Tɔŋ lasálàá 19:3 - BII BILA

³ Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Tɔŋ lasálàá 19:3 Iomraidhean Croise

O Kandɔɔ 48:12

Mí Yosɛf cua poaa ndɔa ŋiɔnda fuɲa ndɔ o vulan tɛɛn, mó baŋ vulan ndu o labɛngunin.

Nehemi 9:14

Má viam Moise vana nɔm baalaa, mó cɔm nda paale nɔmnde pɛngiaale diandaalen, o kon má pɛɛku nda sɔɔn a tɔŋnda celen.

Fulaa 16:29

La sina maa ya Mɛlɛka, i yɔngu niaa paalen le pɛngio, lelan ya yɔngu niaa ɲɛdiaa le palɛi ndii ŋiin o paale ŋɔmpumndɔlen coo ni. Le hee, o paale ŋɔmmɛwndɔlen coo, vana-vana bɛnda mò lo o cɛi-kola-toandaa ndɔɔ nin, vana-vana bɛnda mò fula o ndu lo le.»

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

Fulaa 20:8

La loonun a paale pɛngiaalen mì la ce len maa lediandaalen le co ni.

Fulaa 21:15

Te vanndo lɔɔ pɛ fuɲa ndɔ, te kon te kala ndɔ, vana kon bɛnda mò sɔla piɔ́mndo.

Fulaa 21:17

Te vanndo mɛna pɛ fuɲa ndɔ, te kon te kala ndɔ, vana mɛna kon-ndo bɛnda mò sɔla piɔ́mndo.»

Talelan 1:8

«Po nuu sei! Yaŋ nilan o pɛɛkula fuɲa nɔmndan, kɛɛ silala kala nɔmndan te.

Talelan 23:22

Yaŋ fuɲa nɔm nilan, ndu velun nɔm ni. Kialun kala nɔm yii le, hali o yuuva bɛɛ.

Talelan 30:11

Vanaa pum mɛnaa nda mɛna fuɲaa ndaa ni, à dimi vɛlɛ sɔɔn kɛndɛ a kalaa velu nda-a le.

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Esai 58:13

Te la bii pɛ pelun niaan, mì la kela o paale pɛngiaalen coo le, te la tosa hɛnan niaa o paale nile diandaalen coo le, te la ce pɛ paale pɛngiaalen maa paale yeelɛilen, paale diandaale Mɛlɛka len a paale sɔvɛlen le co ni. Te la ke pɛ paale len bɛɛlen, mì la kela o nɛila niaalan coo le, mì la tosa dɛnndan mɛɛ niaa hɛnan yɛ le, mì la luei sondoo o tombola fondo-fondoo nin te,

Esekiɛl 20:12

Mí yɔngu nda vɛlɛ palɛi pɛngiɛi nii, mí palɛi ken siŋnun tɔɔmaseloo naa tɛɛn naa ndaa, haliko mi ndáà sina maa ya co Mɛlɛka dindi nda-o ni.

Tɔŋ lasálàá 11:44

Kani ya co Mɛlɛka ni, Hala niaa pɛɛn. Lelan la dindin few, mì la va vanaa diandaa, kani o diandaa ya co ni. Le hee, la síŋnùn vanaa nɔɔlɛiya a ɲaa huulaa a visia pɔmbɔa sasun lɛŋ-nda o kɔɔ le.

Tɔŋ lasálàá 19:25

Kandɔɔ nin o vɔsi ŋuɛɛnundɔɔ, la nɔla mì la kɛndu kɔmnde len le niaa pila, mì la de. Te la tosa pɛ lende, tɔlɔɔla niaalan la kom kɔmnden pila, la vangalan. Ya co Mɛlɛka ni, Hala niaa pɛɛn.

Tɔŋ lasálàá 19:30

La bii paale pɛngiaalen mì la yɔngu len bɛɛlen. La yɔngu cɛi ni diandaa bɛɛlen. Ya co Mɛlɛka ni.

Tɔŋ lasálàá 19:31

La sɔ́ɔ́nguu vanaa soaa a vanvílɛ́iya-a ikɛi le, la sɔ́ɔ́nguu vanaa mangalaa ikɛi le, yɔŋii niaa nɔɔlian maa nda. Ya co Mɛlɛka ni, Hala niaa pɛɛn.

Tɔŋ lasálàá 19:34

Kɛ la bíí ndu mɛɛ niaa bii Israɛlaa pilacieea yɛ, la kaola ndu maa niaa pila. Kani niaa bɛɛ, mialla niaa yɔŋnun o lɛŋnde Esipte len nin ni. La loonun a ken. Ya co Mɛlɛka ni, Hala niaa pɛɛn.

Tɔŋ lasálàá 23:3

La nɔ palɛi ndii ŋɔmpum o lɔ́ɔ́ bɛngu le baalala niaalan kpow tosaa, kɛ paale ŋɔmmɛwndɔlen, paale pɛngiaalen le co ni. Paale len ya hɛli mí toosiaa le pɛngio ni. La bɛnda mì la cuungian le bɔŋan diandaa tosaa le ya biiloo. Fonda oo fonda niaa va pɛ icali, la bɛnda mì la tosa ɲinkon baala oo baala le, paale pɛngiaalen le co len le ya Mɛlɛka ni. La bɛnda mì la bii paale len.

Tɔŋ lasálàá 26:2

La bii palɛi nii pɛngiɛi, mì le ke cɛi ni diandaa bɛɛlen. Ya co Mɛlɛka ni.»

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Tɔŋ miingua 27:16

Màá dangaa va vana tɛɛndan fuɲa ndɔ a kala ndɔ-o coo! Vannda kpow a cɛlnin aa: ‹Amiina!›

Tɔŋ miingua 5:16

La ke fuɲaa niaa a kalaa niaa bɛɛlen maa mɛɛ Mɛlɛka Hala niaa dimul niaa le tosaa yɛ, haliko mi la viow yoomu, mì la sɔla dɛnɛ kɛndɔɔ o lɛŋnde Mɛlɛka Hala niaa co niaa yɔngu len nin.

Hebreea 12:9

Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?