Tɔŋ lasálàá 4:3 - BII BILA

³ Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 4:3 Iomraidhean Croise

2Dɛnnda lemasalan 29:21

Má kɔa a navaa tovaa nda ŋɔmmɛw, saa kóndóa nda ŋɔmmɛw, saa téndéa nda ŋɔmmɛw a cuinaa toovia nda ŋɔmmɛw le sálà co le hakio sɔlaa malɔɔ-o solio le yungu lemasaa, le Fonda-Diandaa a le Yudaa. Mí masaa dimul vanaa-solia-lasálàá, poaa Aarɔn-nda le sálàla lan solio o fonda-loamaa-lasálà Mɛlɛka-o coo.

Ɛsdras 8:35

Cɔlua vanaa fula o biyɔɔ nin má muungu-a yɔngu le sálà loamaa solio o Hala Israɛlla lo o diola vannda kpow-va yɔŋnun haa ni: navaa tovaa tɔ́ a à ŋiɔn, saa kóndóa belaŋɔmahiɔɔlu a à ŋɔmpum, saa téndéa belaŋɔmmɛw a à ŋɔmmɛw a cuinaa toovia tɔ́ a à ŋiɔn le sálà co le hakio-o. Má soli cɔlua kan kpow sálà loamaa le Mɛlɛka.

Fulaa 29:14

Kɛ ma lom visin bɛɛŋun cɔlu kon, yáw ndɔɔ a poola ndɔlan o dɔ́ɔ́ngɔ́ɔ̀ kɔɔli. Sálàá le hakio sɔlaa malɔɔ co kon ni.

Fulaa 29:21

A cii pɛ, a cua kooma vanin makɛsiaa o fonda-loamaa-lasálàá coo-an, a cuɛima co le pɔlaa-an, a fasaŋiaa man Aarɔn coo a o volɔɔla ndɔla cuɛinanndan coo, a fasaŋiaa man vɛlɛ poaa Aarɔn-nda coo a o volɔɔla ndala cuɛinanndan coo. Lende Aarɔn bɛnda ni mo sɔla pɔlaa nda poaa ndɔa, a volɔɔla ndala cuɛinanndan le vali solia lasálàá tosaa ya Mɛlɛka o hɔl.

Fulaa 29:7

O kon kɔɔli, a cua cuɛima co le pɔlaa-an, a tala man ndu o lebol, a pɔla ndu.

Fulaa 30:10

Aarɔn bɛnda mò tosa faleŋii baŋannde o kpɛ̀ɛ́n fonda-loamaa-lasálà kon coo bɛmbɛ lepilɛ o vɔsio nin, a kooma cɔlu diinunnin le sálàá solio le hakio sɔlaa malɔɔ-o-an o bɛnda ni mo tosa faleŋii ken o kpɛ̀ɛ́n fonda kon coo. Le fɛɛn a fɛɛn, lende o bɛnda ni mo tosa faleŋii baŋannde lecoo bɛmbɛ lepilɛ o vɔsio nin. Kani fonda diandaa pila co kon le Mɛlɛka ni.»

Esekiɛl 40:39

O tongo-luɛyaa tase dio bɛndoo nin, bandólan la va latiɔn, o bandóla lan coo ndáà kialu cɔlua bololan le sálàlan solio nisálà loamaa, sálàá le hakio a le sálà bɛɛndiaa isɔɔ.

Esekiɛl 43:19

Lelan, bii naw tova téndóó ma yɔngu leviaa-solia-lasálàá, a fula o polale Sadɔk len coo-a, a co sɔɔnguuo ya ikɛi le vaa o vali nuu nin-nda, le sálà co le hakio sɔlaa malɔɔ-o solio a cɔlu kon. Diom Maalii dimi-o co kon ni, Mɛlɛka pɛɛn.

Esekiɛl 44:27

Paale o luɛinin o Fonda-Diandaa nin-nden, o bɛnda mò soli sálà ndɔɔ le hakio. Ya Maalii, ya co Mɛlɛka-o soo nuaa ni.

