Tɔŋ lasálàá 3:2 - BII BILA

² Mò handu baa cɔlu kon o lebol, mo kelu ndu bololan o cɛi-kola-toandaa-labɔɔŋianndo sondoo. O kon, mì vanaa-solia-lasálàá, poaa Aarɔn-nda balu kooma cɔlu kon fasaŋiaa o kpengun fonda-loamaa-lasálàá coo pindo.

Tɔŋ lasálàá 3:2 Iomraidhean Croise

Fulaa 29:10

Ma cua vɛlɛ naw tovaa, ma hin a ndu o cɛi-kola-toandaa-labɔɔŋianndo sondoo, mì Aarɔn nda poaa ndɔa handu cɔlu kon balan o lebol,

Fulaa 29:11

mì nɔm Moise kelu ndu bololan ya Mɛlɛka o hɔl o cɛi-kola-toandaa-labɔɔŋianndo sondoo.

Fulaa 29:15

Ma cua vɛlɛ saa kóndó tasoo, mì Aarɔn nda poaa ndɔa handu ndu balan o lebol,

Fulaa 29:16

mì nɔm Moise kelu ndu bololan, ma balu kooma ndɔan suiyo o fonda-loamaa-lasálàá pindo.

Fulaa 29:19

O kon kɔɔli, a cua vɛlɛ saa kóndó diinndɔɔ, Aarɔn nda poaa ndɔa handu ndu balan o lebol.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Tɔŋ lasálàá 1:11

Mo kelu ndu bololan o fonda-loamaa-lasálàá a maluaŋ, Mɛlɛka o hɔl. O kon, vanaa-solia-lasálàá, poaa Aarɔn-nda balu koovan fasaŋiaa o kpengun fonda-loamaa-lasálàá coo pindo.

Tɔŋ lasálàá 17:3

‹O Israɛlla kpow tɛɛn, te vanndo pum yeema pɛ le nawvo, saa, te kon te cuinndo bololan kiolɔɔ o dɔ́ɔ́ngɔ́ɔ̀ nin, te kon te o dɔ́ɔ́ngɔ́ɔ̀ kɔɔli,

Tɔŋ lasálàá 17:4

o bɛnda mò hin-ndɔ fɔlɔn a cɔlu kon o cɛi-kola-toandaa-labɔɔŋianndo sondoo, mò cɔm ya Mɛlɛka ndu o Calta nilan hɔl-ndɔ maa sálà. Te o hin a ndu le, o dii ndu pɛ a ba ndɔ lende, mɛɛ o del kasi le kooma o soli man ɲɛ yoomaa-an. Kani o co mɛɛ tɔŋndo dimi yɛ le o dii cɔlu kon te. Lelan, a bɛnda ma faŋa vana kon Israɛlla tɛɛn few-few.

Tɔŋ lasálàá 3:3

O sálà kɔlɲulu kon nin, o soli ɲɛm ŋɔa o yin le ya Mɛlɛka-on, ɲɛm mun co mun ni: cuɛima kumbu pulon a ɲɛm co cɔlu kon o dembe-on-ndan, a cuɛima pulon a ɲɛm co ndu nin-ndon simbulun nin-ndan kpow,

Tɔŋ lasálàá 3:8

O handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon kɔɔli, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Tɔŋ lasálàá 8:22

O kon kɔɔli, mó hun a saa kóndó diinndɔɔ, saa kóndó va le sálà kandaa baala Mɛlɛka-o solio-o pɛɛn. Mí Aarɔn nda poaa ndɔa handu balan saa kóndó kon o lebol.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Kundalan 18:17

Kɛ cɛl mì vana baŋa naw tova tasoo, saa kóndó tasoo a cuin toovi tasoo le, kani a diandaa nda co Mɛlɛka o hɔl ni. A bɛnda ma fasaŋiaa kooma cɔlua kan o fonda-loamaa-lasálàá coo, ma lom visin macuɛiyon o yin, sálà ŋɔa o yin-ndo co kon ni, o ya tuɛi cun mì ɲɔɔ hɛnan ya-o.

Dɛnnda kiilaa 3:15

Mí la tosa, má dii vana nɔ yoomoo o ba-o, kɛ mí Hala mingi ndu yoomu fulaa vanvílɛ́iya tɛɛn. Naa n co seiya ni.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.