Tɔŋ lasálàá 2:4 - BII BILA

⁴ Te vanndo va pɛ sálàá solio a ɲɛ o tuɛi nɛɛ loamaa bulua-o, o bɛnda mò yɔngu dɛɛ toaŋaa o toosiaa a kpeyanndo-o, kɛ o bɛnda mò vow lɛvɛnndo telen o co va dɛɛ kon toosiaa-o le. O bɛnda mò vɔɔca ndu o cuɛiyan nin, te kon te mò yɔngu dɛɛ toaŋaa toosian a lɛvɛn too, mó vow cuɛiyan lecoo.

Tɔŋ lasálàá 2:4 Iomraidhean Croise

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

Fulaa 12:8

A bɛnda mà tuɛi visin mun, mà de mun icɔl kon a bulu toosian a lɛvɛn too a á bil loloo.

Fulaa 16:31

Mí Israɛlla ke ɲɛdiaa kon diolan aa manne (kon co dimio ni aa «Yɛɛ nɛ co yɛ hoo?»). Ndóò velan taw a kulun tɔlɔɔ koriandre, ɲɛdiaa kalaa yeelaa maa dɛɛ nda toaŋ a lɛan-ndo.

Fulaa 29:2

a cua vɛlɛ bulu toosian a lɛvɛn too, dɛɛ toaŋaa vɔɔcan a lɛvɛn too, o vɔɔcan a cuɛiyan-ndo, fùlúfúlù lɛvɛn vownun nin too, o nda vɔɔca o cuɛiyan nin-ndo a kpeyan funguɲa n'mallo.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Esekiɛl 46:20

Mó dimul-la aa: ‹O fondaa ho vanaa-solia-lasálàá vanin visin sálà bɛɛndiaa isɔɔ a visin sálà co le hakio sɔlaa malɔɔ-on yawvo ni, lon koni nda vanin vɛlɛ sálàla ɲɛm-vaalan yawvo ni, vana fulanin a mun o bɛ́ɛ̀ co lekɔɔli-o nin mì vanaa tɔ̀a pilan mun te.›

Tɔŋ lasálàá 1:11

Mo kelu ndu bololan o fonda-loamaa-lasálàá a maluaŋ, Mɛlɛka o hɔl. O kon, vanaa-solia-lasálàá, poaa Aarɔn-nda balu koovan fasaŋiaa o kpengun fonda-loamaa-lasálàá coo pindo.

Tɔŋ lasálàá 10:12

Mí Moise dimul Aarɔn a poaa ndɔa ŋiɔŋaa lo yoomu-a, Eleasar nda Itamar aa: «La cii pɛ sálà fula o ɲɛm vaan nin-ndo soli, mì la lom o co le lomɔɔ o yinnden nin le Mɛlɛka-o, la cua kpeyan tɔ̀ lonin-ndo, la de ndu o fonda-loamaa-lasálàá ikɛi. Kɛ la va ndu pɛ toosiaa, la vow lɛvɛnndo lenin te. Kani ɲɛdiaa diandaa-diandaa co kon ni.

Tɔŋ lasálàá 6:17

Mí Mɛlɛka soaa o Moise lo, mó dimul ndu aa:

Tɔŋ lasálàá 7:12

te vanndo soli pɛ sálà vaa lende a ya Mɛlɛka balikaa mello latulu, o bɛnda mò hin a dɛɛ toaŋaa nda vɔɔca kpeyan ndɔɔ o cuɛiyan nin-ndo, kɛ a bɛnda ma vow lɛvɛnndo lenin te, a fùlúfúlù nda muulian toosiaa a cuɛiyan-ndo, a kpeyan nda toŋ dɛɛ ndɔɔ o kpɛɛnɛi nin-ndo.

Kundalan 6:15

Mò hin vɛlɛ a kambɛi bulu toosian a lɛvɛn too co nin-ndo, bulu nda lom a kpeyan nda vɔɔca o cuɛiyan nin-ndo, a fùlúfúlù nda linda a cuɛiyan-ndo, a sálàla kpeyanndan a á sálàla mamɔila co le dɛnɛ kon-ndan.

Matie 26:38

O kon mó dimul nda aa: «Kɔl nuu sanga háá pɛɛngu piɔ́mndo, la lo pɔɔ nanu, mì la va lahɔl a ya latulu.»

Nsaŋ 12:27

«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

1Piɛr 2:22

Ndu tosa haki loo, ndu sɔɛi fula o sondo le vana hui loo,