Tɔŋ lasálàá 9:3 - BII BILA

³ Ma soo o Israɛlla lo, ma dimul nda aa: ‹La bii cuin toovio le sálà co le hakio sɔlaa malɔɔ-o solio, naw téndé nɔ vɔsio pilɛ-o a saa téndé nɔ vɔsio pilɛ-o le sálà loamaa solio a nda. Cɔlua kan bɛnda mà nɔ lenamta le.

Tɔŋ lasálàá 9:3 Iomraidhean Croise

O Kandɔɔ 37:31

O kon, má kialu cuin toovio bololan, má cua doma bɛndu Yosɛf-o, má linda ndu o kooma cuin toovi kon nin.

Ɛsdras 10:19

mí nda kpow cua ciɛ́ɔn, má mɛnan le laandaa ndaa kan malɔɔ a le saa kóndóó sálàá solio haliko mi Hala mal nda haki.

Ɛsdras 6:17

Le Cɛi-Hala kon kumbio, má soli navaa tovaa kɛmɛ (100), saa kóndóa kɛmɛ lediin (200) a saa téndéa kɛmɛ lehiɔɔlu (400). Le sálàá solio le haki cuavaa Israɛlla kpow, má yɔngu cuinaa toovia tɔ́ a à ŋiɔn maa mɛɛ polama ndan ma va sɛ́lɛ́ yɛ.

Fulaa 12:5

A bɛnda ma bii saa téndé, te kon te cuin téndé piaandu nɔ lenamta loo, o nɔ vɔsio pilɛ-o.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Tɔŋ lasálàá 10:16

Mí Moise nuwviaa cuin toovi yɔngun le sálà va le hakio sɔlaa malɔɔ-o solio-o, má dimul ndu maa a cii ndu nin lomɔɔ mó ŋɔa kpúlúká. Mɛɛ o tuei lende, mó tuulu kɔl a poaa ŋiɔŋaa Aarɔn-nda, a lo yoomu-a, Eleasar nda Itamar pɛɛn. Mó ɲuna nda aa:

Tɔŋ lasálàá 12:6

Te palɛi ndɔɛi dindiannde cuu pɛ le hɔ́ɔ́ piaandu, te kon te le hɔ́ɔ́ laandu o velu-o, komsa kon yoo vana-solia-lasálàá saa téndé nɔ vɔsio pilɛ-o le sálà loamaa solio, a kangboo pilɛ, a piindo pilɛ le sálà co le hakio sɔlaa malɔɔ-o solio o cɛi-kola-toandaa-labɔɔŋianndo sondoo.

Tɔŋ lasálàá 14:10

O paale ŋɔmaandɔlen, o bii saa kóndóa téndéa nɔ lenamta le-a nda ŋiɔn, saa téndé laandu nɔ lenamta loo, o nɔ vɔsio pilɛ-o, kpeyan vɔɔcan a cuɛiyan-ndo kiloo leŋɔmahiɔɔlu, a cuɛiyan litili táláá.

Tɔŋ lasálàá 16:15

Kon cuu pɛ, o kelu vɛlɛ cuin toovi yɔngun le sálàá le haki Israɛlla-o bololan, o hiow a kooma cuin kon o kola-landaa co o Cɛi-Diandaa nin-ndo kɔɔli, o tosa mɛɛ o tosa a kooma naw tovaa yɛ, o suu man o kumbu kesu kpemaa coo a laci.

Tɔŋ lasálàá 16:5

Israɛlla bɛnda mà yɔngu ndu cuinaa toovia nda ŋiɔn le sálà co le hakio sɔlaa malɔɔ-o solio, a saa kóndóó o pilɛ le sálà loamaa solio.

Tɔŋ lasálàá 23:12

Paale pilɛle niaa heelunin tumbu kon coo ya o hɔl le ya ndu cɔmndo len, la solul-la vɛlɛ sálà loamaa a saa téndé nɔ vɔsio o pilɛ-o, saa kon bɛnda mò nɔ lenamta le.

Tɔŋ lasálàá 4:23

Te o sina dɔ́ɔ́ pɛ maa o tosa hakio, o bɛnda mò hin a cuin toovi nɔ lenamta loo le sálàá solio,

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 9:2

mó dimul Aarɔn aa: «Bii naw téndóó mì ndu va le sálà co le hakio sɔlaa malɔɔ-o solio, ma bii saa kóndóó le sálà loamaa solio, ma cɔm Mɛlɛka nda. Cɔlua ŋiɔŋaa kan kpow a bɛnda mà nɔ lenamta le.

Tɔŋ lasálàá 9:4

Mì la bii vɛlɛ naw tovaa a saa kóndóó le sálà kɔlɲuloo solio, mì la cɔm Mɛlɛka nda latulu a kpeyan vɔɔcan a cuɛiyan-ndo. Kani paalen nden hau, Mɛlɛka co niaa cɔmnɔn.›»

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,