Tɔŋ lasálàá 2:10 - BII BILA

¹⁰ Ɲɛ tɔ̀ lonin-ndo vànin le Aarɔn nda poaa ndɔa. Ɲɛ diandaa-diandaa pila ɲɛ tɔ̀ kon co ni, kani o sálà nda solul Mɛlɛka o yinnden nin-ndo nin o fula ni.

Tɔŋ lasálàá 2:10 Iomraidhean Croise

2Dɛnnda lemasalan 31:14

Kore, po Yimna va leviinɔɔ-o, ó va kpalilnɔɔ o dio luɛyaa va a ba paalen le can-ndo-o va ɲɛm-kéan vannda va Hala yɔngoo a yeemɛi ndɛi-yon hɔlla landɔɔ coo ni. Ndu va vɛlɛ ɲɛm-kéan diandan va siŋnɔnndo teengen le Mɛlɛka-on a ɲɛm celen piɔwvo ni.

Ɛsdras 2:63

O kon mí masa ibungaa kuuna nda le ɲɛm diandan dioo háá lɔ́ɔ́ vana-solia-lasálàá ɲunanin Mɛlɛka o siondei malɔɔ a o urim a tumim tofaa nin-ndo.

Esekiɛl 44:29

A ɲɛm nda vanin baloo dɔwnɔnndo-on co mun ni: sálàla ɲɛm-vaalan, sálà co le hakio sɔlaa malɔɔ-o a sálàla-bɛɛndiaa-isɔɔlan, handɔɔ o ɲɛm mun coo, ɲɛ-ɲɛ solinnin sálà (le Mɛlɛka) o lɛŋnde Israɛl-ten nin, kon bɛɛ vanin le nda.

Esekiɛl 46:20

Mó dimul-la aa: ‹O fondaa ho vanaa-solia-lasálàá vanin visin sálà bɛɛndiaa isɔɔ a visin sálà co le hakio sɔlaa malɔɔ-on yawvo ni, lon koni nda vanin vɛlɛ sálàla ɲɛm-vaalan yawvo ni, vana fulanin a mun o bɛ́ɛ̀ co lekɔɔli-o nin mì vanaa tɔ̀a pilan mun te.›

Tɔŋ lasálàá 10:12

Mí Moise dimul Aarɔn a poaa ndɔa ŋiɔŋaa lo yoomu-a, Eleasar nda Itamar aa: «La cii pɛ sálà fula o ɲɛm vaan nin-ndo soli, mì la lom o co le lomɔɔ o yinnden nin le Mɛlɛka-o, la cua kpeyan tɔ̀ lonin-ndo, la de ndu o fonda-loamaa-lasálàá ikɛi. Kɛ la va ndu pɛ toosiaa, la vow lɛvɛnndo lenin te. Kani ɲɛdiaa diandaa-diandaa co kon ni.

Tɔŋ lasálàá 14:13

Kon cuu pɛ, o kelu saa téndé kalaa bololan o fonda nda kialu cɔlua co le sálà co le hakio sɔlaa malɔɔ-o-a a cɔlua co le sálà loamaa-a bololan-nda, nɛɛ diandaa pum. Kani cɔlu sálà bɛɛndiaa isɔɔ a cɔlu sálà co le hakio sɔlaa malɔɔ-o, le vana-solia-lasálàá nda co ni, ɲɛ diandaa-diandaa kɛsin le nda-o co kon ni.

Tɔŋ lasálàá 2:3

Ɲɛ tɔ̀ lonin o sálà ɲɛm vaa kon nin-ndo vànin le Aarɔn nda poaa ndɔa. Ɲɛ diandaa-diandaa pila ɲɛ tɔ̀ kon co ni, kani o sálà nda solul Mɛlɛka o yinnden nin-ndo nin o fula ni.

Tɔŋ lasálàá 21:22

O tiwba mò de ɲɛm solin sálà le ya Mɛlɛka-on, o va ɲɛm dian diandaa-diandan, o va ɲɛm dian diandan.

Tɔŋ lasálàá 5:13

Lende vana-solia-lasálàá bɛnda ni mo tosa faleŋii baŋannde vana kon coo le haki o tosa-o. O kon Mɛlɛka mal ndu haki. Ɲɛ tɔ̀ lonin-ndo vànin le vana-solia-lasálàá mɛɛ o tosan a sálàla ɲɛm-vaalan yɛ.»

Tɔŋ lasálàá 6:16

Kani vana-solia-lasálàá yɔngu pɛ ɲɛm vaan le sálàá solio, sálà kon bɛnda mò dennun te, o bɛnda mò ŋɔɛ kpow o yin.»

Tɔŋ lasálàá 6:23

Kɛ nduyɛ, taa luɛi nin pɛ a kooma cɔlu co le sálàá le hakio sɔlaa malɔɔ-o-an o cɛi-kola-toandaa-labɔɔŋianndo nin, mà tosa faleŋii malaa haki-e a man o Cɛi-Diandaa kon nin, vana bɛnda lɛ ma de visin cɔlu kon te, n bɛnda mì n ŋɔɛ kpúlúká o yin.›»

Tɔŋ lasálàá 6:9

Mì Aarɔn nda poaa ndɔa de ɲɛ tɔ̀ lonin-ndo, mà de ndu nɛɛ diandaa pum, o bɛ́ɛ̀ Cɛi-Diandaa nin. Kɛ a va pɛ ndu toosiaa le dioo, a bɛnda mà vow lɛvɛnndo le.

Tɔŋ lasálàá 7:7

Tɔŋnda co le sálà bɛɛndiaa isɔɔ lan, lan koni la co le sálà co le hakio sɔlaa malɔɔ-o ni, faleŋun pilɔn kpé. Vana-solia-lasálà simnin sɔɔn laci mò tosa faleŋii malaa hakiei-yo, ndu nɔnin visin cɔlu sálà kon ni.»

Kundalan 18:9

Ɲɛ n bɛnda le sɔlaa o sálàla diandaa-diandaalan nin-ndo vanin hoo ni: a cii pɛ o nda bɛnda le ya yɔngoo o sálàla ɲɛm-vaalan kpow nin, o sálàla co le hakio sɔlaa malɔɔ lan kpow nin a o sálàla-bɛɛndiaa-isɔɔlan kpow nin-ndo faŋa, ɲɛ tɔ̀ co lo-o, ó lumnunnin o yin too, nɔm nɔ ɲɛm diandaa-diandan mun niaa poaa nɔmnda ni.

1Samiɛl 2:28

A sina maa o yungula yɛ́-yɛ́la Israɛlla tɛɛn kpow, fuɲa nɔm imamaa Aarɔn yáà hɛli ni, mó va vana-solia-lasálà nuu, haliko mi ndóò va sálàlan solio o fonda-loamaa-lasálà nuu coo le ansan lomɔɔ a le ya ɲunaa o sɔɔn nin. Nda poaa ndɔa yáà ke vɛlɛ ɲɛm Israɛlla va sálàlan solio-on n'pum ni.