Tɔŋ lasálàá 13:6 - BII BILA

⁶ Te palɛi ken cuu pɛ, o mɛɛndian ndu o paale ŋɔmmɛwndɔlen coo. Te sɔŋ kon kandu pɛ ɲumndo, mò hiw laci a pɛngɛlanndo le, vana-solia-lasálàá dimi aa vana diandaa vana kon co ni, aa tafiei kínɛí fula ndu ni. O kon, vana kon tɔɔ volɔɔla ndɔla cuɛinanndan, o dendu.

Tɔŋ lasálàá 13:6 Iomraidhean Croise

1Masaa 8:38

te vana pilɛ, te kon te Israɛlaa tɔ̀a kpow a solul pɛ nɔm diomndan o piɛilen nin le nɔm tɛɛlɔnndo, te vana-vana sina pɛ yɔŋ ndɔ vɔɔndo o kɔl ndɔɔ nin, mò muli hɔlla a ba Cɛiyo ho, mo heelu balan, mò piɛi nɔm,

1Masaa 8:45

tuei nda diom ma mulul nda nɛɛ n co o halataala-a, ma cɛn ma sim le nda.

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

Talelan 20:9

Nɛ̀ɛ́ tiw yɛ ba mò dimi aa: «I dindi kɔl nuu valan, i dendu, haki oo haki co ya le»?

Vana Kɔlkaloo 7:20

Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Esai 42:3

O yimnin tinale co nin le nangan-nden ndo le, o ɲuminin salabaa fitina co nin le ɲumndo-o le. O cɔmnin vannda dɛnɛ sandaa mɛɛ toɲaa co yɛ, le vanaa co o dɛnɛ palaa nin-nda malaa.

Tɔŋ lasálàá 11:25

Nduyɛ vana-vana cua pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò dindi lan, a vɛlɛ mò lo o nɔɔlɛiyo háá icɔllo.

Tɔŋ lasálàá 11:28

Nduyɛ, vana-vana cua pɛ visi vaa lende o vílɛ́iyo, mò kɔɛ a ndu, o bɛnda mò tɔɔ volɔɔla ndɔla cuɛinanndan, mò dindi lan, mò lo o nɔɔlɛiyo háá icɔllo. La cɔ nda maa visia nɔɔlɛiya nda co ni.

Tɔŋ lasálàá 11:40

Vana de pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò lo o nɔɔlɛiyo háá icɔllo. Vana cua vɛlɛ pɛ ndu mò kɔɛ a ndu, vana kon bɛnda mò tɔɔ volɔɔla ndɔla cuɛinanndan, mò lo o nɔɔlɛiyo háá icɔllo.

Tɔŋ lasálàá 13:2

«Te kpukpuei, tafiei, te kon te sɔŋndo pum fula pɛ vanndo lekɔɔ, mò va le siŋnɔnndo maa paw nàà siaŋaa, à bɛnda mà kɔɛ a vana kon o Aarɔn vana-solia-lasálàá lo, te kon te o poaa ndɔa o pilɛ lo, vanaa-solia-lasálàá pɛɛn.

Tɔŋ lasálàá 13:5

O kon, o mɛɛndian ndu o paale ŋɔmmɛwndɔlen coo. Te pawvo hiw laci a dioo le, o faŋa vɛlɛ ndu caanda coo faŋa diinndɔɔ, o ven ndu vɛlɛ o palɛi ndii ŋɔmmɛw bɛngu.

Tɔŋ lasálàá 13:7

Kɛ te o cii nin pɛ vana-solia-lasálàá cɔmnɔn, mì vana-solia-lasálàá dimi aa vana kon dendu, o kon kɔɔli mì tafiei kɔ hiow laci a dioo, o bɛnda mò muungu vɛlɛ o vana-solia-lasálàá lo,

Tɔŋ lasálàá 14:8

O kon, vana co dindinndo-o tɔɔ volɔɔla ndɔla cuɛinanndan, o sendi yiiŋii o nɔ nɛɛ-nɛɛ ka-e, o pulun a mɛnndan cɛ́kɛ́lɛ́, o dendu Mɛlɛka o hɔl. Te kon cuu pɛ, o muungu o dɔ́ɔ́ngɔ́ɔ̀ nin, kɛ o bɛnda mò tosa palɛi ndii ŋɔmmɛw o luei o cɛi-kola-toandaa ndɔɔ nin te.

Rɔmnda 14:1

La bii vana nɔ laalan bɔɔ loo, o va a yiyannda ndɔlan sɛɛngiaa le.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Tɔŋ miingua 32:5

Hali vanndacieea nda laasian bɛɛ nuaa, ndu Hala, o nɔ dɛnɛ vɔɔn te few! Le laasian nda laasian-ndo, à co lɛ cuavaa ndɔ le. À cuu lɔngɔlian má tambu labɛɛ!

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.