Tɔŋ lasálàá 2:12 - BII BILA

¹² Te o va pɛ ɲɛm tasen fula o vaala niaalan a o baalala niaalan nin-ndon, la nɔla mì la hin a mun o ya Mɛlɛka lo, kɛ vana lum mun o fonda-loamaa-lasálàá coo maa sálàla cuɛima cun kɛndɛlan te.

Tɔŋ lasálàá 2:12 Iomraidhean Croise

O Kandɔɔ 23:17

O kon, mí lɛŋnde Efrɔn-nde va len Mamre ikɛi Mak-pela len, buulula va lenin-ndan, yɔmii va o lɛŋnde len coo-e a lɛŋii balu ndi-e kpow

2Dɛnnda lemasalan 31:5

Sɔɛi ken diminndo dɔ́ɔ́, mí Israɛlla yɔngu ɲɛm tasen nda sɔla o tɔlɔɔlan nin-ndon taw: maalon, mɔiyan, cuɛiyan, lɛan a ɲɛm vaan celen. Má hun vɛlɛ a o-tɔ́ndɔ ɲɛ-ɲɛ ndáà sɔla kpow.

Fulaa 22:29

La bɛnda vɛlɛ mì la yɔngu ya cɔlua piaandua tasea cɔlua niaa koam-nda: nawva, saa a cuinnda. Te kalaa ndaa kom nda pɛ, a bɛnda mà lo nda ikɛi háá palɛi ndii ŋɔmmɛw. Kɛ o paale ŋɔmaandɔlen coo, la bɛnda mì la yɔngu ya nda.

Fulaa 23:19

La bɛnda mì la kɔɛ a ɲɛm tasen niaa koawnin o ciɛɔn niaan nin-ndon o Cɛi-Mɛlɛka Hala niaa nin. La yaw cuin cuaa o mɛɛma kala ndɔan nin te.»

Fulaa 34:22

La tosa kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa kafo lakùùo.

Tɔŋ lasálàá 23:10

«Soo o Israɛlla lo ma dimul nda aa: ‹Te la tiiya pɛ o lɛŋnde ya yɔngu niaa len nin, mì la kɔ va ciɛɔn niaan kovɔɔ, tumbu tase niaa co yii-o, la cua ndu, la yoo vana-solia-lasálàá.

Tɔŋ lasálàá 23:17

La va pɛ cɔnɔnndo o laniaa lo, la hin a bululan latiɔn-tiɔn le ya sálà heelunnin coo ya o hɔl-lo solullo. La bɛnda mì la toosiaa buloo a kpeyanndo kiloo leyàá, mì la vow lɛvɛnndo lecoo, mì la lom. La bɛnda mì la toosial-la bulu kon a ɲɛm tasen niaa koawnin-ndon.

Tɔŋ lasálàá 7:13

Mò yɔngu vɛlɛ sálà ɲɛm vaa a dɛɛ toaŋaa nda toosiaa a lɛvɛnndo-o. O kon, a soli ndu a sálà kɔlɲuloo latulu a balikaa malɔɔ.

Kundalan 15:20

Te la va pɛ bulu niaa lomɔɔ, la bɛnda mì la faŋa kpungbɛi tasei niaa loam-nde mɛɛ vana faŋa tumbu tasoo o ɲɛm koavan coo yɛ, mì la solul-la kpungbɛi ken sálà.

Kundalan 18:12

I yɔngu nɔm vɛlɛ ɲɛm tasen nda yɔngunin ya o cuɛiyan nin, o mɔima yɛngian nin a o ɲɛm koavan nin-ndon,

1Korɛntea 15:20

Kɛ nihau, Krista tendul, ndu yɔŋnun vana tasoo fulaa vanvílɛ́iya tɛɛn ni.

Tɔŋ miingua 26:10

Lelan Mɛlɛka, sisa tofa vɔ mɛɛ ya cuu nɔm kɔmnde tasele ya sɔla o tɔlɔɔlan nin-nden yɛ, tɔlɔɔla ya tɔl o lɛŋnde n ke ya len coo lan pɛɛn.› O kon, o kɛsi ɲɛm mun Mɛlɛka Hala ndɔɔ o hɔl, o baŋ vulan ndu o labɛngunin le ndu biiloo.

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.