Tɔŋ lasálàá 11:8 - BII BILA

⁸ La bɛnda mì la de visin visia kan te few, nduyɛ la pilan nda vɛlɛ a vílɛ́iya le. La cɔ nda maa visia nɔɔlɛiya nda co ni.

Tɔŋ lasálàá 11:8 Iomraidhean Croise

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Osee 9:3

Cuavaa-imamaa Efraim-nda lonin icali o lɛŋnde Mɛlɛka len nin te. À biinin nɛiyo le muungoo Esipte. À kɔ dianin ɲɛm dian nɔɔlɛiyon Asiri.

Tɔŋ lasálàá 11:7

La dia vɛlɛ pewvo le, kani o nɔ buuku tɛndaa a bɛngu piasaa, kɛ o kpukula le, la cɔ ndu maa visi nɔɔlɛiyo o co ni.

Tɔŋ lasálàá 11:9

O visia co o peelo-a tɛɛn, a niaa bɛnda mì la de-a co haa ni: la dio visia peaa nɔ kɛkɛwlan a pɛɛpɛɛlan-nda, a co o mɛmma ihɛllan nin, o peela bɛndulan a o peela pɔmbɔlan nin-nda.

Tɔŋ lasálàá 5:2

Te vanndo pilan yɛ pɛ ɲɛ nɔɔlɛiyo hali o sina lepɛŋndo nin, maa visi nɔɔlɛi vílɛ́iyo, te kon te cɔlu cieenin nɔɔlɛi vílɛ́iyo, te kon te mò pilan visin visi nɔɔlɛi vílɛ́iyo pum o visia pɔm-pɔmbɔa kela lɛŋ-nda tɛɛn, mɛɛ o siŋnun vana nɔɔlɛiyo a vana tɛɛmbua tɔŋndo.

Matie 15:11

O co ɲɛ luɛì vanacieo o sondo-o le nɔɔliaa ndu le. Kɛ ɲɛ fulà ndu o sondo-o, ndu nɔɔliaa vana ni.»

Matie 15:20

Mun nɔɔliaa vanacieo ni, kɛ kɛɔ balan pulɔɔ o ɲɛdiaa dioo, kon nɔɔliaa vana le.»

Marke 7:15

Ɲɛ-ɲɛ fula mò luɛi vanacieo nin mò nɔɔliaa ndu le, kɛ ɲɛ fula vanacieo nin-ndo, ndu nɔɔliaa ndu ni.

Marke 7:18

Mó dimul nda aa: «Mò va maa niaa bɛɛ la nɔ kɔlkalu le? La bii bila maa ɲɛ-ɲɛ fula mò luɛi vanacieo nin, o nɔla ndu nɔɔliaa le le?

Marke 7:2

Má ca kaandeŋaa Yeesu-a pum ɲɛdiaa dioo, aa pilu laba le.

Dɛnnda kiilaa 10:28

Mó dimul nda aa: «La sinà maa Yuifinɔɔ bɛnda mò sɔɔnguu vana co Yuifinɔ loo ikɛi, te kon te mò luɛi o ndu lo le. Kɛ, Hala cɔm ya maa i bɛnda mì ce vana-vana o nɔɔlɛi, te kon te o dindu ndu Mɛlɛka o hɔl too le.

Dɛnnda kiilaa 15:29

la dia visin nda co halaa fondoa sálàlan solullo-on te. La dia kooma cɔlua te kon te visin visi nda kundikundi mí koovan ma lo ndu nin-ndo le, la suunda le. Te la kpakpala pɛ dɛnndan ndan kpow, mɛɛ o naŋ. La lɔl kɛndɛ!»

Rɔmnda 14:21

O naŋ-ndo co ni, vana dia n'visi le, vana kol mamɔi le, vana tosa ɲɛ-ɲɛ luei puapilɛ nɔmndo o pɔwlan nin-ndo le.

1Korɛntea 8:8

O co ɲɛdiaa le tosanin mì n sɔɔnguu Hala ikɛi le, hali mì n di bɛɛ ndu le, n fola ɲɛ-ɲɛ lelan te, n sɔla vɛlɛ ɲɛ-ɲɛ lelan te.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Efɛsea 5:11

La vow balan o dɛnnda fondola vannda co tosaa o ɲumndan nin-ndan nin te, la cɔɔmuu lan ceen kpendekele.

Efɛsea 5:7

Lelan, la mɔɔsiaa ɲɛ-ɲɛ niaa ndaa le.

Kolɔsea 2:16

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.