ni, o cɔmnun nɔm o nɛi lɔ́ɔ́ n va hunɔɔ-o, haliko mi hɔlta nɔmndan la kumbin vɛlɛ, mà pɛ a Hala Kɔl-Diandaa.»

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

Dɛnnda cɔɔmuanndan 1:10

Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,