Tɔŋ lasálàá 24:2 - BII BILA

² «Dimul Israɛlla mà yɔngu nɔm cuɛima olivema kɛndɛ-kɛndɛan, haliko mi fitinalan la va biyɔɔ icɔl oo icɔl.

Tɔŋ lasálàá 24:2 Iomraidhean Croise

2Dɛnnda lemasalan 13:11

Idii a icɔl, a co Mɛlɛka sálàla loamaalan solullo mà va ansan lomɔɔ. A co bulula sálàla co le Hala lan kɛsio o tabali diandaa coo, a co fitinala co o ɲɛ kɛsiaa lafitina n'sianio coo lan mɛndullo. N co tɔŋnda Mɛlɛka Hala naa lan peeloo. Kɛ niaa niaa, la cii ndu kɔɔ mulul.

Condii lisai 119:105

Sɔɛi nɔmnde i co fitina sim ya laci o kɔlan-ndo ni, ndi co ɲɛ-tengaa o nɛi nuu coo ni.

Condii lisai 119:130

Vana saalun pɛ sɔɛi nɔmnde, ndu sɔla ɲɛ-tengaa, i co vanaa tuisin-nda kɔlkaloo keo.

Fulaa 39:37

ɲɛ kɛsiaa lafitina cɔwnun a sianin diandan-ndo, fitinala ndɔlan, ɲɛm ndɔn vallon kpow, cuɛiyan le vowvo o fitinala ndɔla lan nin,

Fulaa 40:24

Mó luei vɛlɛ ɲɛ kɛsiaa lafitinaa o cɛi-kola-toandaa-labɔɔŋianndo nin, mó kɛsi ndu o Calta Mɛlɛka la lan a ba too o tabalio hɔl-ndɔ.

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

Esai 11:2

Kɔl Mɛlɛka-o vanin ndu coo, kɔl kɔlkaloo a kɔl dɛnɛ sinaa, kɔl silaa a kɔl mayoomoo, kɔl sinapɛngoo a kɔl siòòŋii Mɛlɛka-o.

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Tɔŋ lasálàá 24:1

Mí Mɛlɛka soaa o Moise lo, mó dimul ndu aa:

Tɔŋ lasálàá 24:3

O kon, Aarɔn cua ɲɛ kɛsiaa lafitinaa, o kɛsi ndu o cɛi-kola-toandaa-labɔɔŋianndo nin o kola-landaa ven kesu kpema-o hɔl-ndɔ. Lon fitinala lan la vanin lɔan biyɔɔ pii ya Mɛlɛka o hɔl ni. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bìí tɔŋndo ho le fɛɛn a fɛɛn.

Matie 4:16

vanaa co icali o ɲumndan nin-nda ce ɲɛ-tengaa bɛndoo, pangeloo tenga vanaa va icali o lɛŋnde vunduma piɔ́mnden nin-nda coo!»

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

Luke 12:35

«La yiinun yawve le vallo, mì la va a bɛɛndiannda, mì fitinala niaalan la va la mɛndulaa.

Nsaŋ 1:4

O ndi nin yoomoo co ni, yoomu kon co ɲɛ-tengaa le vanndacieea ni.

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Nsaŋ 5:35

Fitinaa va biyɔɔ mì ɲɔɔ va tengaa-o Nsaŋ yɔŋnun ni. Niáà yeema le ɲaaloo dɔwnɔnndo o ɲɛ-tengaa ndɔɔ le telen bingi.

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.