Tɔŋ lasálàá 4:12 - BII BILA

¹² kon co dimio ni aa naw kon kpow, o fula a ɲɛm mun o dɔ́ɔ́ngɔ́ɔ̀ kɔɔli, o kɔɛ a mun nɛɛ diandaa pum, nɛɛ nda hulu pultan-nda, o lom mun kpúlúká o kilion coo. Ó sál lapullo coo ɲɛm mun bɛnda le ŋɔu ni.

Tɔŋ lasálàá 4:12 Iomraidhean Croise

Fulaa 29:14

Kɛ ma lom visin bɛɛŋun cɔlu kon, yáw ndɔɔ a poola ndɔlan o dɔ́ɔ́ngɔ́ɔ̀ kɔɔli. Sálàá le hakio sɔlaa malɔɔ co kon ni.

Esekiɛl 43:21

O kon kɔɔli, a cua naw tova co le sálà co le hakio sɔlaa malɔɔ-o-o, vannda lom ndu o cɛi-kola-toandaa diandaa lekɔɔli, o fonda co o toosiaa le ken o Cɛi-Hala kon-ndo.

Tɔŋ lasálàá 13:46

Mɛ̀ɛ́-mɛ̀ɛ́ o viow, te paw kon co vɔ pɛ ndu lekɔɔ, vana nɔɔlɛiyo o co ni. Mɛɛ o co yɛ vana nɔɔlɛiyo yɛ, o bɛnda mò va ndu pilɛ kpé. Nɛɛ ndɔa calaa vanin o dɔ́ɔ́ngɔ́ɔ̀ kɔɔli ni.»

Tɔŋ lasálàá 16:27

Naw tovaa a cuin toovi nda yɔngu le sálàá solio le hakio sɔlaa malɔɔ-o-a, à Aarɔn kɔɛ a kooma ndan o Cɛi-Diandaa nin le faleŋii baŋannde tosaa-a, a bɛnda ma soli nda o dɔ́ɔ́ngɔ́ɔ̀ kɔɔli, mà lom yáwla ndalan, visin ndan a ɲɛm co nda o ladembe-on kpow o yinnden nin.

Tɔŋ lasálàá 4:21

Ken cuu pɛ, o soli naw tova kon o dɔ́ɔ́ngɔ́ɔ̀ kɔɔli, à lom ndu o yinnden nin mɛɛ nda lom naw tova tasoo yɛ. Sálàá le haki vannda kpow malnɔnndo co kon ni.›

Tɔŋ lasálàá 6:23

Kɛ nduyɛ, taa luɛi nin pɛ a kooma cɔlu co le sálàá le hakio sɔlaa malɔɔ-o-an o cɛi-kola-toandaa-labɔɔŋianndo nin, mà tosa faleŋii malaa haki-e a man o Cɛi-Diandaa kon nin, vana bɛnda lɛ ma de visin cɔlu kon te, n bɛnda mì n ŋɔɛ kpúlúká o yin.›»

Tɔŋ lasálàá 6:4

Kon cuu pɛ, o soli volɔɔla co ndu lekɔɔ lan, o vownun volɔɔla súú celen, o soli pultan o dɔ́ɔ́ngɔ́ɔ̀ kɔɔli, o kɔɛ a lan nɛɛ diandaa pum.

Tɔŋ lasálàá 8:17

Visin tɔ̀un naw kon, yáw ndɔɔ, a ɲɛm va ndu o dembe-on kpow, mó loam mun a yinnden o dɔ́ɔ́ngɔ́ɔ̀ kɔɔli, mí Moise tosa falenndon mɛɛ Mɛlɛka cɔm ndu yɛ kpafii.

Tɔŋ lasálàá 9:11

Kɛ mó fula o dɔ́ɔ́ngɔ́ɔ̀ kɔɔli, mó loam visin tɔ̀un a yáw cɔlu kon kpúlúká o yinnden nin.

Kundalan 15:35

Mí Mɛlɛka dimul Moise aa: «Langbanɔɔ ho bɛnda mò sɔla piɔ́mndo, sɛ́lɔ́ɔ́ kpow a bɛnda mà vii ndu a powtan o dɔ́ɔ́ngɔ́ɔ̀ kɔɔli háá mo vi.»

Kundalan 19:3

La hin pɛ a ndu, la yɔngu Eleasar vana-solia-lasálàá ndu. Eleasar kɔɛ a ndu o dɔ́ɔ́ngɔ́ɔ̀ kɔɔli, a kelu ndu bololan ndu o hɔl.

Kundalan 19:5

O kon, a lom naw kon ndu o hɔl, kandɔɔ a yáwvo, visin bɛɛnndon, koovan, kɔ bii a ɲɛm co ndu o dembe-on kpow, a lom mun o yinnden nin.

Kundalan 5:3

La bɛnda mì la faŋa vanaa kan, o va vanapɔnɔ o va vanalanɔ, mì la yɛɛ nda o dɔ́ɔ́ngɔ́ɔ̀ kɔɔli, yɔŋii nda nɔɔliaa dɔ́ɔ́ngɔ́ nda kon, o ya Mɛlɛka co icali nin-ndo.»

Hebreea 13:11

Kani kooma cɔlua nda soli sálàá le hakio-a bolle vanaa-solia-lasálàá co cua ni, mò luɛi a man o fonda diandaa-diandaa le sálà malaa lahakio solio. Kɛ mà kɔ lom cɔlua kalaa kpow o dɔ́ɔ́ngɔ́ɔ̀ kɔɔli.