Tɔŋ lasálàá 2:1 - BII BILA

¹ «Te vanndo va pɛ hunɔɔ o Mɛlɛka lo a ɲɛm vaan le ndu sálàá solullo, o bɛnda mò cua kpeyanndo, mò dɔw cuɛima olivean lecoo, mò handu vɛlɛ ansan lecoo.

Tɔŋ lasálàá 2:1 Iomraidhean Croise

Fulaa 29:2

a cua vɛlɛ bulu toosian a lɛvɛn too, dɛɛ toaŋaa vɔɔcan a lɛvɛn too, o vɔɔcan a cuɛiyan-ndo, fùlúfúlù lɛvɛn vownun nin too, o nda vɔɔca o cuɛiyan nin-ndo a kpeyan funguɲa n'mallo.

Esai 43:23

La solul-la sálàla loamaalan a saa téndéa niaa le. La ke ya lebɛɛ a sálàla niaalan te. I hiiluu niaa kɔl le ya sálàlan solullo kangalan te. I pala niaa a kpɛlɛkpɛlɛ le ya ansan lumndo le.

Esai 66:20

O kon kɔɔli, a muungunin a puapilɛa niaa co o lɛŋnden nin vanaa-mangalaa-isɔɔa tɛɛn-nda nanu o soa coo, o ɲɛla ɲaanannda soa nan-ndan coo, o kutukutula nɔ kuulen lecoo lan coo, o milɛɛa coo a o ɲɔɔmɛɛa coo, mà heelu nda o pembii nii diandɛi coo Yerusalɛm. Mɛlɛka soo lende ni. A hunnin a nda maa mɛɛ cuavaa Israɛlla a hun a kpeyan sálà ndaa, o bonyii diandɛi nin o Cɛi-Mɛlɛka-o nin yɛ.

Esekiɛl 46:20

Mó dimul-la aa: ‹O fondaa ho vanaa-solia-lasálàá vanin visin sálà bɛɛndiaa isɔɔ a visin sálà co le hakio sɔlaa malɔɔ-on yawvo ni, lon koni nda vanin vɛlɛ sálàla ɲɛm-vaalan yawvo ni, vana fulanin a mun o bɛ́ɛ̀ co lekɔɔli-o nin mì vanaa tɔ̀a pilan mun te.›

Yɔɛl 1:9

Sálà kpeyanndo a sálà mamɔiyo co lɛ solin o Cɛi-Mɛlɛka-o nin te. Lelan, vanaa nia baalaa, a co vanaa-solia-lasálàá-a co o mɔnɛi nin taw.

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Tɔŋ lasálàá 14:10

O paale ŋɔmaandɔlen, o bii saa kóndóa téndéa nɔ lenamta le-a nda ŋiɔn, saa téndé laandu nɔ lenamta loo, o nɔ vɔsio pilɛ-o, kpeyan vɔɔcan a cuɛiyan-ndo kiloo leŋɔmahiɔɔlu, a cuɛiyan litili táláá.

Tɔŋ lasálàá 24:7

O kon, a tala ansan diandaa o polama man coo. Lasikɔlɔ kon vanin maa ɲɛ loonan nda loamnin o yin le ya Mɛlɛka-o.

Tɔŋ lasálàá 5:11

Te vana kon nɔ vɛlɛ se le piinda nda ŋiɔn, te kon te kangboa nda ŋiɔn sɔlaa le, o yɔngu kpeyanndo kiloo leyàá le sálàá le hakio sɔlaa malɔɔ. O bɛnda mò vow cuɛiyan lecoo le, o bɛnda vɛlɛ mo kɛsi ansan lecoo le, kani sálàá le hakio sɔlaa malɔɔ co kon ni.

Tɔŋ lasálàá 6:7

«Nuaa nda bɛnda le sálàla ɲɛm-vaalan solio ni: poaa Aarɔn-nda bɛnda ni mà cɔm Mɛlɛka sálà ɲɛm vaa kon o fonda-loamaa-lasálàá hɔl-ndɔ.

Tɔŋ lasálàá 9:17

Mó hun vɛlɛ a sálà ɲɛm vaa, mó ɲɔla kpeyanndo baa ca, mó loam ndu o fonda-loamaa-lasálàá coo handɔɔ o sálà loamaa solin idii-o coo.

Tɔŋ lasálàá 9:4

Mì la bii vɛlɛ naw tovaa a saa kóndóó le sálà kɔlɲuloo solio, mì la cɔm Mɛlɛka nda latulu a kpeyan vɔɔcan a cuɛiyan-ndo. Kani paalen nden hau, Mɛlɛka co niaa cɔmnɔn.›»

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Kundalan 18:9

Ɲɛ n bɛnda le sɔlaa o sálàla diandaa-diandaalan nin-ndo vanin hoo ni: a cii pɛ o nda bɛnda le ya yɔngoo o sálàla ɲɛm-vaalan kpow nin, o sálàla co le hakio sɔlaa malɔɔ lan kpow nin a o sálàla-bɛɛndiaa-isɔɔlan kpow nin-ndo faŋa, ɲɛ tɔ̀ co lo-o, ó lumnunnin o yin too, nɔm nɔ ɲɛm diandaa-diandan mun niaa poaa nɔmnda ni.

Kundalan 28:5

Mì la handu dɛɔ kiloo leyàá le saa téndé oo saa téndé, dɛɛ nda vɔɔca o cuɛima olivema sɛnɛiyan litilio o pilɛ a tálá-an nin-ndo.

Kundalan 29:18

Mì la soli nda sálàá a kpeyanndo, a mɔima bɛnda le navaa tovaa kan, saa kóndóa kan a saa téndéa kan-ndan, mɛɛ nda co sɛ́lɛ́ yɛ. Mì la tosa a sálàla lan mɛɛ tɔŋndo dimi yɛ.

Kundalan 8:8

Mà bii naw tova téndóó a sálà co le solio latulu a ndu-o, a dɛɛ nda vɔɔca o cuɛiyan nin-ndo, mì nɔm Moise bii naw tova diinndɔɔ le sálà co le hakio sɔlaa malɔɔ-o solio.

Nsaŋ 6:35

Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.

1Nsaŋ 2:20

Niaa niaa, la cii Kɔl-Diandaa sɔla fulaa Krista o ba, niaa kpow la sínà toɲaa.

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

Yude 1:20

Kɛ niaa caaŋaa nia hɛnan ya-a, la hiow laci a simndan yili o laalan niaa diandaa nin, la piɛi a kpaaya Hala Kɔl-Diandaa.

Dɛnnda cɔɔmuanndan 8:3

Mí mɛlɛkanɔ celen hun sim o fonda-loamaa-lasálàá coo, bonyii fuusɛi toosian a sianion-nde va ndu o ba. Má ke ndu ansan taw le ndu lomɔɔ, a piɛile vanaa diandaa kpow o fonda-loamaa-lasálàá n'sianio o kpɛŋɛ lemasaa hɔl-ndɔ.