Tɔŋ lasálàá 5:1 - BII BILA

¹ «Te vanndo ce pɛ dɛnɔɔ pum o tosanndo, te kon te mò sina sɔɛi pum, mà veelu vannda le seilen tɛndaa a dɛnɛ kon o kɔɔ, kɛ mò kɛɛ le kɔlan seile len tɛndaa, mɛɛ hakio o tosa ni, sanga haki ndɔɔ vanin ndu pila o lebol.

Tɔŋ lasálàá 5:1 Iomraidhean Croise

1Masaa 22:16

Kɛ mí masaa cɔɔlu ndu ɲuna aa: «Vɛ̀ɛ̀ kpɛ́ ya viom yɛ nɔm mɛnanndo le ya toɲaa dimullo o diola Mɛlɛka lan?»

1Masaa 8:31

Te vanndo cua pɛ hakio a puapilɛ ndɔɔ, mà dimul ndu le mɛnanndo, te o mɛnan pɛ o fonda-loamaa-lasálàá nɔmndo ho cɛinin nanu,

2Dɛnnda lemasalan 18:15

Kɛ mí masaa cɔɔlu ndu ɲuna aa: «Vɛ̀ɛ̀ kpɛ́ n mɛnalan yɛnin ya kpeekpei le ya toɲaa dimullo o diola Mɛlɛka lan?»

Condii lisai 38:4

Le kɔl n tuulu a ya-o, ɲɛ-ɲɛ co lɛ o kɛndɛ ya o n'dial te. Le haki nuu, ɲɛ-ɲɛ co lɛ ya o bɛndaa o paalan nin te.

Fulaa 22:11

Kɛ te ndu macɛlu nda ciimbuu cɔloo ni, o bɛnda mò sala cɔlu pilaa.

Talelan 29:24

Vanndo cɛlan pɛ nda vuiyo, ndu pila tuisin dɛnɛ vɔɔndo coo. Mò tuei mɛnaa, kɛ mò kɛɛ le vuiyo cɔɔmuuo.

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Esekiɛl 18:20

Vana co hakio tosaa-o, vana kon vunin ni. Poo bɛnda mò sɔla sangaa le haki fuɲa ndɔ tosa-o le. Dɛnɛ sandaa vana sandaa tosa-o lonin vana sandaa kon coo, mì dɛnɛ kɔlvesɛi vana kɔlvesɛiyo tosa-o lo vana kɔlvesɛi kon coo.

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

Tɔŋ lasálàá 17:16

Te o too volɔɔla ndɔla cuɛinanndan mò pulun te, mɛɛ o del kasi.›»

Tɔŋ lasálàá 19:8

Vana de mun pɛ, mɛɛ o del kasi, o nɔɔliaa ɲɛ solin sálà le ya Mɛlɛka-o. Lelan, a faŋannin ndu Israɛlla tɛɛn few-few.

Tɔŋ lasálàá 20:17

Te vanndo cua pɛ yema ndɔ fuɲa pilɔɔ, te kon te yema ndɔ nde pilɔɔ o nɔ̀u nin, mò tosa kpelemɔsaa a ndu, mɛɛ a tosa bɔɔ mààla bɛndu. A sɔlanin sala ndaa vannda kpow o hɔl. Vanapɔnɔ suunda kon a yema ndɔ fuɲa pilɔɔ, te kon te yema ndɔ nde pilɔɔ-o, ndu yɔŋnun sabu le mààla lan tosaa ni.

Tɔŋ lasálàá 4:2

«Soo o Israɛlla lo ma dimul nda aa: ‹Te vanndo tosa pɛ hakio o sina lepɛŋndo nin, mò tɛɛmbuu tɔŋnda Mɛlɛka lan o pilɛ a dɛnɛ ndu Mɛlɛka kuuna-o pum tosaa, nuaa vana kon bɛnda le tosaa ni:

Tɔŋ lasálàá 5:15

«Te vanndo tosa pɛ haki kàlà-kálàá o sandii lepɛŋnde nin, mò kɛɛ le ɲɛm co le ya Mɛlɛka-on yɔngoo, o bɛnda mò yɔngu saa kóndó nɔ lenamta loo le haki o cua a ya Mɛlɛka-o, mà kelu ndu iyama o volin latámán nin mɛɛ volin latámán có dionnɔnndo o Cɛi-Diandaa nin-ndon co yɛ. Cɔlu kon vanin le sálà ɲɛ pilaa salaa ni.

Tɔŋ lasálàá 5:17

Hali mì vanndo sìná le, te o tosa pɛ hakio, mò tosa dɛnɛ tɔŋnda Mɛlɛka lan la kuuna-o, o siŋnun vana tɛɛmbua tɔŋndo hali mò sina telen o tosa dɛnɛ kon-ndo le. Le hee, sanga haki ndɔɔ vanin ndu pila o lebol.

Tɔŋ lasálàá 7:18

Te vanndo de pɛ visin cɔlu o yɔngu le sálà kɔlɲulu ndɔɔ-on o paale yàándɔlen coo, Mɛlɛka cɛlnin sálà kon te, o siŋnunnin fúú le vana solinin ndu-o, kani dɛnɛ nɔɔlɛiyo co kon ni. Lelan, sanga haki vana kon vanin ndu pila o lebol.

Kundalan 9:13

Kɛ te vana pum va pɛ o diandaa, mo ve o kela nin te, mo saalan le duɲɛi kafo-hiavaa-coo tosaa le, o bɛnda mò sɔla faŋaa Israɛlla tɛɛn few-few. Sanga oo sanga komal ndu pɛ mɛɛ ndu pila nuwviaa ndu ni, kani o solul Mɛlɛka dɛɛ sálà ndɔɔ o paale kelun-nden coo le.

Matie 26:63

Kɛ Yeesu kuŋ te, o soli le. O kon, mí bolle vanaa-solia-lasálàá dimul ndu aa: «Mɛnan le Hala co yoomu-o, mà dimul naa, te nɔm co Krista Po Hala-o ni.»

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Masaa kialaa n'yamaa 17:2

Paale pilɛ, mó ɲuna kala ndɔ aa: «A loonun pá maa lɔ́ɔ́ nda ciimbul nɔm volin latámán vàá pilɛ a kɛmɛ-o, má mɛna vui kon ya o hɔl? Volin mun co ya o ba. Yáà cua mun ni.» O kon, mí kala ndɔ dimi aa: «Po nuu, màá Mɛlɛka dɔw nɔm duaa!»