Tɔŋ lasálàá 3:3 - BII BILA

³ O sálà kɔlɲulu kon nin, o soli ɲɛm ŋɔa o yin le ya Mɛlɛka-on, ɲɛm mun co mun ni: cuɛima kumbu pulon a ɲɛm co cɔlu kon o dembe-on-ndan, a cuɛima pulon a ɲɛm co ndu nin-ndon simbulun nin-ndan kpow,

Tɔŋ lasálàá 3:3 Iomraidhean Croise

Condii lisai 119:70

Sɔɛi luei nda o lakɔl te, a nɔ yiyan te. Kɛ ya ya, i co ɲaaloo dɔwnɔnndo o tɔŋ nɔmndo nin.

Fulaa 29:13

O kon kɔɔli, a cua visin macuɛin kumbu ɲɛm co cɔlu kon o dembe-on-ndon, a bungɛi hiow naŋɔɔ o yemnde nin-nde, a kɔlkelen miunndon, a cuɛima kumbu kɔlkelen mun-ndan, a lom ɲɛm mun kpow o fonda-loamaa-lasálàá coo.

Fulaa 29:22

Ma cua visin macuɛin saa kóndó diinndɔɔ, puilen ndɔlen, cuɛima kumbu ɲɛm co ndu o dembe-on-ndan, bungɛi hiow naŋɔɔ o yemnde nin-nde, kɔlkelen miunndon, cuɛima kumbu mun-ndan a lɔlu ba kɛndɛ ndɔɔ, kani saa kóndó sálà kandaa baalaa co kon ni,

Talelan 23:26

Po nuu sei! Yɔngu ya kɔl nɔmndo, mì ɲɔɔ hɛnan nɔm le kelala nilan mɛɛndanndo.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Esekiɛl 36:26

I yɔngunin niaa kɔl sɛnɛiyo, mì luei niaa yiyan sɛnɛiyo nin. I solinin kɔl co o kala maa pow-vo o dialun niaan nin, mì luei kɔl co maa ivisi-o niaa o n'dial.

Esekiɛl 44:15

Kɛ leviaa-solia-lasálàá fula o polale Sadɔk len nin-nda, a landu hɔlla o vali cɛi-kola-toandaa diandaa nuu coo telen Israɛlla va laasianndo ya levil-lo-a, nda nda vanin sɔɔnguuo ya ikɛi le vaa o vali nuu nin. A vanin simndan ya (Mɛlɛka) o hɔl le ya visin macuɛiyon a kooma cɔlua sálàá cɔmndo. Ya Maalii, ya co Mɛlɛka-o soo nuaa ni.›»

Tɔŋ lasálàá 1:12

Te cɔlu kon sɛŋnun pɛ, à faŋa bollen a cuɛima ndɔan, vana-solia-lasálàá pilɛ handu visin mun o kilin biyan coo o fonda-loamaa-lasálàá coo.

Tɔŋ lasálàá 1:8

O kon vanaa-solia-lasálàà kan, poaa Aarɔn-nda pɛɛn, a handu visin mun, a bollen, a cuɛima cɔlu kon o kilion coo o fonda-loamaa-lasálàá coo,

Tɔŋ lasálàá 16:25

Kon hiow pɛ, o lom visin macuɛin cɔlua nda yɔngu kan le sálàá solio le hakio sɔlaa malɔɔ-a o fonda-loamaa-lasálàá coo.

Tɔŋ lasálàá 3:16

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin-ndon co mun ni. Cuɛima fula cɔloo nin-ndan kpow ma co le ya Mɛlɛka.

Tɔŋ lasálàá 3:2

Mò handu baa cɔlu kon o lebol, mo kelu ndu bololan o cɛi-kola-toandaa-labɔɔŋianndo sondoo. O kon, mì vanaa-solia-lasálàá, poaa Aarɔn-nda balu kooma cɔlu kon fasaŋiaa o kpengun fonda-loamaa-lasálàá coo pindo.

Tɔŋ lasálàá 3:4

kɔlkelen miunndon a cuɛima holnun mun mì ma kumbu kpengun miunndon-ndan a bungɛi hiow naŋɔɔ o yemnde nin-nde, i vana faŋa a kɔlkelon latulu-e pɛɛn.

Tɔŋ lasálàá 4:10

Te vana-solia-lasálàá faŋa pɛ ɲɛm mun lende maa mɛɛ o bɛnda le mun faŋaa o cɔlu sálà kɔlɲuloo yɛ, o bɛnda mò lom mun o fonda-loamaa-lasálàá coo, nɛɛ nda sòli sálàla loamaalan-nda pɛɛn.

Tɔŋ lasálàá 7:30

Mì vana kon pila hin a ɲɛm ŋɔanin mun o yinnden nin le ya Mɛlɛka-on, ɲɛm mun co mun ni: cuɛima cɔlu kon a kɔŋɔ ndɔɔ, kɔŋɔ kon yɔngunnin le faleŋii vana heelu ɲɔɔ coo le Mɛlɛka ndu cɔmndo-e.

Tɔŋ lasálàá 7:5

Mì vana-solia-lasálàá lom ɲɛm mun maa sálà ŋɔa o yin le ya Mɛlɛka o fonda-loamaa-lasálàá coo-o. Sálà bɛɛndiaa isɔɔ co kon ni.

Tɔŋ lasálàá 9:10

Mó loam visin macuɛiyon, kɔlkelon a bungɛi hiow naŋɔɔ o yemii cɔlu kon nin-nde o fonda-loamaa-lasálàá coo mɛɛ Mɛlɛka dimul Moise le tosaa yɛ, cɔlu solin kon sálàá le hakio sɔlaa malɔɔ-o pɛɛn.

Matie 13:16

Kɛ niaa, dɛnɛ kɛndɔɔ co le niaa! Kani hɔlta niaalan la co cɔu, nila niaalan la co tueyɔɔ.

Matie 15:8

‹A n'cɔcɔ vannda ha co ya biiloo ni, kɛ kɔlta ndalan la co bɔɔ ya levil.

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Rɔmnda 6:6

N sínà maa vanacieeyɛi nɛi paanduei baŋnun o yɔm singafilaa coo a ndu latulu, haliko mi dialun hakion siŋnun ɲɛ fondoo fúú, yɔŋii naa n va vɛlɛ cɛa hakia.

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

1Samiɛl 2:15

Lɔ́ɔ́ lepum yɛ, telen pá ndáà hun loam cuɛima cɔlu solin sálàá-an, buɛi vana-solia-lasálàá ndóò hin, ndóò dimul vana co sálàá solio-o aa: «Ke ya visiei mì tuɛi le vana-solia-lasálàá, kani o cɛlnin visin nɔmndon n'yavan te, fɔ n'kiyɛiyon.»