Tɔŋ lasálàá 2:11 - BII BILA

¹¹ Kpeyan niaa hun o ya Mɛlɛka lo le ya sálàá solullo-o kpow, la bɛnda mì la toosiaa ndu a lɛvɛnndo le, kani kpeyan niaa co Mɛlɛka sálàá solullo, mì la va ndu lomɔɔ o yin-ndo bɛnda mò toosian a lɛvɛnndo, te kon te a lɛan te.

Tɔŋ lasálàá 2:11 Iomraidhean Croise

Fulaa 23:18

La hun a bulu toosian a lɛvɛnndo-o telen niaa co va ya sálàla n'cɔlulan solullo-o le. La mándà cuɛima cɔlua nda co ya sálàlan solullo o kafola nilan coo-a-an háá diimandɔɔ idiiyo le.

Fulaa 29:25

A cii pɛ faleŋii ken tosa, a bii mun nda o ba, a lom mun o yin o sálà loamaa co o fonda-loamaa-lasálàá coo-o coo, haliko mi tuei cun ndɔ kɛndɔɔ. Sálà ŋɔa o yin le ya Mɛlɛka-o co kon ni, o ya tuɛi cun mì ɲɔɔ hɛnan ya-o.

Fulaa 34:25

La sólùl-la sálàla n'cɔlulan a bulu toosian a lɛvɛnndo-o latulu le. La mándà visin cɔlu kafo-hiavaa-coo háá diimandɔɔ idiiyo le.

Talelan 24:13

Po nuu sei! Dio lɛan, ma naŋ bɔɔ! Vaa malɛɔ yeelanin nɔm o sondo.

Talelan 25:16

Taa saalun pɛ lɛan, a dio man tùúlen, yɔŋii n hiw man dioo ma kuisi man.

Talelan 25:27

O niŋ mì vana hiw lɛan dio le. O niŋ vɛlɛ mì vana hiw bɛɛlen nuwviaa le.

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 6:10

A bɛnda mà toosiaa ndu a lɛvɛnndo le few, kani o sálàla kei o yinnden nin le ya Mɛlɛka lan nin, ɲɛ ya yɔngu nda-o co kon ni. Ɲɛ diandaa-diandaa co kon ni, maa ɲɛ nda sɔlà o sálàá co le hakio sɔlaa malɔɔ-o nin a o sálà bɛɛndiaa isɔɔ nin-ndo koni.

Matie 16:6

Mí Yeesu dimul nda aa: «La mandan a lɛvɛn Faliisia a Sadusea!»

Marke 8:15

Mí Yeesu dimul nda aa: «La mandan a lɛvɛn Faliisia a á lɛvɛn Herɔde-o.»

Luke 12:1

O telen kon mí vannda taw a cuungian háá ma va nɛwvanndo. Mí Yeesu kandu sɔɛi o kaandeŋaa ndɔa lo, mó dimul nda aa: «La mandan a lɛvɛn Faliisia, sɔɔn muluanndon pɛɛn.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Kalatea 5:9

Lɛvɛnndo ɲɛ-pɔmbɔ cobe mò heelu dɛɔ kpow.

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.