Tɔŋ lasálàá 7:2 - BII BILA

² À bɛnda mà kelu cɔlu yɔngun le sálà bɛɛndiaa isɔɔ solio-o bololan nɛɛ nda kialu cɔlua sálà loamaa bololan-nda, mà balu kooma ndɔan taaliaa o fonda-loamaa-lasálàá pindo.

Tɔŋ lasálàá 7:2 Iomraidhean Croise

Esai 52:15

Lende koni o dindinin vanaa-mangalaa-isɔɔa taw o nda vesullo ni. Masaa nɔnin mɛɛ dimia ndu o hɔl te, kani a canin ɲɛ ndóò dimul nda loo, a biinin ɲɛ ndáà tui-yɔ loo bila.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esekiɛl 40:39

O tongo-luɛyaa tase dio bɛndoo nin, bandólan la va latiɔn, o bandóla lan coo ndáà kialu cɔlua bololan le sálàlan solio nisálà loamaa, sálàá le hakio a le sálà bɛɛndiaa isɔɔ.

Tɔŋ lasálàá 1:11

Mo kelu ndu bololan o fonda-loamaa-lasálàá a maluaŋ, Mɛlɛka o hɔl. O kon, vanaa-solia-lasálàá, poaa Aarɔn-nda balu koovan fasaŋiaa o kpengun fonda-loamaa-lasálàá coo pindo.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Tɔŋ lasálàá 1:5

O kon kɔɔli, o kelu cɔlu kon bololan o cɛi-kola-toandaa-labɔɔŋianndo sondoo. Vanaa-solia-lasálàá, poaa Aarɔn-nda cɔm Mɛlɛka kooma cɔlu kon, à balu man fasaŋiaa o kpengun fonda-loamaa-lasálà co o dio cɛi-kola-toandaa-labɔɔŋianndo ikɛi-yo coo pindo.

Tɔŋ lasálàá 14:13

Kon cuu pɛ, o kelu saa téndé kalaa bololan o fonda nda kialu cɔlua co le sálà co le hakio sɔlaa malɔɔ-o-a a cɔlua co le sálà loamaa-a bololan-nda, nɛɛ diandaa pum. Kani cɔlu sálà bɛɛndiaa isɔɔ a cɔlu sálà co le hakio sɔlaa malɔɔ-o, le vana-solia-lasálàá nda co ni, ɲɛ diandaa-diandaa kɛsin le nda-o co kon ni.

Tɔŋ lasálàá 3:2

Mò handu baa cɔlu kon o lebol, mo kelu ndu bololan o cɛi-kola-toandaa-labɔɔŋianndo sondoo. O kon, mì vanaa-solia-lasálàá, poaa Aarɔn-nda balu kooma cɔlu kon fasaŋiaa o kpengun fonda-loamaa-lasálàá coo pindo.

Tɔŋ lasálàá 3:8

O handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon kɔɔli, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Tɔŋ lasálàá 4:24

mò handu baa cuin kon o lebol, mò kelu ndu bololan Mɛlɛka o hɔl, o fonda nda kialu cɔlua co le sálà loamaa-a bololan-ndo. Sálà co le hakio sɔlaa malɔɔ-o co kon ni.

Tɔŋ lasálàá 4:29

Mò handu baa cuin laandu kon o lebol, mò kelu ndu bololan o fonda nda kialu cɔlua co le sálà loamaa-a bololan-ndo.

Tɔŋ lasálàá 4:33

mò handu ndu baa o lebol, mò kelu ndu bololan le sálàá solio le hakio sɔlaa malɔɔ. O fonda nda kialu cɔlua yɔngun le sálà loamaa solio-a bololan-ndo o bɛnda ni mo kelu cɔlu kon bololan.

Tɔŋ lasálàá 5:16

O kon, vana tosa kon hakio-o sala ɲɛm ndóò bɛnda le ya Mɛlɛka yɔngoo-on kpow. Kɛ o va pɛ mun salaa, o handu ipilɛ o ŋuɛɛnu oo ŋuɛɛnu coo, o hin a ɲɛm mun o vana-solia-lasálàá lo. O hin pɛ a mun, vana-solia-lasálàá tosa faleŋii baŋannde ndu coo a saa kóndó kon le haki o tosa-o. O kon Mɛlɛka mal ndu haki.

Tɔŋ lasálàá 5:7

«Te vanndo nɔ se le saa laandoo, te kon te le cuin laandoo sɔlaa le, o hin o Mɛlɛka lo a piinda nda ŋiɔn, te kon te kangboa nda ŋiɔn le sálà bɛɛndiaa isɔɔ solio le haki o tosa-o. Mì o pilɛ va le sálàá le hakio sɔlaa malɔɔ, o pilɔɔ le sálà loamaa.

Tɔŋ lasálàá 5:9

mò balu kooma ndɔan taaliaa o fonda-loamaa-lasálàá pindo, mò cuiŋi matɔ̀an lebɛngu. Sálà co le hakio sɔlaa malɔɔ-o co kon ni.

Tɔŋ lasálàá 6:7

«Nuaa nda bɛnda le sálàla ɲɛm-vaalan solio ni: poaa Aarɔn-nda bɛnda ni mà cɔm Mɛlɛka sálà ɲɛm vaa kon o fonda-loamaa-lasálàá hɔl-ndɔ.

Kundalan 6:12

ndu pila solin vɛlɛ sálà sɛnɛi le Mɛlɛka, le telen solian sálà ndóò kelu-o peeloo. O kon, o yɔngu saa téndé nɔ vɔsio pilɛ-o le sálà bɛɛndiaa isɔɔ solio. Kɛ palɛi tasei o tosa o sálà solian kon nin-nde co o cɔm coo le, kani telen ndɔ ndóò kelu mó solin ndu pila sálà-o nɔɔla Mɛlɛka o hɔl.

Hebreea 11:28

A laalanndo, mó tosa kafo-hiavaa-coo, mó dimul vannda le koovan suiyo o kèéden lacɛiyon coo. O kon mɛlɛkanɔ piɔ́mndo dii poaa tasea Israɛlla le.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!