Tɔŋ lasálàá 13:3 - BII BILA

³ O kon, vana-solia-lasálàá mɛɛndian fonda ɲɛ kon fula ndu-o. Te yiiŋii co o fonda kon coo-e i muungu pɛ ihumbu, mì pawvo townun háá mò cii yáwvo, mɛɛ paw nàà siaŋaa co kon ni. Te vana-solia-lasálàá cii ndu pɛ mɛɛndian, o dimi aa vana nɔɔlɛiyo vana kon co ni.

Tɔŋ lasálàá 13:3 Iomraidhean Croise

O Kandɔɔ 13:3

O lo kɔlan o pɔm-pɔmbɔ, mó faŋan Nekɛv, mó tiiya Betɛl di. Mó hiaw nɛɛ ndóò kila paandu dɔ́ɔ́ngɔ́ ndɔɔ Betɛl a Ai tɛɛn-nda,

Esekiɛl 16:30

Kpòkóó Yerusalɛm, kɔl nɔmndo laasian bɔɔ! A tosa dɛnndan ndan kpede maa vanalanɔɔ suundɛi hiow vanlaandua kpow suundaa-o. Sɔɛi fula Maalii, o co Mɛlɛka-o o sondo-e co ken ni.

Esekiɛl 44:23

Vanaa-solia-lasálàà kan pɛɛkunin vanaa nia le yɛ́-yɛ́ɔ sinaa ɲɛ dindin le vali Mɛlɛka-o a ɲɛ co le vali Mɛlɛka loo tɛɛn, a cɔmnin nda hiyanndo ɲɛ dindu loo a ɲɛ dendu-o tɛɛn.

Osee 7:9

Mialla co kpaaya ndaa ciiyo, kɛ nda pila co o sina nin te. Yuuvɛi bii nda icanya, kɛ a co ndi bila biyɔɔ le.

Tɔŋ lasálàá 10:10

Kon tosà ni mì la sina ɲɛ kɛsin teengen le baala Mɛlɛka-o-o a ɲɛ kɛsin teengen le baala ndɔɔ loo, ɲɛ co o diandaa ndu o hɔl too a ɲɛ co o diandaa ndu o hɔl-lo,

Tɔŋ lasálàá 13:10

mì vana-solia-lasálàá mɛɛndian ndu. Te kpukpui humbuei va pɛ ndu lekɔɔ, mì yiiŋii co o kpukpui ken coo-e bɛɛ i muungu ihumbu, mì falii kiyɛiye fula a huinde lecoo,

Tɔŋ lasálàá 13:2

«Te kpukpuei, tafiei, te kon te sɔŋndo pum fula pɛ vanndo lekɔɔ, mò va le siŋnɔnndo maa paw nàà siaŋaa, à bɛnda mà kɔɛ a vana kon o Aarɔn vana-solia-lasálàá lo, te kon te o poaa ndɔa o pilɛ lo, vanaa-solia-lasálàá pɛɛn.

Tɔŋ lasálàá 13:20

O kon, vana-solia-lasálàá mɛɛndian ndu. Te o ce pɛ maa kava kon hiow yáw ndɔɔ yingilaa, mo ce maa yiiŋii co o kàváá coo-e muungu ihumbu, o dimi maa vana nɔɔlɛiyo vana kon co ni. Kani nàà siaŋaa co kon ni, ndu soli kon kpukpon o kàváá coo ni.

Tɔŋ lasálàá 13:4

Kɛ te sɔŋndo va pɛ o humbu, mò cii yáwvo a townɔnndo le, mì yiiŋii co o paw kalaa nin-nde muungu ihumbu le, vana-solia-lasálàá faŋa vana kon caanda coo, o ven ndu nɛɛ pum ndu pilɛ o palɛi ndii ŋɔmmɛw bɛngu.

Tɔŋ lasálàá 13:8

mì vana-solia-lasálàá mɛɛndian ndu vɛlɛ mɛɛndian diinndɔɔ. Te o ce pɛ maa tafiei hiow laci a dioo, o dimi aa vana kon co o nɔɔlɛiyo. Mɛɛ nàà siaŋa fúlà vana o yáwvo coo-o co kon ni.

Tɔŋ lasálàá 14:37

Te o mɛɛndian pɛ, mo ce maa sɔŋ kalaa buuluu tɛɛngun co tiŋ maa peele kiyɛi, te kon te n'siaŋa-on o cìì cɛiyo, mì tɛɛngun mun va n'toawnanndon,

Tɔŋ lasálàá 14:54

Tɔŋndo co hoo le nààla siaŋala súúla yɛ́-yɛ́la fula vana o yáwvo coo lan, le tɛɛnndan,

Tɔŋ lasálàá 5:3

Hali mì vanndo sìná le, te o pilan pɛ vanaciee co o dɛnɛ nɔɔlɛiyo nin-ndo, dɛnɛ súú-súù nɔla mo nɔɔliaa vanacieo, vana kon siŋnun vana tɛɛmbua tɔŋndo lɔ́ɔ́ o sinanin tɛɛmbuu ndɔɔ-o.

Aasee 2:11

«Nuaa Mɛlɛka-Nɔ-Kpaayaa-Kpow-vo dimi ni aa: ‹Ɲuna vanaa-solia-lasálàá mà muli sɔɛi he:

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Matie 16:19

I kenin nɔm kiin masale halataala len: ɲɛ n yii pɛ o lɛŋnden coo, ndu yiinunnin o halataala, o n timbi pɛ o lɛŋnden coo, ndu timbinnin o halataala.»

Nsaŋ 20:23

Hakila vanaa niaa malnin haki-a la malnunnin haki, la vanaa niaa melnin haki le-a la lonin nda coo.»

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Rɔmnda 7:7

Vɛɛ naa n dimi yɛnin o kon? Mò va maa hakio tɔŋndo co ni? Kɛì-kɛì bɛɛ! Kɛ tɔŋndo tosá ni mí síná hakio. Kani yáà sinanin ɲɛ co ɲɛ pilaa hɔlten fulaa-o le, te tɔŋndo ndóò dimi le aa: «Fula ɲɛ pila lehɔl te.»

1Timote 1:20

Vanaa kan a pum a co haa ni: Himene a Alɛksandre, a ya mal Setana o ba-a, haliko a pɛɛku lɛ vannda le sɔɔn tana dimio a Hala o kɔɔ le.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

Hebreea 13:7

La loonun ndɔ a simlacia niaa paandua, a tiiyal niaa sɔɛi Hala-e-a pɛɛn. Mì la dɔw mɛɛlula ndalan taasi, mì la tuula laalan ndaa.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.