Luke 1:15 - BII BILA

¹⁵ Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

Luke 1:15 Iomraidhean Croise

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 48:19

Kɛ mí fuɲa ndɔ kɛɛ, mó dimi aa: «Po nuu, i sina. I sina válán. Polale Manase len bɛɛ le vanin sɛ́lɛ́ taw, ndu bɛɛ vanin vana tɔ́ɔ́ bɛndoo. Kɛ pɔmbɔ ndɔ hiawnin va vana tɔ́ɔ́ bɛndoo a ndu, vanaa-mangalaa-isɔɔa taw-taw a fulanin o polale pɔmbɔ ndɔlen coo ni.»

1Dɛnnda lemasalan 17:8

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. I cii vɛlɛ diola nɔmndan tɔ́ɔ́ soli maa masaa co o lɛŋnden coo-a.

1Dɛnnda lemasalan 29:12

Nɔm o ba bolofaa a biiloo fula ni, nɔm co masalen tosaa ɲɔɔn kpow coo ni. Nɔm o ba kpaayaa a yoomuan ma fula ni, a tiwba ma heelu vana n yeema-o, ma luei ndu yoomuan.

Condii lisai 22:9

«O sɔɔ dɛnɛ ndɔɔ Mɛlɛka o ba, Mɛlɛka baŋa niko ndu, mò ciindiaa ndu, kani O kaola ndu.»

Yeremi 1:5

«Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

Yeremi 35:6

Kɛ má muli aa: «Naa n kol mamɔi le, kani fuɲa naa mamaa Yonadab, po Rekab-o hendul naa tɔŋndo ni aa: ‹La kol mɔiyan lɔ́ɔ́-lɔ́ɔ̀ le, o va niaa pila, o va cuavaa niaa.

Tɔŋ lasálàá 10:9

«Te la va pɛ le luɛyɔɔ o cɛi-kola-toandaa-labɔɔŋianndo nin, nɔm a poaa nɔmnda, la bɛnda mì la kol mɔiyan te, nduyɛ la bɛnda mì la kol ɲɛ-ɲɛ hiŋ vana hɔlla le, yɔŋii niaa sɔla piɔ́mndo. Silaa co hoo le niaa pila a le cuavaa niaa imamaa le fɛɛn a fɛɛn ni.

Sakari 9:15

Mɛlɛka-Nɔ-Kpaayaa-Kpow-vo kandanin nda. À sɔlanin yoomuan mà ciimiaa powta fáàndala vanin nda hinullo lan. A kolnin mà ŋol maa mamɔi, a vanin a piaa maa bonyii fuusai makòó, maa kpɛ̀ɛ́n fonda-loamaa-lasálà.

Luke 1:14

A naŋnin kɔl mà dɔwnun ɲaale le ndu, mì vanaa bɔɔ-bɔɔ dɔwnun ɲaale le violɔn ndɔɔ.

Luke 7:28

Mì dimul niaa, o vanaa vanlaandua velu-a tɛɛn, vana-vana tiiya maa Nsaŋ te. Nduyɛ vana hiow dɔɔnanndo o Masale Hala len nin-ndo hiow ndu.

Luke 7:33

Nduyɛ Nsaŋ Vana-yinaa hunɔɔ, o ve bulu dio le, o ve mamɔi kolɔɔ le, mí la va dimio aa: ‹Ɲina vɔɔndo co ndu nin ni.›

Nsaŋ 5:35

Fitinaa va biyɔɔ mì ɲɔɔ va tengaa-o Nsaŋ yɔŋnun ni. Niáà yeema le ɲaaloo dɔwnɔnndo o ɲɛ-tengaa ndɔɔ le telen bingi.

Dɛnnda kiilaa 2:4

Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Kalatea 1:15

Kɛ telen ɲɔɔ hɛnan vana hɛli ya lɔ́ɔ́ yáà vilun ndɔ loo-o, mó veelu ya a kɛndɛi ndɔɛi,

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

Yosue 3:7

Mí Mɛlɛka dimul Yosue aa: «I co hau kandɔɔ nɔm kuundiaa Israɛlla kpow o hɔl, haliko ma sina maa mɛɛ ya va Moise ikɛi yɛ, lende koni ya co nɔm ikɛi ni.

Yosue 4:14

Paale len, mí Mɛlɛka kundiaa Yosue Israɛlla kpow o hɔl, má ke ndu bɛɛlen o palɛi o tosa yoomu-e kpow nin maa mɛɛ ndáà ke Moise bɛɛlen yɛ.