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Tɔŋ lasálàá 16:11

O kon, Aarɔn kandu a naw tova co le sálàá le haki ndɔ ndu pilaa-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen. O kelu pɛ naw tova kon bololan,

Tɔŋ lasálàá 16:3

O va pɛ le luɛyɔɔ o Cɛi-Diandaa nin, ɲɛm o bɛnda mò luɛi o ba-on co mun ni: naw tovaa o pilɛ le sálà co le hakio sɔlaa malɔɔ-o solio a saa kóndóó o pilɛ le sálà loamaa solio.

Tɔŋ lasálàá 16:5

Israɛlla bɛnda mà yɔngu ndu cuinaa toovia nda ŋiɔn le sálà co le hakio sɔlaa malɔɔ-o solio, a saa kóndóó o pilɛ le sálà loamaa solio.

Tɔŋ lasálàá 16:6

O kon, Aarɔn soli sálàá a naw tova co le hakio sɔlaa malɔɔ-o le haki ndɔ ndu pila-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen.

Tɔŋ lasálàá 4:14

lɔ́ɔ́ haki kon sinannin válán-ndo, nda kpow a bɛnda mà soli naw tovaa sálà le haki kon, mà kɔɛ a ndu o cɛi-kola-toandaa-labɔɔŋianndo sondoo.

Tɔŋ lasálàá 4:23

Te o sina dɔ́ɔ́ pɛ maa o tosa hakio, o bɛnda mò hin a cuin toovi nɔ lenamta loo le sálàá solio,

Tɔŋ lasálàá 4:28

Te o sina dɔ́ɔ́ pɛ maa o tosa hakio, o bɛnda mò yɔngu cuin laandu nɔ lenamta loo le sálàá solio le haki o tosa-o.

Tɔŋ lasálàá 4:5

Mì vana-solia-lasálà sɔla pɔlaa-o cua kooma cɔlu kon, mò luɛi a man o cɛi-kola-toandaa-labɔɔŋianndo nin,

Tɔŋ lasálàá 5:6

o kon, o hin a cɔlu laandoo le sálà bɛɛndiaa isɔɔ o ya Mɛlɛka lo le haki o tosa-o: saa laandoo, te kon te cuin laandoo. Mì vana-solia-lasálàá tosa ndu faleŋii baŋannde coo le haki ndɔɔ vɔɔsuuo mò malnun haki.»

Tɔŋ lasálàá 6:18

«Soo o Aarɔn nda poaa ndɔa lo, mà dimul nda aa: ‹Nuaa niaa bɛnda ni mi la soli sálàá le hakio sɔlaa malɔɔ: o fonda nda kelu cɔlu sálà loamaa bololan-ndo koni nda bɛnda vɛlɛ mà kelu cɔlu co le sálàá le hakio sɔlaa malɔɔ-o bololan Mɛlɛka o hɔl ni. Sálà diandaa-diandaa co kon ni.

Tɔŋ lasálàá 8:12

O kon kɔɔli, mó tala Aarɔn cuɛima pɔlan o lebol, mó pɔla ndu le ndu siinguuo teengen le baala Mɛlɛka-o.

Tɔŋ lasálàá 9:2

mó dimul Aarɔn aa: «Bii naw téndóó mì ndu va le sálà co le hakio sɔlaa malɔɔ-o solio, ma bii saa kóndóó le sálà loamaa solio, ma cɔm Mɛlɛka nda. Cɔlua ŋiɔŋaa kan kpow a bɛnda mà nɔ lenamta le.

Tɔŋ lasálàá 9:3

Ma soo o Israɛlla lo, ma dimul nda aa: ‹La bii cuin toovio le sálà co le hakio sɔlaa malɔɔ-o solio, naw téndé nɔ vɔsio pilɛ-o a saa téndé nɔ vɔsio pilɛ-o le sálà loamaa solio a nda. Cɔlua kan bɛnda mà nɔ lenamta le.

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

Kundalan 8:8

Mà bii naw tova téndóó a sálà co le solio latulu a ndu-o, a dɛɛ nda vɔɔca o cuɛiyan nin-ndo, mì nɔm Moise bii naw tova diinndɔɔ le sálà co le hakio sɔlaa malɔɔ-o solio.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Hebreea 5:3

Le mɛɛ ndu pila nɔ sɔwvon yɛ, mɛɛ mò soli sálàlan le hakila vannda kpow a le ndu pila.

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.