Tɔŋ lasálàá 11:2 - BII BILA

² «Soo o Israɛlla lo ma dimul nda aa: ‹O visia co o lɛŋnden coo-a kpow tɛɛn, visia niaa bɛnda mì la de-a co haa ni:

Tɔŋ lasálàá 11:2 Iomraidhean Croise

Esekiɛl 4:14

Mí dimi aa: «Éé Maalii Hala! I kɛɛ ɲɛ-ɲɛ co o nɔɔlɛi mí kpakpala ndu. Kabi kandɔɔ o cuaambɔyɛi nii nin háá hau, i di vɔ cɔlu vílɛ́i te kon te cɔlu visi yondoo sɛɛsiaa-o le. Nduyɛ visii nɔɔlɛi súú-súù luei-yɔ ya o sondo le dɛ!»

Daniɛl 1:8

Mí Daniɛl kialun o kɔl maa o yeema mò nɔɔlian Mɛlɛka o hɔl o ɲɛdiaa pilɔɔ dioo nin a o mɔima pilɛan kolɔɔ nin nda masaa le. Lelan, mó tɛɛlun Aspenas aa o baŋ ndu nɔɔlianndo a ɲɛm mun te.

Tɔŋ lasálàá 11:1

Mí Mɛlɛka soaa o Moise nda Aarɔn ndo, mó dimul nda aa:

Tɔŋ lasálàá 11:11

Mɛɛ nda co ɲaa nɔɔlɛi bɛndu-bɛndu le niaa yɛ, la bɛnda mì la de visin ndan te. La pilan nda a vílɛ́iya le few.

Tɔŋ lasálàá 11:13

O yowva tɛɛn, a niaa bɛnda mì la de le-a co haa ni, kani a co bɔɔ ɲaa vɔɔn: kovɔ́ɔ̀, tɔ̀mkumbaa, duàá,

Tɔŋ lasálàá 11:21

Kɛ o va bɛɛ lende, o kambalaa nɔ kan bɔɔlan a kpasan-nda nin, la tiwba mì la de a nɔ kpasan le huuloo-a.

Tɔŋ lasálàá 11:29

O visia pɔmbɔa kela lɛŋ-nda tɛɛn, a niaa bɛnda mì la ce maa visia nɔɔlɛiya nda co ni-a co haa ni: lɔŋɔɔ, bɛlɔɔ, leenda súúlan kpow,

Tɔŋ lasálàá 11:3

la dio visi oo visi kpukula, mó nɔ buuku tɛndaa a bɛngu piasaa.

Tɔŋ lasálàá 11:34

Ɲɛdiaa oo ɲɛdiaa mɛmma va o kpɛɛnɛi ken nin-ndan mà vesulun pɛ, ɲɛdiaa kon siŋnun o nɔɔlɛiyo, te mɛmma man ma del vɛlɛ pɛ o ɲɛ-ɲɛ vana kol nin, o va o ɲɛi laandui súú-súù nin, ɲɛ kolaa kon siŋnun ɲɛ nɔɔlɛiyo.

Tɔŋ lasálàá 11:39

Te visi vana nɔla ma de-o vi pɛ, vana-vana pilan ndu o vílɛ́iyo pɛ, vana kon siŋnun o nɔɔlɛiyo háá icɔllo.

Tɔŋ lasálàá 11:4

Kɛ visia pum co, kpukulaa kínɛí nda kpukula ni, a nɔ buuku tɛndaa le, a pum co vɛlɛ buuku tɛndaa kínɛí nda nɔ ni, kɛ a kpukula le. La dia visia kan te, la cɔ nda maa visia nɔɔlɛiya nda co ni. Lelan, la dia ɲɔɔmɛɔ le, kani ndu o kpukula, kɛ o nɔ buuku tɛndaa le, la cɔ ndu maa visi nɔɔlɛiyo o co ni.

Tɔŋ lasálàá 11:9

O visia co o peelo-a tɛɛn, a niaa bɛnda mì la de-a co haa ni: la dio visia peaa nɔ kɛkɛwlan a pɛɛpɛɛlan-nda, a co o mɛmma ihɛllan nin, o peela bɛndulan a o peela pɔmbɔlan nin-nda.

Matie 15:11

O co ɲɛ luɛì vanacieo o sondo-o le nɔɔliaa ndu le. Kɛ ɲɛ fulà ndu o sondo-o, ndu nɔɔliaa vana ni.»

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.