Tɔŋ lasálàá 9:2 - BII BILA

² mó dimul Aarɔn aa: «Bii naw téndóó mì ndu va le sálà co le hakio sɔlaa malɔɔ-o solio, ma bii saa kóndóó le sálà loamaa solio, ma cɔm Mɛlɛka nda. Cɔlua ŋiɔŋaa kan kpow a bɛnda mà nɔ lenamta le.

Tɔŋ lasálàá 9:2 Iomraidhean Croise

Fulaa 29:1

«Nuaa n bɛnda ni ma pɔla Aarɔn nda poaa ndɔa, haliko ma siŋnun vanaa-solia-lasálàá le ya. A bii pɛ naw tova téndóó, a saa kóndóa nɔ lenamta le-a nda ŋiɔn,

Esekiɛl 29:1

O vɔsi diinndɔɔ nin, paangii tɔ́ndɔɛi va malɔ tɔ́ a lediin, mí Mɛlɛka soaa o ya lo, mó dimul-la aa:

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Tɔŋ lasálàá 16:3

O va pɛ le luɛyɔɔ o Cɛi-Diandaa nin, ɲɛm o bɛnda mò luɛi o ba-on co mun ni: naw tovaa o pilɛ le sálà co le hakio sɔlaa malɔɔ-o solio a saa kóndóó o pilɛ le sálà loamaa solio.

Tɔŋ lasálàá 16:5

Israɛlla bɛnda mà yɔngu ndu cuinaa toovia nda ŋiɔn le sálà co le hakio sɔlaa malɔɔ-o solio, a saa kóndóó o pilɛ le sálà loamaa solio.

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 8:14

O kon kɔɔli, mí Moise sɔɔnguu naw tova va le sálà co le hakio sɔlaa malɔɔ-o, mí Aarɔn nda poaa ndɔa handu balan naw tova kon o lebol.

Tɔŋ lasálàá 8:18

O kon kɔɔli, mó hun a saa kóndó va le sálà loamaa solio-o, mí Aarɔn nda poaa ndɔa handu balan saa kóndó kon o lebol,

Tɔŋ lasálàá 9:3

Ma soo o Israɛlla lo, ma dimul nda aa: ‹La bii cuin toovio le sálà co le hakio sɔlaa malɔɔ-o solio, naw téndé nɔ vɔsio pilɛ-o a saa téndé nɔ vɔsio pilɛ-o le sálà loamaa solio a nda. Cɔlua kan bɛnda mà nɔ lenamta le.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Hebreea 5:3

Le mɛɛ ndu pila nɔ sɔwvon yɛ, mɛɛ mò soli sálàlan le hakila vannda kpow a le ndu pila.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.