Biblia Todo Logo
Bìoball air-loidhne

- Sanasan -




Tɔŋ lasálàá 10:3 - BII BILA

3 Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

Faic an caibideil Dèan lethbhreac




Tɔŋ lasálàá 10:3
46 Iomraidhean Croise  

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»


Kɛ mí Yɔb mulul ndu aa: «A soaa ko maa diɔm! O co ka dɛnɛ kɛndɔɔ kínɛí le naa n sɔ̀là Hala o ba le. Te n cɛl pɛ dɛnɛ kɛndɔɔ maa ɲɛ-kéa fula Hala o ba-o, vɛ n cɛl niko vɛlɛ dɛnɛ palaa lende le?» O kon nin kpow, Yɔb dimi diomnde tana le.


Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.


O yɔngu vanaa ndɔa yoomuan, mo tosa mà cua bollen. Lelan vanaa lo o lediom coo o cuavaa Israɛlla tɛɛn-nda kpow a co ndu lisaa o condon nin ni, vanaa co ndu kan ikɛi-ya pɛɛn. La lisa Mɛlɛka!


I meinun-ndɔɔ nihau, i co lɛhau ɲɛ-ɲɛ dimi le! Kani nɔm tuisi ya hee coo ni.


Baŋa ya a dɛnnda nila vɔɔnnda kpow. Cɛl mì diɔmnda mam ya le.


Ndu cii cɔwlan ni háá o lɛŋnden mɛɛlulan, mò tɛɛmbuu kpaasiaa, mò yimiyimi kɔɔn, mò lom ɲɛla ɲaanannda soa nan-ndan.


Nduyɛ, nɛ̀ɛ́ co yɛ o halataalaa maa Mɛlɛka? Ɔ́ɔ̀ vana siiman a ndu o vanndacieea tɛɛn-ndo?


Éé Mɛlɛka! Toɲaa tɔŋnda nɔmndan kpow la co ni, diondɔɔ fɛɛn-fɛɛndo bɛnda bɔɔ cɛi nɔmndo.


Ya yɛ, i co Esiptea nilan kindi háá mà tol le taŋɔɔ niaa kɔɔli. O kon, i co kei a Faraɔnnɔɔ a á vanaa ndɔa cɔwva kpow, ɲɛla ɲaanannda ndalan a vanaa ndɔa ɲaanun o soa coo-a, mì cɔm biilu nuu.


I co ndu nilan kindi háá mò cɛn le niaa kuello. Kɛ i co kei a ndu pila a á vanaa ndɔa cɔwva mì cɔm biilu nuu, mì Esiptea kpow a sina maa ya co Mɛlɛka ni.» Mí Israɛlla tosa mɛɛ Mɛlɛka dimul nda yɛ.


Hali vanaa-solia-lasálàá co ya sɔɔnguuo ikɛi-ya, a bɛnda fɔlɔn mà dindin malan nda hun, yɔŋii ya tɛɛmbuu nda.»


Mí Mɛlɛka dimul vɛlɛ ndu Moise aa: «Tol. Kɔ mà kɔ hun a Aarɔn. Kɛ vanaa-solia-lasálàá a vanaa tɔ̀a nda keleŋa vɔ helɔɔ a kiltan nɛɛ ya co-a le, yɔŋii ya tɛɛmbuu nda.»


Ma pɔla vɛlɛ Aarɔn nda poaa ndɔa haliko ma siŋnun vanaa-solia-lasálàá le vali nuu.


O kon mí Esekia mulul Esai aa: «Sɔɛi Mɛlɛka-e he, i fula hee nɔm o sondo-e, sɔɛi kɛndɛi i co ni!» Mó cɔɔlu vɛlɛ dimi aa: «Kani kɔlɲulu kpeekpeiyo va vɔnin naa coo le telen ya co vɔ hoo yoomu-o kpow.»


Mó dimul-la aa: «Vana ni baalaa n co ni, nɔm Israɛl, o nɔm nin ya lisannin ni.»


Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!


Tuma ya solinin niaa vanaa súúla celennda tɛɛn, mì faŋa niaa o lɛŋii niaa co a sɛŋiannda nin-nde nin, mì cuungiaa niaa-o, i cɛlnin niaa maa sálà cun kɛndɛ. O kon, i cɔmnin vanaa-mangalaa-isɔɔa diondɔɔ nuu a dɛnɛ kɛndɛ ya vanin niaa tosallo-o.


Dimul ndu aa nuaa Maalii, o co Mɛlɛka-o soo ni aa: ‹Má cè ya nɔm kuello, nɔm (kobio) Sidɔn! I cɔmnin biilu nuu o nɔm tɛɛn. O kon, telen ya kialunin yaman kobio Sidɔn mì tuisi ndu sangalan coo-o, vannda sinanin maa ya co Mɛlɛka ni. Lende ya cɔmnin diondɔɔ nuu o kobi kalaa tɛɛn ni.


A heelunin mà kuel, vanaa nia, Israɛlla maa yumbuyumbu co kɔlan lɛŋnden kumbɔɔ mɔku-mɔku-o. O telenndan mɛɛlulan ken tosannin ni. I yaanin nɔm le kɔlan lɛŋnde nilen delɔɔ coo, haliko mi vanaa-mangalaa-isɔɔa sina ya, lɔ́ɔ́ ya cɔmnin nda diondɔɔ nuu a nɔm o kɔɔ-o, nɔm Kɔk pɛɛn!›


Cɛi muli hɔlla a ba luaŋ-ndo-o ndu ndu, le vanaa-solia-lasálàá co baalaa tosaa o fonda-loamaa-lasálàá coo-a o co ni. Nda co yɛ poaa Sadɔk-a ni, kani o polale Levii len coo nda hɛlin le sɔɔnguuo Mɛlɛka ikɛi le vaa vali ndɔɔ tosaa ni.


