Tɔŋ lasálàá 13:5 - BII BILA

⁵ O kon, o mɛɛndian ndu o paale ŋɔmmɛwndɔlen coo. Te pawvo hiw laci a dioo le, o faŋa vɛlɛ ndu caanda coo faŋa diinndɔɔ, o ven ndu vɛlɛ o palɛi ndii ŋɔmmɛw bɛngu.

Tɔŋ lasálàá 13:5 Iomraidhean Croise

Fulaa 29:30

O poaa ndu Aarɔn-nda tɛɛn, po lonin bolle vanaa-solia-lasálàá o fonda ndɔɔ, mò luɛi o cɛi-kola-toandaa-labɔɔŋianndo nin le sálàá solio o Fonda-Diandaa nin-ndo bɛnda ni mo vownun ndan, mì la lo ndu lekɔɔ háá palɛi ndii ŋɔmmɛw.

Tɔŋ lasálàá 13:4

Kɛ te sɔŋndo va pɛ o humbu, mò cii yáwvo a townɔnndo le, mì yiiŋii co o paw kalaa nin-nde muungu ihumbu le, vana-solia-lasálàá faŋa vana kon caanda coo, o ven ndu nɛɛ pum ndu pilɛ o palɛi ndii ŋɔmmɛw bɛngu.

Tɔŋ lasálàá 13:6

Te palɛi ken cuu pɛ, o mɛɛndian ndu o paale ŋɔmmɛwndɔlen coo. Te sɔŋ kon kandu pɛ ɲumndo, mò hiw laci a pɛngɛlanndo le, vana-solia-lasálàá dimi aa vana diandaa vana kon co ni, aa tafiei kínɛí fula ndu ni. O kon, vana kon tɔɔ volɔɔla ndɔla cuɛinanndan, o dendu.

Tɔŋ lasálàá 14:8

O kon, vana co dindinndo-o tɔɔ volɔɔla ndɔla cuɛinanndan, o sendi yiiŋii o nɔ nɛɛ-nɛɛ ka-e, o pulun a mɛnndan cɛ́kɛ́lɛ́, o dendu Mɛlɛka o hɔl. Te kon cuu pɛ, o muungu o dɔ́ɔ́ngɔ́ɔ̀ nin, kɛ o bɛnda mò tosa palɛi ndii ŋɔmmɛw o luei o cɛi-kola-toandaa ndɔɔ nin te.