Luke 1:17 - BII BILA

¹⁷ O hunnin maa kiilanɔ Hala vem-ndo a yiyanndo a á kpaayaa maa Elii vana-tɛɛngaa-diom Hala-o. O lueinin kɔlɲuloo fuɲaa a cuawva tɛɛn. O mangalanin vanaa bii sɔɛi Hala-e le-a kɔltan, mà sɔla yiyanndo maa vanaa sandaa, haliko mo bɛɛndiaa vannda ɲɛkɛndɛi le Mɛlɛka.»

Luke 1:17 Iomraidhean Croise

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

1Masaa 18:18

Mí Elii mulul ndu aa: «O co ya le co dɛnɛ palaa tuisio Israɛlla coo le, kɛ nɔm pila kpeekpei a yungu fuɲa nɔm-ndo, niaa co dɛnɛ palaa tuisio Israɛlla coo ni. Kani la kɛɛ le tɔŋnda Mɛlɛka lan biyɔɔ, mí la mulin Baalla sooloo.

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

2Masaa 1:16

Mí Elii dimul masaa aa: «Diom Mɛlɛka dimi-o co hoo ni aa: ‹Le tùú n vem vannda le kɔlan yavaa vomɔɔ o Baal-Sebub, hala co Ekrɔn-ndo lo-o, vana ca ko aa Hala co Israɛl le ndu isɔɔ ɲuna le, a tul-lɛnin o kpele n hini ho coo-o coo le few, vuo n co ni kangalan!›»

1Dɛnnda lemasalan 29:18

Mɛlɛka, Hala fuɲa naa mamaa Abraham, Isaak a Yakɔb, tosa mì vanaa nɔmnda nɔ hee o kɔl le lɔ́ɔ́-lɔ́ɔ̀, mì yiyannda ndalan la va nɔm coo.

2Dɛnnda lemasalan 29:36

Mí Esekia nda vannda kpow a dɔawnun ɲaale taw le sɔɔn Hala va nda tosallo-on, kani a tamala o dɛnɛ kon tosaa nin te.

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

Condii lisai 111:10

O siòòŋii Mɛlɛka-e nɔu nin kɔlkaloo kandùn ni. Vanaa co silala ndɔlan biyɔɔ-a kpow a nɔ kɔlkaloo. Biilu ndɔɔ vanin le fɛɛn a fɛɛn.

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

Esai 29:24

Vanaa yiyanda ndalan la va laasianndo-a siŋnunnin vanaa sinaa dɛnɛ, vanaa va sɔɔn pɔmbɔm ɲiimu-ɲiimon sɔɛi-ya sɔlanin pɛɛkoo.»

Amɔs 4:12

Lelan, lende ya co niaa hunɔɔ tosal ni, niaa cuavaa Israɛlla. Le tùú ya co niaa hunɔɔ tosal lende-o, la bɛɛndian le Hala niaa bɔŋaa, niaa cuavaa Israɛlla.

Matie 11:14

Te la yeema pɛ le sɔɛi ken bilaa biyɔɔ, mɛɛ ndu Nsaŋ co Elii niaa tuei kon tɔ́ɔ́ le hunɔɔ-o ni.

Matie 14:4

Kani Nsaŋ va ndu dimullo maa o nɔ dí, mò cua Herodiade kon, mò va laa ndɔ le.

Matie 3:3

A ndu Nsaŋ o kɔɔ Esai vana-tɛɛngaa-diom Hala-o ndóò soo ni aa: «Diomndo co sɔɛi o lɛŋnde veselɛilen nin aa: ‹La bɛɛndiaa nɛi Mɛlɛka-o, la siɛɛnduu nɛila ndɔla pɔmbɔlan.›»

Matie 3:4

Doma bɛndu yiiŋii ɲɔɔmɛɔ va Nsaŋ lekɔɔ, yáwlen le va ndu leyiinannden o caŋ. Sóónɔa a lɛan ma va balo ndɔɔ ni.

Luke 1:16

O minginin Israɛlaa bɔɔ-bɔɔ Mɛlɛka Hala ndaa o ibuŋ.

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Nsaŋ 1:13

A vilun o Hala nin mɛɛ vanacieo vialun yɛ le, te kon te mɛɛ hɛnan vanacieo co yɛ, kɛ Hala ke nda yoomu sɛnɛiyo ni.

Nsaŋ 1:34

Ya yɛ, i ce mi timbi seilen maa ndu co Po Hala-o ni.»

Nsaŋ 3:28

Niaa pila co ya lesei, mí dimi maa o co ya le co Krista le, kɛ ndu Krista laci nda vem ya ni.

Dɛnnda kiilaa 10:33

Fɔ́ɔ́fɔ̀, mí viam vannda nɔm kɔɔli. Nduyɛ, a bɛɛndiaa hunɔɔ. Má cè niko naa kpow Hala o hɔl, haliko mi n tuei a ɲɛ-ɲɛ Mɛlɛka vem nɔm dimi o kɔɔ!»

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Kolɔsea 1:12

La mel Pua Hala balika a ɲaaloo le tùú o cɛl niaa, mí la sɔla kɛ́ co o mandaa o masale ɲɛ-tengaalen nin le vanaa ndɔa-o.

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

1Nsaŋ 2:28

Lelan, cuavaa nia, la lo ndu nin, haliko telen o cɔmnunnin-ndo, mì n sɔla tiindanndo, o kon siɛmbula biinin naa a ndu o hunɔɔ ndɔɔ le.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

1Samiɛl 7:5

Mí Samiɛl dimul nda vɛlɛ aa: «Niaa kpow, la kɔ cuungian Mispa, mì piɛi Mɛlɛka le niaa.»