Tɔŋ lasálàá 1:9 - BII BILA

⁹ à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 1:9 Iomraidhean Croise

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

1Dɛnnda lemasalan 6:34

Aarɔn a poaa ndɔa va sálàla loamaalan a sálàla cuɛima cun kɛndɛlan solio o fondala va le sálàlan solio lan coo ni. A va baalalan kpow tosaa o Fonda Diandaa-Diandaa nin, má va vɛlɛ Israɛlla sálàla malaa lahakilan solullo mɛɛ Moise ndóò dimul nda yɛ.

2Dɛnnda lemasalan 4:6

Mó cɔaw fɛngɛla letùúla n'daɲalan tɔ́, mó kɛsi laŋuɛɛnu o Cɛi-Hala-o, o ba kɛndɔɔ coo, laŋuɛɛnu lan la piltan o ba mɛllo coo le dindinndo. O fɛngɛla lan nin ndáà tɔaa cɔlua ndáà soli sálàla loamaalan-nda ni. A mɛmma va o fɛngɛ bɛndoo nin-ndan vanaa-solia-lasálàá ndáà dindin ni.

Condii lisai 51:6

I cua hakio a nɔm, nɔm pilɛ kpé, mí tosa ɲɛ co yɔŋ vɔɔndo nɔm o hɔl-lo. Le hee, sɔɛi-sɔɛi n dimi pɛ, a nɔ dí, yamɛi n kilunin ya-e venin yamɛi lakafa le.

Condii lisai 66:15

I solulnin nɔm sálàla loamaalan a cɔlua macuɛiya, i solulnin nɔm sálàlan a saa kóndóa, mì lum nɔm cuɛima cun kɛndɛan. I solulnin nɔm sálàlan a nawva a á cuinaa toovia.

Fulaa 12:9

A dia visin mun n'kiyɛiyon, te kon te n'yavan te. A bɛnda mà tuɛi mun kpow, kandɔɔ bolle cɔlu kon, bɛngula ndɔlan, kɔ bii a ɲɛm co ndu nin-ndon kpede.

Fulaa 29:18

A cii pɛ, a lom visin saa kóndó kon kpow o fonda-loamaa-lasálàá coo. Sálà loamaa solìn le ya Mɛlɛka-o co kon ni. Sálà loamaa co kon ni, o ya tuɛi cun mì ɲɔɔ hɛnan ya-o.

Fulaa 29:25

A cii pɛ faleŋii ken tosa, a bii mun nda o ba, a lom mun o yin o sálà loamaa co o fonda-loamaa-lasálàá coo-o coo, haliko mi tuei cun ndɔ kɛndɔɔ. Sálà ŋɔa o yin le ya Mɛlɛka-o co kon ni, o ya tuɛi cun mì ɲɔɔ hɛnan ya-o.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Esekiɛl 20:41

Tuma ya solinin niaa vanaa súúla celennda tɛɛn, mì faŋa niaa o lɛŋii niaa co a sɛŋiannda nin-nde nin, mì cuungiaa niaa-o, i cɛlnin niaa maa sálà cun kɛndɛ. O kon, i cɔmnin vanaa-mangalaa-isɔɔa diondɔɔ nuu a dɛnɛ kɛndɛ ya vanin niaa tosallo-o.

Esekiɛl 40:38

Cɛiyo pum va lon, sondo ndɔɔ va o sungbuma diola bɛndulan tɛɛn. Lon ndáà pulu cɔlua va le sálà loamaa solio-a ni.

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 1:17

O kon, o tɛnda yow kon o kumbanndan tɛɛn, kɛ o kilu kpali le, o lom ndu o kilin fonda-loamaa-lasálàn coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.›»

Tɔŋ lasálàá 2:16

O kon, vana-solia-lasálàá lom ɲɛ co le loonɔnndo a Mɛlɛka o kɔɔ-o: kpeyanndo o tiŋ, cuɛiyan matiŋ a lasikɔlɔ kon kpow. Sálà nda loam o yin le ya Mɛlɛka-o co kon ni.»

