Tɔŋ lasálàá 2:9 - BII BILA

⁹ O kon, vana-solia-lasálàá faŋa ɲɛ co le loonɔnndo a Mɛlɛka o kɔɔ-o, o lom ndu o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 2:9 Iomraidhean Croise

Fulaa 29:18

A cii pɛ, a lom visin saa kóndó kon kpow o fonda-loamaa-lasálàá coo. Sálà loamaa solìn le ya Mɛlɛka-o co kon ni. Sálà loamaa co kon ni, o ya tuɛi cun mì ɲɔɔ hɛnan ya-o.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Tɔŋ lasálàá 1:9

à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 2:16

O kon, vana-solia-lasálàá lom ɲɛ co le loonɔnndo a Mɛlɛka o kɔɔ-o: kpeyanndo o tiŋ, cuɛiyan matiŋ a lasikɔlɔ kon kpow. Sálà nda loam o yin le ya Mɛlɛka-o co kon ni.»

Tɔŋ lasálàá 2:2

Mò yoo vanaa-solia-lasálàá, poaa Aarɔn-nda ɲɛm mun. Mì vana-solia-lasálàá pilɛ ɲɔla kpeyan co kon o muulianndo a cuɛiyan-ndo, mò cua vɛlɛ ansan kpow, mò lom ndu latulu o fonda-loamaa-lasálàá coo le loonɔnndo a ya Mɛlɛka o kɔɔ. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 2:8

Sálà toosian lende-o vana bɛnda le ya Mɛlɛka yɔngoo ni. Vana cua ndu pɛ, a yɔngu vana-solia-lasálàá, ndu kɔ kɛsi sálà kon o fonda-loamaa-lasálàá ikɛi.

Tɔŋ lasálàá 24:7

O kon, a tala ansan diandaa o polama man coo. Lasikɔlɔ kon vanin maa ɲɛ loonan nda loamnin o yin le ya Mɛlɛka-o.

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 5:12

O cua ndu pɛ, o kɔɛ a ndu o vana-solia-lasálàá lo, mì vana-solia-lasálàá ɲɔla kpeyan kon baa ca, ɲɛ loonanndo co kon ni. Mò lom ndu kpúlúká o yinnden nin o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Sálàá le hakio sɔlaa malɔɔ co kon ni.

Tɔŋ lasálàá 6:15

O poaa Aarɔn-nda tɛɛn, vana sɔlanin pɔlaa le siŋnɔnndo bolle vanaa-solia-lasálàá maa Aarɔn fuɲa nda-o, ndu bɛnda le sálà kon solio ni. Silaa co hoo le niaa le fɛɛn a fɛɛn ni. Sálà ɲɛm vaa kon bɛnda mò ŋɔɛ kpow le ya Mɛlɛka.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Kundalan 5:26

Mò kɔndu kpeyanndo baa ca, ɲɛ loonanndo co kon ni, mò lom ndu o fonda-loamaa-lasálàá coo. O cii pɛ kon, o koesi vanalanɔ kon mɛmma man.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.