Tɔŋ lasálàá 26:1 - BII BILA

¹ «La cównùn halaa fondoa le, le sélnùn piɔmnda le, la tosa pow sálà le, la kɛ́sì powtan o lɛŋnde niaalen nin, mì la kɛɛmiaa lan le lan sooloo le. Ya co Mɛlɛka ni, Hala niaa pɛɛn.

Tɔŋ lasálàá 26:1 Iomraidhean Croise

2Masaa 17:10

Má tɔal powta soolaalan a sungbuma soolan o pembon kpow coo a o yɔmii puiyɛi kpow bɛngu.

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

2Masaa 17:8

Má luei balan o naamula vanaa Mɛlɛka ndóò hɛlu lɛŋnden o ba mó ke Israɛlla len-nda nin. Lende masaa Israɛlla ndáà tosá ni.

Condii lisai 78:58

Má tɛɛmbuu Hala kɔllo a sooluula ndalan, mó tuulu kɔl taw a piɔmaa ndaa.

Condii lisai 97:7

Siɛmbulan la biinin vanaa co piɔmnda sooloo-a kpow, vanaa co lisanndo a halaa fondoa-a pɛɛn. Halaa kan kpow baŋnin vulan Mɛlɛka o labɛngunin.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Fulaa 20:23

La cɔaw piɔmnda a volin humbon a á sianion o ya kɔɔli, mì la kpɔnda nda biiloo a ya le.

Fulaa 23:24

La sooluu halaa ndaa le, la baŋ vulan nda o labɛngunin te. La kélà mɛɛ nda co kela nɔɔlɛiyo yɛ le, kɛ la pesipesi piɔmaa ndaa, mì la koombiaa powta sálàla ndalan.

Fulaa 34:17

La tééngiàà cilinnde mì la cɔw piɔmndo a ndi le.

Esai 2:20

Paale len, vanndacieea viwlulnin tɔngannda a cówva piɔmaa nda cɔw a volion-nda, a piɔmaa nda cɔw a sianion le nda sooloo-a.

Tɔŋ lasálàá 19:4

La múlìn o halaa fondoa lo le nda sooloo le, la tééngiàà cilinndon o yin mì la cɔw piɔmnda a mun te. Ya co Mɛlɛka ni, Hala niaa pɛɛn.

Tɔŋ lasálàá 25:55

«Vanaa niaa baalaa niaa Israɛlla co ni, cɛa nia niaa co ni. Ya soli niaa o lɛŋnde Esipte len nin ni. Ya co Mɛlɛka ni, Hala niaa pɛɛn.»

Tɔŋ lasálàá 7:33

O poaa Aarɔn-nda tɛɛn, vana cuanin cuɛima cɔlu sálà kɔlɲuloo a kooma ndɔan, mò tosa falenndon a man o fonda-loamaa-lasálàá coo-o, ndu nɔnin lɔlu ba kɛndɛ cɔlu kon ni.

Kundalan 33:52

la toawnin vanaa co icali niaa laci lon-nda mì la hɛlu nda lɛŋnden o ba, mì la tɛɛmbuu piɔmaa ndaa nda cɔw a powtan-nda a à nda cɔw a ciliŋun teengian má siinguu nda halaa ndaa-a kpow, mì la pesi vɛlɛ sooluula ndalan.

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Tɔŋ miingua 27:15

‹Vana-vana sɛl pɛ piɔmndo, te kon te vana-vana cɔw pɛ piɔmndo a ciliŋii o teengiaa-e, mò kɛsi ndu o fonda yililio pum le ndu sooloo sɔ́ɔ́-sɔ́ɔ́, màá dangaa va vana kon coo! Kani Mɛlɛka yeema ɲɛm vaa lende le, n vanndacieea toosiaa a bala ndalan-ndon.› O kon, vannda kpow a cɛlnin aa: ‹Amiina!›

Tɔŋ miingua 5:6

‹Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Masaa kialaa n'yamaa 18:30

Mí vanaa fula kan o polale Dan-nden nin-nda luei piɔm Mika-o o cɛi máándo nin, má siinguu ndu ɲɛ nda soolaa. O kon, mí Yonatan po Kɛrsɔn-ndo, po imama Moise-o siŋnun vana-solia-lasálà ndaa. Mí polale Yonatan-nden le va baala kon tosaa háá o telen nda kɔɛ a vannda o biyɔɔ nin-ndo.