Tɔŋ lasálàá 2:2

Mò yoo vanaa-solia-lasálàá, poaa Aarɔn-nda ɲɛm mun. Mì vana-solia-lasálàá pilɛ ɲɔla kpeyan co kon o muulianndo a cuɛiyan-ndo, mò cua vɛlɛ ansan kpow, mò lom ndu latulu o fonda-loamaa-lasálàá coo le loonɔnndo a ya Mɛlɛka o kɔɔ. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 2:9

O kon, vana-solia-lasálàá faŋa ɲɛ co le loonɔnndo a Mɛlɛka o kɔɔ-o, o lom ndu o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 3:11

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin le ya Mɛlɛka-on co mun ni.

Tɔŋ lasálàá 3:5

Mì poaa Aarɔn-nda lom ɲɛm mun a sálà loamaa vanin o handaa o kilion coo-o latulu o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 6:14

A bɛnda mà toŋ ndu a cuɛiyan o kpɛɛnɛi nin. Mà yimiyimi dɛɛ toaŋaa sálà cun kɛndɛ kon bungan, mà hun yɔngu ya Mɛlɛka ndu.

Tɔŋ lasálàá 8:21

Mó tɔaa pulon a bɛngulan o mɛnndan nin, mó loam saa kóndó kon kpow o fonda-loamaa-lasálàá coo. Ndu yɔŋnun sálà loamaa cun kɛndɛ ŋɔɛ o yin le ya Mɛlɛka-o ni. Mí Moise tosa falenndon mɛɛ Mɛlɛka cɔm ndu yɛ kpafii.

Tɔŋ lasálàá 8:28

Mɛɛ nda cii cɔm, mí Moise bii nda ɲɛm mun o ba, mó loam mun o fonda-loamaa-lasálàá coo, o sálà loamaa coo. Sálà kon co sálà kandaa baalaa ni, o ŋɔa kpúlúká o yinnden nin-ndo, o Mɛlɛka tuɛi cun mì ɲɔɔ hɛnan ndu-o pɛɛn.

Tɔŋ lasálàá 9:14

Mó tɔaa ɲɛm va cɔlu kon o dembe-on a bɛngula ndɔlan, mó loam ɲɛm mun a sálà loamaa latulu o fonda-loamaa-lasálàá coo.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

Kundalan 28:11

«O ipaangu oo ipaangu kandɔɔ, la bɛnda mì la solul-la sálà loamaa a navaa tovaa téndéa nda ŋiɔn, saa kóndóó o pilɛ a saa téndéa nɔ vɔsio pilɛ-a nda ŋɔmmɛw, cɔlua kan kpow a bɛnda mà nɔ lenamta le.

Kundalan 28:7

Mì la handu vɛlɛ sálà mamɔiyo lecoo, mɔima kɛndɛ-kɛndɛan litilio o pilɛ a tálá le saa téndé tasoo, o Fonda-Diandaa nin mɔima man ma bɛnda ni mi ma yɔngun Mɛlɛka.

Kundalan 28:8

Saa téndé diinndɔɔ bɛnda mò solin sálà a dɛɔ a paale delaalen, a sálà mamɔiyo lecoo maa o tasoo. Sálà ŋɔa o yin le ya Mɛlɛka-o co kon ni, o ya tuɛi cun mì ɲɔɔ hɛnan ya-o.›»

2Korɛntea 2:15

Kani n co macoaa maa lasikɔlɔ cun kɛndɛ Krista-o le Hala. Lasikɔlɔ kon co le vanaa co kɔlan o cindaa nin-nda a le vanaa co kɔlan o lou nin-nda.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Tɔŋ miingua 12:27

La bɛnda mì la soli sálàla niaala loamaalan, mì la heelu vision a koovan o fonda-loamaa-lasálà Mɛlɛka Hala niaa coo. Kooma cɔlua sálàá niaa ma bɛnda mì ma talan o fonda-loamaa-lasálà Mɛlɛka Hala niaa coo, vision mún, mì la de mun.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.