Tɔŋ lasálàá 5:4 - BII BILA

⁴ Te vanndo yiyan fɔlɔn ɲɛkɛndɛi le, mo teŋnun le dɛnɛ kɛndɔɔ tosaa, te kon te le dɛnɛ vɔɔndo, te o dow sɔɛi ken taasi mò tosa sɔɛi o teŋnun ken coo-e le, telen o sinanin lende-o, o siŋnun vana tɛɛmbua tɔŋndo.

Tɔŋ lasálàá 5:4 Iomraidhean Croise

2Samiɛl 21:7

Kɛ David yɔngu Mefibosɛt, po Yonatan-ndo, po imama Saul-lo le, kani ndáà cii nin kpema icanyaa yii o diola Mɛlɛka lan nda Yonatan po Saul-lo.

2Masaa 6:31

Mí masa kalaa dimi aa: «Te bolle Elise po Safat-o le lo pɛ ndu hau o kɛsei coo few, mɛɛ Mɛlɛka tuisí sanga hiow sangalan kpow-vo ya coo!»

Condii lisai 106:33

má saangiaa Moise taw-taw, mó muungu sɔɔn diɔmndon dimio.

Tɔŋ lasálàá 5:13

Lende vana-solia-lasálàá bɛnda ni mo tosa faleŋii baŋannde vana kon coo le haki o tosa-o. O kon Mɛlɛka mal ndu haki. Ɲɛ tɔ̀ lonin-ndo vànin le vana-solia-lasálàá mɛɛ o tosan a sálàla ɲɛm-vaalan yɛ.»

Tɔŋ lasálàá 5:3

Hali mì vanndo sìná le, te o pilan pɛ vanaciee co o dɛnɛ nɔɔlɛiyo nin-ndo, dɛnɛ súú-súù nɔla mo nɔɔliaa vanacieo, vana kon siŋnun vana tɛɛmbua tɔŋndo lɔ́ɔ́ o sinanin tɛɛmbuu ndɔɔ-o.

Kundalan 30:6

Kɛ te fuɲa ndɔ tuei pɛ sɔɛi ken, mò kɛɛ dɛnɛ kon paale o tuei ndu len, ciɛ́i o cua-e a yoole o baa len ve lɛnin le peelu le. Mɛlɛka malnin ndu haki le sɔɛi ken, kani fuɲa ndɔ cii yoole o baa len tɛɛmbuu.

Kundalan 30:8

te pɔnɔ ndɔ tuei pɛ sɔɛi ken, mò tɛɛmbuu dɛnɛ kon paale o tuei ndu len te, mɛɛ o bɛnda mò timbi yoole o baa len a ciɛ́i o cua-e.

Matie 14:7

mó mɛnalan cuaambɔɔ maa ɲɛ-ɲɛ o ɲuna ndu pɛ o kenin ndu.

Matie 14:9

Mí mɔnɛi bii masaa, kɛ le tùú ndóò cii nin mɛnan-ndo, a le tùú vanaa o veelu le dioo-a va lon-ndo, mó cɛl le ndu bolle Nsaŋ Vana-yinaa len yɔngoo.

Marke 6:23

Mó mɛnalan ndu aa: «Ɲɛ-ɲɛ n yeema pɛ, i kenin nɔm ndu, hali o va bɛɛ aa tala masale nilen ni.»

Dɛnnda kiilaa 23:12

Diimandɔɔ idiiyo, mí Yuifia pum yii dúmbóó, má mɛnan Hala o hɔl maa a dinin te, a kolnin vɛlɛ ɲɛ-ɲɛ le te a dii Pol te.

Yosue 2:14

Mí vanpiaandua kan mulul Rahab aa: «N co a bɛɛndiannda le vuo le niaa, te la cɔɔmuu tuu naa le. Lɔ́ɔ́ Mɛlɛka malnin lɛŋnden nden naa o ba-o, n lonin o lediom coo mì n tosal nɔm dɛnɛ kɛndɔɔ.»

Yosue 9:15

Mí Yosue luei kɔlɲuloo a nda tɛɛn, mó yii kpemaa nda ndaa le nda mɛiyo yoomu. O kon, mí simlacia va nda tɛɛn-nda tiinda sɔɛi ken a mɛnanndo.

Masaa kialaa n'yamaa 11:31

lɔ́ɔ́ ya vanin cɔnɔnndo o lɛŋnde ndalen nin le muungoo-o, vana tase fulanin ya o hɔl o yungu nuu nin le ya bɔŋaa-o, i yɔngunin nɔm vana kon, mì solul nɔm ndu sálà loamaa.»

Masaa kialaa n'yamaa 21:18

Kɛ n tiw lɛ ba le nda cuavaa naa laandua kɛsio o ba o nɔ̀lan. Kani n cii nin mɛnan, mí n dimi maa dangaa co le Israɛlnɔ oo Israɛlnɔ kɛsinin cua ndɔɔ o nɔ̀u vanapɔnɔ fula o polale Bɛnyamɛn-nden nin-ndo o ba.»

Masaa kialaa n'yamaa 21:7

Vɛ̀ɛ̀ naa n tosa yɛnin le vanpiaandua lo yoomu o polale Bɛnyamɛn-nden nin-nda laandua sɔlaa? Kani n cii nin mɛnan Mɛlɛka o hɔl maa n kɛsinin cuavaa naa o nɔ̀lan nda o ba le.»

Masaa kialaa n'yamaa 9:19

Te dɛnɛ sandaa a dɛnɛ kɛndɔɔ niaa tosa lende paalen nden hau a Yerubaal nda yungu ndɔɔ ni, màá Abimelɛk nɛŋi niaa kɔl, mi niaa bɛɛ ke ndu kɔlɲuloo!

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

1Samiɛl 25:22

Kɛ nanu a siɔdii, te i mɛi hali vana pilɛ yoomu o yungu Nabal-lo nin pɛ, mɛɛ Hala tuisi ya dɛnɛ palaa bɛndoo coo!»