Tɔŋ lasálàá 13:2 - BII BILA

² «Te kpukpuei, tafiei, te kon te sɔŋndo pum fula pɛ vanndo lekɔɔ, mò va le siŋnɔnndo maa paw nàà siaŋaa, à bɛnda mà kɔɛ a vana kon o Aarɔn vana-solia-lasálàá lo, te kon te o poaa ndɔa o pilɛ lo, vanaa-solia-lasálàá pɛɛn.

Tɔŋ lasálàá 13:2 Iomraidhean Croise

2Samiɛl 3:29

Màá sɔɛi piɔ́m ndɔɔ i va Yoab pila a yungu ndɔɔ kpow o lebol! Màá nààla kɔɔsinalan, te kon te nàà siaŋaa va vannda biyɔɔ lɔ́ɔ́-lɔ́ɔ̀ o yungu Yoab-o nin! Màá vanpiaandua o yungu kon nin a siŋnun vanaa vomulaa! Màá a va piɔ́mndo sɔlaa o mɔɔn cɔwvon bɛngu! Màá yima fofolan ma cúù nda kuee le!»

2Masaa 5:1

Naaman va bolle vanaa cɔvaa masaa Aram ni. Vana vana ndɔ bɛndoo ndóò ce ɲia taw-vo o va ni, kani a ndu Mɛlɛka kei le Aramiia kpaayaa yɔngoo le yaamɔaa ndaa nɔlaa ni. Kɛ a tɔ́ɔ́ bɛndu ndóò nɔ kon-ndo kpow, nàà siaŋaa va ndu.

2Masaa 5:27

Nàà siaŋa va Naaman-ndo co nɔm biyɔɔ a polale nɔmnden kpede, mò va niaa coo le fɛɛn a fɛɛn.» O kon, mí Kehasi faŋan Elise ikɛi, mí nàà siaŋaa fula ndu, mí kɔɔlen kpow le siŋnun ndu lehumbu fo-fo maa fengbɔ.

Esai 1:6

Kandɔɔ a bɛngu kɔllo háá o lebol, ɲɛ-ɲɛ co o kɛndɛ le: boolɔnndan, fungbulan a pawve kposon! Pavii ken sɔla pulɔɔ le, i sɔla holɔɔ le, vana cɛ́w ndi a makòó le, vana cɛ́w ndi a macuɛi le.

Esai 3:17

Ya Mɛlɛka, i co nda tembeltan sendi, mì soli nda tumnda fondo fúú!

Tɔŋ lasálàá 13:1

Mí Mɛlɛka soaa o Moise nda Aarɔn ndo, mó dimul nda aa:

Tɔŋ lasálàá 13:3

O kon, vana-solia-lasálàá mɛɛndian fonda ɲɛ kon fula ndu-o. Te yiiŋii co o fonda kon coo-e i muungu pɛ ihumbu, mì pawvo townun háá mò cii yáwvo, mɛɛ paw nàà siaŋaa co kon ni. Te vana-solia-lasálàá cii ndu pɛ mɛɛndian, o dimi aa vana nɔɔlɛiyo vana kon co ni.

Tɔŋ lasálàá 13:8

mì vana-solia-lasálàá mɛɛndian ndu vɛlɛ mɛɛndian diinndɔɔ. Te o ce pɛ maa tafiei hiow laci a dioo, o dimi aa vana kon co o nɔɔlɛiyo. Mɛɛ nàà siaŋa fúlà vana o yáwvo coo-o co kon ni.

Tɔŋ lasálàá 14:3

vana-solia-lasálàá fula o dɔ́ɔ́ngɔ́ɔ̀ kɔɔli le ndu mɛɛndianndo. Te o ce pɛ maa vana nɔ kon nàà kon-ndo sengu a nàà ndɔɔ,

Tɔŋ lasálàá 14:35

vana cɛi kon bɛnda mò kɔ dimul vana-solia-lasálàá sɔɛi ken aa: ‹I saalun sɔŋndo pum o cɛi nuu maa yul.›

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Kundalan 12:10

Mɛɛ kumnde faŋan dɔ́ɔ́ o cɛi-kola-toandaa-labɔɔŋianndo coo, mí pongan humbon fula Miriam kɔɔlen kpow maa nàà siaŋa, mí Aarɔn ca ndu a nàà vɔɔn kon.

Kundalan 12:12

I tɛɛlun nɔm. Yema naa bɛnda mò va maa cɛlɛkpɛ velun o vílɛ́iyo, mí kɔɔle ndɔlen kpengei pilɛi le va nin tilanndo telen nda velu ndu-o le.»

Matie 8:4

O kon mí Yeesu dimul ndu aa: «Dimul vana-vana ndi le, kɛ kɔ cɔmnun vanaa-solia-lasálàá, mà soli sálà Moise dimi-o, haliko mi ndu va seilen le nda.»

Marke 1:44

«Caa dɛ! Dimul vana-vana ndi le, kɛ kɔ cɔmnun vanaa-solia-lasálàá, mà tosa ɲɛ Moise sɛva le vana co maa nɔm-ndo dindio-o, haliko mi ken va seilen le nda.»

Luke 17:14

Yeesu cɔu nda, mó dimul nda aa: «La kɔ cɔmnun vanaa-solia-lasálàá.» Telen nda va kɔlan-ndo, má siangu.

Luke 5:14

O kon kɔɔli, mí Yeesu sila ndu aa: «Dimul vana-vana ɲɛ yɔŋnun-ndo le. Kɛ kɔ o vana-solia-lasálàá lo, mò mɛɛndian nɔm, mà soli sálà co le dindinndo-o mɛɛ Moise dimi yɛ, haliko mi kon va seilen le nda.»

Tɔŋ miingua 24:8

«La mandan a nàà siaŋaa taw, mì la bii silala leviaa-solia-lasálàá yɔngunin niaa lan, mì la bii tɔŋnda ya yɔngunin nda le niaa tɛɛngullo lan.

Tɔŋ miingua 28:27

Mɛlɛka tuisinin piɔŋndan niaa coo mɛɛ o tuisi Esiptea lan coo yɛ. O soaŋnin niaa a nààla bondokpalan, huinndon a tɛɛnndan, la nɔlanin siongɔɔ a nààla lan te.