Tɔŋ lasálàá 2:16 - BII BILA

¹⁶ O kon, vana-solia-lasálàá lom ɲɛ co le loonɔnndo a Mɛlɛka o kɔɔ-o: kpeyanndo o tiŋ, cuɛiyan matiŋ a lasikɔlɔ kon kpow. Sálà nda loam o yin le ya Mɛlɛka-o co kon ni.»

Tɔŋ lasálàá 2:16 Iomraidhean Croise

Condii lisai 141:2

Màá piɛile nilen le hel o nɔm ndo sakpo mɛɛ kumii ansan i hel nuaa yɛ, mì bala ya co heeloo lan la siŋnun maa sálà solin a paale delaalen-ndo!

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Tɔŋ lasálàá 1:9

à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 2:12

Te o va pɛ ɲɛm tasen fula o vaala niaalan a o baalala niaalan nin-ndon, la nɔla mì la hin a mun o ya Mɛlɛka lo, kɛ vana lum mun o fonda-loamaa-lasálàá coo maa sálàla cuɛima cun kɛndɛlan te.

Tɔŋ lasálàá 2:14

Taa yeema pɛ le ya Mɛlɛka sálàá solullo a ɲɛm tasen n kow-von, a bɛnda ma yɔngu ya yasala n toŋ o yin má cui lan-ndan.

Tɔŋ lasálàá 2:15

A bɛnda ma vow cuɛiyan lecoo, ma kɛsi vɛlɛ ansan lecoo. Sálà fula o ɲɛm vaan nin-ndo co kon ni.

Tɔŋ lasálàá 2:9

O kon, vana-solia-lasálàá faŋa ɲɛ co le loonɔnndo a Mɛlɛka o kɔɔ-o, o lom ndu o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.