Tɔŋ lasálàá 13:4 - BII BILA

⁴ Kɛ te sɔŋndo va pɛ o humbu, mò cii yáwvo a townɔnndo le, mì yiiŋii co o paw kalaa nin-nde muungu ihumbu le, vana-solia-lasálàá faŋa vana kon caanda coo, o ven ndu nɛɛ pum ndu pilɛ o palɛi ndii ŋɔmmɛw bɛngu.

Tɔŋ lasálàá 13:4 Iomraidhean Croise

Esekiɛl 44:10

Le leviaa faŋan o vali nuu nin, má kɔa ya levil telen Israɛlla va laasianndo, má mulul-la kɔɔ le kɔlan piɔmaa ndaa sooloo-a yɛ, yɔŋ vɔɔn ndaa toalnin nda coo.

Tɔŋ lasálàá 13:11

mɛɛ nàà siaŋa lɔɔlɛi fulà vana o yáwvo coo-o co kon ni. O kon, vana-solia-lasálàá dimi aa vana nɔɔlɛiyo vana kon co ni, hali mò kue lɛ bɛɛ a ndu inɛɛ le ndu mɛɛndianndo le. Kani vana kon cennun kpendekele maa vana nɔɔlɛiyo lekɛ́ndɛi o co ni.

Tɔŋ lasálàá 13:25

vana-solia-lasálàá bɛnda mò mɛɛndian ndu. Te yiiŋii co o kava kon nin-nde muungu pɛ ihumbu, mì kava kalaa hiow yáw ndɔɔ yingilaa, mɛɛ nàà siaŋaa co kon ni. Ndu soli kon kpukpon o lomnɔnndo coo ni. Vana-solia-lasálàá bɛnda mò dimi maa vana nɔɔlɛiyo vana kon co ni, kani paw nàà siaŋaa co kon ni.

Tɔŋ lasálàá 13:26

Kɛ te vana-solia-lasálàá ce pɛ maa yiiŋii humbui co o kàváá nin te, mo ce vɛlɛ maa kava kon yingila le, mì kàváá kandu ɲumndo, o faŋa ndu caanda tɛɛn, o ven ndu ndu pilɛ kpé le palɛi ndii ŋɔmmɛw.

Tɔŋ lasálàá 13:3

O kon, vana-solia-lasálàá mɛɛndian fonda ɲɛ kon fula ndu-o. Te yiiŋii co o fonda kon coo-e i muungu pɛ ihumbu, mì pawvo townun háá mò cii yáwvo, mɛɛ paw nàà siaŋaa co kon ni. Te vana-solia-lasálàá cii ndu pɛ mɛɛndian, o dimi aa vana nɔɔlɛiyo vana kon co ni.

Tɔŋ lasálàá 13:31

Kɛ te vana-solia-lasálàá ce pɛ maa tɛɛn kon tuwnun mó hiaw yáw ndɔɔ le, mò ce maa yiiŋii co lecoo-e co itiŋi le, o faŋa vana kon caanda tɛɛn, o ven ndu ndu pilɛ le palɛi ndii ŋɔmmɛw.

Tɔŋ lasálàá 13:5

O kon, o mɛɛndian ndu o paale ŋɔmmɛwndɔlen coo. Te pawvo hiw laci a dioo le, o faŋa vɛlɛ ndu caanda coo faŋa diinndɔɔ, o ven ndu vɛlɛ o palɛi ndii ŋɔmmɛw bɛngu.

Tɔŋ lasálàá 13:50

O cii pɛ sɔŋnda lan mɛɛndian, o ven volɔɔ cuɛinan sɔŋndo co kon coo-o o palɛi ndii ŋɔmmɛw bɛngu.

Tɔŋ lasálàá 14:38

o fula cɛi kalaa nin. O sim pɛ o kèédei coo, o kinda dioo le palɛi ndii ŋɔmmɛw.

Kundalan 12:14

Kɛ mí Mɛlɛka mulul ndu aa: «Te fuɲa ndɔ ndóò tufu pɛ ndu lɔlɔan o hɔl, ndóò venin a siɛmbula lan le palɛi ndii ŋɔmmɛw le? Te o co pɛ lende, mɛɛ o bɛnda mò faŋan o dɔ́ɔ́ngɔ́ɔ̀ nin le palɛi ndii ŋɔmmɛw. Te palɛi ken cuu pɛ, o muungu niko niaa tɛɛn.»

Kundalan 12:15

Le hee, má faŋa Miriam o dɔ́ɔ́ngɔ́ɔ̀ nin le palɛi ndii ŋɔmmɛw. Fɔ mó muungu nda tɛɛn malan nda puusiaa dɔ́ɔ́ngɔ́ kon le hiovɔɔ laci.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Tɔŋ miingua 13:14

Israɛlaa fondoa pum a cɛn, má luei vanaa co o kobi kon nin-nda o pɔwlan nin, má dimul nda aa: ‹N kɔ soolun halaa celeŋaa naa n sina le-a›,

1Timote 5:24

Vanaa pum a co, lɔ́ɔ́ pá mì hakila ndalan la kelun iyama, la cɔmnun vakpa. A pum yɛ, a cii nin fɔlɔn ndan iyama kiolɔɔ, malan la koma cɔmnun.