Mí langbanɔ kon dimul-la aa: «Cɛila pɔmbɔla leninnda co lan a maluaŋ-ndan a cɛila pɔmbɔla leninnda co lan a ba too o fonda connun fondo-o laci lan, cɛila diandaalan la co ni, lon vanaa-solia-lasálàá, a co sɔɔnguuo Mɛlɛka ikɛi-ya vanin ɲɛm dian diandaa-diandan dioo ni. Lon nda vanin ɲɛm diandaa-diandan, sálàla kpeyanndan, visin cɔlu sálà co le hakio sɔlaa malɔɔ-o-on a visin sálà bɛɛndiaa isɔɔn kɛsio ni, kani o diandaa fonda kon co ni.


yɔŋii o luei polale laasiɛilen o yungule ndɔlen nin. Ya co Mɛlɛka ni. Ya hɛli ndu ni mí dindi ndu le baala nuu.›»


«Soo o Aarɔn-ndo mà dimul ndu aa: ‹Kandɔɔ hau háá le fɛɛn a fɛɛn, vana-vana va pɛ namtanɔɔ o polale ndu Aarɔn-nden coo, vana kon bɛnda mò tiiyal Mɛlɛka ɲɛdiaa sálàá le.


Vana-vana va pɛ namtanɔɔ o polale Aarɔn-nden coo, le fɛɛn a fɛɛn, o bɛnda mò sɔɔnguu o fonda-loamaa-lasálàá ikɛi le ya sálàá lumndo le. Le tùú o co namtanɔɔ-o, o bɛnda mò sɔɔnguu a ɲɛdiaa le Mɛlɛka ndu lumndo le.


Vanaa-solia-lasálàá bɛnda mà va vanaa diandaa siŋnun teengen le ya Mɛlɛka baalaa tosallo-a, yɔŋii nda nɔɔliaa diola nilan. Kani nda hɛlin le ya sálàlan solullo mì la ŋɔɛ o yinnden nin ni, ɲɛdiaa nuu co yɛ kon ni. Lelan a bɛnda mà va vanaa diandaa siŋnun teengen le ya Mɛlɛka-a.


Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.


Vanaa-solia-lasálàá bɛnda mà bii silala nilan, yɔŋii nda cua hakio ma kɔndu dɛnɛ le ɲɛ nda diaa. Kani te a del pɛ kasi a ɲɛdiaa kon o kɔɔ, a sɔla piɔ́mndo. Ya co Mɛlɛka ni, ya kɛsi nda teengen le baala nuu ni.


O palɛi ŋɔmmɛw-ve he bɛngu kpede, la bɛnda mì la lo o cɛi-kola-toandaa-labɔɔŋianndo sondoo paalen a ɲumndan, mì la bii sɔɛi Mɛlɛka-e yɔŋii niaa vu. Kon dimulun ya le tosaa ni.»


O kon, mó dimul Kore a vanaa o hin-nda aa: «Siɔdii, Mɛlɛka co naa vana co vana ndɔɔ-o cɔm, o co naa vana co o diandaa le simndan ndu o hɔl-lo cɔm. O sɔɔngunnin vana o hɛlinin-ndo ndu ikɛi.


Kɛ mí Mɛlɛka dimul Moise nda Aarɔn aa: «La lo o diomnde nilen coo le, la cɔm diondɔɔ nuu Israɛlla o hɔl te. Lelan, o co lɛ niaa le tiiyanin a sɛ́lɔ́ɔ́ ho o lɛŋnde ya yɔngu nda len nin te.»


Vana kaola pɛ fuɲa ndɔ, te kon te kala ndɔ hiovɔɔ ya coo, mɛɛ ndu bɛnda mò va kaandennɔ ni le. Vana kaola pɛ po ndɔɔ, te kon te cua ndɔɔ hiovɔɔ ya coo, mɛɛ ndu bɛnda mò va kaandennɔ ni le.


Pua, cɔm vannda biilu diola nɔmndan.» O kon, mí diomndo pum soaa o halataala aa: «I cii nihau biilu ndɔɔ cɔm, la sɔlanin vɛlɛ biiloo.»


Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin.


Kani niaa ŋiɔn kpede, mí la sɛɛngiaa diom nuu Israɛlla o hɔl a sɔɛi mɛnndan Meriba o kɔɔ, Kadɛs ikɛi, o lɛŋnde veselɛilen Sin nin. La cɛl mì diondɔɔ nuu cɔmnun Israɛlla le.


paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.


Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?


Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.


Le hee, mí Samiɛl dimul ndu sɔɔn mun kpow, o vin ndu ikɛ́-kɛ̀ le. Mí Helii dimi aa: «Ndu co Mɛlɛka ni, màá o tosa hɛnan ndɔɔ!»


O kon kɔɔli, má dimi aa: «Nɛ̀ɛ́ nɔla yɛnin lou yoomu Mɛlɛka o hɔl, Hala Diandaa ho pɛɛn? Kuɛɛ nɛ kpeekpei naa n co yɛ kesu ndɔ kpemaa ho yɔɔ mò faŋan nin naa nanu?»


Lean sinn:

Sanasan


Sanasan