Tɔŋ lasálàá 3:1 - BII BILA

¹ «Te vanndo soli pɛ sálà kɔlɲuloo a cɔlu bɛndoo, o va cɔlu piaandu o va cɔlu laandu, o bɛnda mò hin a cɔlu nɔ lenamta loo ya Mɛlɛka o hɔl.

Tɔŋ lasálàá 3:1 Iomraidhean Croise

1Dɛnnda lemasalan 21:26

Mí David cɔaw fonda-loamaa-lasálàá o fonda kon le Mɛlɛka, mó soli sálàla loamaalan a sálàla kɔlɲululan lecoo. O kon kɔɔli, mó piɛi Mɛlɛka, mí Mɛlɛka mulul ndu, mó tuisi yinnden fulaa o halataala le sálàla va o fonda-loamaa-lasálàá coo lan lomɔɔ.

Fulaa 20:24

La ców ya fonda-loamaa-lasálàá a puuloo, mì la soli sálàla loamaala niaalan a sálàla kɔlɲulula niaalan lecoo, mì la soli vɛlɛ cɔlua niaa pɔmbɔa a navaa niaa sálàá lecoo. Fonda oo fonda ya cɔmnun niaa pɛ, i hin o niaa lo, i dɔw niaa duaa.

Fulaa 24:5

O kon kɔɔli, mó viam langbaa Israɛlla pum le Mɛlɛka sálàla loamaalan solullo, a le ndu sálàla kɔlɲululan solullo a navaa tovaa.

Fulaa 29:28

Le Aarɔn nda poaa ndɔa ɲɛm mun co ni. Tɔŋndo co kon le fɛɛn a fɛɛn Israɛlla tɛɛn ni. Kani cɔwviaalan la co lán ni, nduyɛ cɔwviaala lan Israɛlla bɛnda ni ma va Mɛlɛka yɔngoo o sálàla ndala kɔlɲulula nda vanin solio lan coo.

Talelan 7:14

‹Yáà baa yoolen o Hala lo le sálàla kɔlɲululan solio. Hau ya soli sálàla lan ni mí timbi yoole len.

Esekiɛl 43:27

Te palɛi ken cuu pɛ peelɔn lende, kandɔɔ nin a paale ŋɔmaandɔlen háá lende nin, vanaa-solia-lasálàá vanin sálàla loamaala niaalan a sálàla kɔlɲulula niaalan solio o fonda-loamaa-lasálà kon coo. O kon (ya Mɛlɛka), i nɔla niko mì cɛl niaa.» Diom Maalii dimi-o co kon ni, Mɛlɛka pɛɛn.

Esekiɛl 45:15

Le cɔlua nda, o bɛnda mì la cua saa o pilɛ o kunda saa kɛmɛ lediin coo o hòóla puiyaala cuavaa Israɛlla nin. Ɲɛm niaa cuanin mun yɛ́-yɛ́-on vanin le sálà ɲɛm vaa, le sálà loamaa a le sálàla kɔlɲululan solio ni, haliko mi kon va faleŋii baŋannde le hakila niaa tosa lan. Ya Maalii, ya co Mɛlɛka-o soo nuaa ni.

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Tɔŋ lasálàá 17:5

Tɔŋndo ho tosanin ni, Israɛlla ve lɛnin cɔlua diwvo yondoo nin te, kɛ ma va hunɔɔ a nda o vana-solia-lasálàá lo o cɛi-kola-toandaa-labɔɔŋianndo sondoo, mà solul Mɛlɛka sálà kɔlɲuloo a cɔlua kan.

Tɔŋ lasálàá 3:6

Te a cɔlu pɔmbɔɔ vanndo co Mɛlɛka sálà kɔlɲuloo solullo ni, o bɛnda mò hin a cɔlu nɔ lenamta loo, o va cɔlu piaandu o va laandu.

Tɔŋ lasálàá 9:18

Mó kialu naw tovaa a saa kóndó Israɛlla yɔngu le sálà kɔlɲuloo solio-o bololan. Mí poaa ndɔa hun a kooma cɔlua kan o ndu lo, mó balu man fasaŋiaa o kpengun fonda-loamaa-lasálàá coo pindo,

Tɔŋ lasálàá 9:4

Mì la bii vɛlɛ naw tovaa a saa kóndóó le sálà kɔlɲuloo solio, mì la cɔm Mɛlɛka nda latulu a kpeyan vɔɔcan a cuɛiyan-ndo. Kani paalen nden hau, Mɛlɛka co niaa cɔmnɔn.›»

Amɔs 5:22

La solul-la nin bɛɛ sálàla loamaalan, la cuunin ya bɛɛ sálàla kpeyanndan, i cɛl-lɛnin ndan te, i yeema lɛ mì ce cɔlua celulaa niaa co kan diyɔɔ le ya sálàla kɔlɲululan solullo-a le.

Malasi 1:14

Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»

Malasi 1:8

La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.

Kundalan 15:8

Te naw téndóó niaa soli sálàá o ya Mɛlɛka lo ni, o va sálà loamaa, o va sálàá le yoole niaa bàá o ya Mɛlɛka lo len timbio, o va vɛlɛ sálà kɔlɲuloo,

Kundalan 6:14

mò solul Mɛlɛka sálà ndɔɔ: mò yɔngu saa kóndó téndé nɔ vɔsio pilɛ-o, o nɔ lenamta loo le sálà loamaa solio, saa téndé laandu nɔ vɔsio pilɛ-o, o nɔ lenamta loo le sálàá co le hakio sɔlaa malɔɔ-osolio a saa kóndó nɔ lenamta loo le sálà kɔlɲuloo solio.

Tɔŋ miingua 12:27

La bɛnda mì la soli sálàla niaala loamaalan, mì la heelu vision a koovan o fonda-loamaa-lasálà Mɛlɛka Hala niaa coo. Kooma cɔlua sálàá niaa ma bɛnda mì ma talan o fonda-loamaa-lasálà Mɛlɛka Hala niaa coo, vision mún, mì la de mun.

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

Masaa kialaa n'yamaa 20:26

Mí Israɛlla kpow a kɔ cal Mɛlɛka o hɔl Betɛl, má caŋ. Má niinu ɲinkon kpɛŋ o sumndo nin. Má solul Mɛlɛka sálàla loamaalan a sálàla kɔlɲululan.

Masaa kialaa n'yamaa 21:4

Paalen siɔu diimandɔɔ, mí vannda can, má cɔaw fonda-loamaa-lasálàá o fonda kon, má soli sálàla loamaalan a sálàla kɔlɲululan.